陶陶居海鮮火鍋酒家 (已結業)

2018年底去左澳門一次米芝蓮養豬之旅，呢間係推介。陶陶居係屋企人預早好多已經話要食嘅老字號，一早book 左位食晚餐。佢會預先越洋打你香港電話confirm. 唔book定星期日晚都要等位。門面好光鮮，行入去好似協成feel, 坐底睇到原來協成同陶陶居都係金悅軒group. 招呼都ok.叫左個6兩砂煲翅四個人分，個湯好鮮甜，有金華火腿香但唔會搶focus. 翅真係一梳梳，價錢好相宜。乳香雞，皮脆但肉偏太稔。可食可唔食。脆皮牛肩肉，好好食。唔會太heavy. 脆漿好薄，肉又香同稔身。推介辣酒東風螺，幾香酒味，可惜有少少過火。螺鮮甜。魚湯西洋菜，魚湯調到味。