影片
更多
2013-07-12
103 瀏覽
呢間響海灣同船屋附近的中葡菜, 午市中式套餐只需$35, 超平! 呢間餐館又係食葡國菜既地方, 因為價錢好平, 如果食得過, 呢間就成為我食葡國菜既私竇了! 有幾平? 淨睇餐牌上的鱸魚, 海灣$160, 船屋$128, 呢間只係$88! 散嗌湯既話, 船屋$42, 呢度只係$18! 差太遠了! NPNT....先黎個前菜, 當然不少得葡菜代表, 馬介休薯球! 食落依然好林, 但唔會痴口, 好香口, 亦食得出馬介休既味道, 因為都切到幾粗粒... 每人兩粒, 完全都唔會覺油膩....炭燒沙甸魚, 先要接受沙甸魚陣味先, 否則便誤會好(魚星), 因為真係好香, 一人一條豪一豪佢, 因為只係$12條.... 有一條上唔到鏡了炒雜菜, 平平無奇... 志在有D菜咬下...非洲雞, 真係一定要推介, 好多時非洲雞都係配上一堆所謂既辣汁, 但就冇乜見過乾身的! 我食過一次同樣乾身, 但係表面好油, 而呢隻就睇唔到有層油響面, 初頭都諗住失望的... 點知一食落竟然有驚喜! 辣汁既味道響晒表皮度, 仲幾辣下添! 感覺似有層咖喱黃油僅僅沾在皮上, 有味得黎又唔油! 極奇香口! 雞肉嫩滑就唔講得, 但都
先黎個前菜, 當然不少得葡菜代表, 馬介休薯球! 食落依然好林, 但唔會痴口, 好香口, 亦食得出馬介休既味道, 因為都切到幾粗粒... 每人兩粒, 完全都唔會覺油膩....
炭燒沙甸魚, 先要接受沙甸魚陣味先, 否則便誤會好(魚星), 因為真係好香, 一人一條豪一豪佢, 因為只係$12條.... 有一條上唔到鏡了
炒雜菜, 平平無奇... 志在有D菜咬下...
非洲雞, 真係一定要推介, 好多時非洲雞都係配上一堆所謂既辣汁, 但就冇乜見過乾身的! 我食過一次同樣乾身, 但係表面好油, 而呢隻就睇唔到有層油響面, 初頭都諗住失望的... 點知一食落竟然有驚喜! 辣汁既味道響晒表皮度, 仲幾辣下添! 感覺似有層咖喱黃油僅僅沾在皮上, 有味得黎又唔油! 極奇香口! 雞肉嫩滑就唔講得, 但都不錯!
最差係銀鱈魚, 焗又好煎又好, 點會YUM漿炸架?!!!! o徒晒! 好在只係$48... 食到有檸檬汁既味道, 對於唔喜酸既我, 再扣分! 做乜唔畀舊檸檬我自己o即?! 同埋搵薯條墊底, 食緊fish&chip嗎? 結果攪到薯條變埋檸味酸...
馬介休炒飯, 呢味都要推介, 炒功一流! 飯粒乾身彈牙, 粒粒分明, 唔油, 熱辣辣, 香口, 每啖都食到馬介休既味道, 又唔會過咸, 無懈可擊!
題外話/補充資料：
21:00 就關門, 即last order都係20:00, 比較早, 同埋好似逢星期一唔開, 係我食果日咁o岩有開, 但又試過星期二摸門釘, 最好打電話去confirm... 呢次三條友$238, 每人都要$80, 好似幾貴, 但葡國菜不嬲都係貴野, 呢個價算好低了, 寫呢次食評時剛食完船屋, 每人要$230!
(以上食評乃用戶個人意見 , 並不代表OpenRice之觀點。)
張貼
