宋玉生廣場(皇朝)漁人碼頭寶石迷宮購物中心29-30號舖

位於澳門漁人碼頭，十一點半左右已經尼到 發現好多店鋪都未開，空肚的我們揾到呢間餐廳個view唔錯就決定試一試

海南雞飯

$78

海南雞飯切雞既部位都係多點肉嫩滑的，又有雞翼，真係唔話得，好有水準👍🏻 黄油飯粒粒分明，幾有雞油香味🤪👍🏻配上青菜，湯同3種汁，好滿足既一個餐！

焗豬扒飯

$68

焗豬扒飯個豬扒係做到微微日式吉列既感覺，好脆好好味呀！而且又係炒飯底喎 冇得輸啦！

咖哩牛腩飯

$68

咖哩牛腩飯 相對平時既咖啡汁，呢度比較流質 但味道都好正，牛腩炆到好淋，簡直唔洗點咬就得開！😍😍 啲飯好快比我食哂 送飯一流！

即磨咖啡

單點了一杯亦有驚喜。熱咖啡好濃郁豆香味，但一啲都唔苦澀☕️比你自由加減奶量 望住個外景真係好舒壓