第二晚去咗呢間酒店睇show，順便就去酒店搵食，人多家姐決定呢間，因為我去睇show先！佢哋已經食咗第一輪！我哋來到加單！
地方大裝修骨子！中圓枱坐得舒服！落單後食物陸續到！
小籠包（$68）小籠包精緻！皮薄肉嫩多湯！味道幾好！但點解啲醋係蘋果醋唔係浙醋？味道唔夾好奇怪囉！
涼拌黑木耳（$55）醃得剛好，微酸開胃，雲耳爽口彈牙，加啲鮮百合！口感爽脆
菜肉餛飩湯（$60）湯底清爽，雲吞皮好滑，餡料菜多肉少！好味！
紅燒牛肉湯麵（$98）湯底好濃，唔油膩，牛肉淋身入味，牛筋炆得淋彈口，麵條幼身微彈，掛湯唔錯！好味！
蘿蔔絲拌海蜇皮（$65）蘿蔔絲爽口，海蜇彈牙，味道清爽開胃，但海蜇太少，基本上都係醃蘿蔔絲！唔抵！
炸醬拌麵（$65）肉醬鹹香，撈麵條好味但淥麵啲水無fling乾，溝淡晒啲肉味！
清炒白菜仔（$62）簡單清炒，白菜仔爽嫩，爽脆好味！即係encore多一碟
店員斯文，不過cool啲！上菜收碟勤快！
價錢略貴，地方好坐，食物ok!
但上海菜點小籠包唔用浙醋真係接受唔到！
