更多
2017-11-08
4691 瀏覽
黎澳門諗住食葡菜，知道呢間價錢大眾化，聽聞質素好似ok，就試下啦。大家記得一定要訂位丫，因為其實跟住都好多人排緊隊。叫左佢哋呢度最出名嘅葡式乳豬飯。 佢個乳豬嗰個質地係同出面唔同既。因為佢係用豬頭肉，而豬頭肉係比較爽身。咁當然啦佢已經斬哂牙呀，眼既部分，無咁恐怖比你見到既。 佢個皮燒得好脆，同我哋食開既港式乳豬唔同，佢唔會起pop pop嘅，係一整塊的，邊邊有少少燒焦，好吃。不過，有點失望係個飯係凍既。。。。。用葡式臘腸炒， 又唔係幾香，又冇乜特別味道。我哋叫埋 麵包葡國雞 。見佢咁有特色原個麵包上，但係食落都係有少少失望，因為嗰個麵包好削。本身個麵包可以索曬嗰啲汁，應該好好食但係因為個麵包密度好低， 索完啲汁變到糊哂。 啲雞用雪藏雞就一定嘅，但係我諗佢冇乜點醃過雞件，只係靠個葡汁，個味好寡。份量係有番咁上下，價錢亦唔貴。不過我諗下次都係去食第二間喇~😅😅
大家記得一定要訂位丫，因為其實跟住都好多人排緊隊。
叫左佢哋呢度最出名嘅葡式乳豬飯。
佢個乳豬嗰個質地係同出面唔同既。因為佢係用豬頭肉，而豬頭肉係比較爽身。咁當然啦佢已經斬哂牙呀，眼既部分，無咁恐怖比你見到既。 佢個皮燒得好脆，同我哋食開既港式乳豬唔同，佢唔會起pop pop嘅，係一整塊的，邊邊有少少燒焦，好吃。
不過，有點失望係個飯係凍既。。。。。
用葡式臘腸炒， 又唔係幾香，又冇乜特別味道。
我哋叫埋 麵包葡國雞 。
見佢咁有特色原個麵包上，但係食落都係有少少失望，因為嗰個麵包好削。本身個麵包可以索曬嗰啲汁，應該好好食但係因為個麵包密度好低， 索完啲汁變到糊哂。 啲雞用雪藏雞就一定嘅，但係我諗佢冇乜點醃過雞件，只係靠個葡汁，個味好寡。
份量係有番咁上下，價錢亦唔貴。
不過我諗下次都係去食第二間喇~😅😅
張貼
