43
5
2
等級2
22
1
2019-06-28 640 瀏覽
數數手指都醒唔起幾耐無嚟過澳門飲飲食食,應該都有兩三年左右?今日請咗一日假同屋企人一齊過大海辦理私人事,順道嚟食好西近年澳門百花齊放,除咗一向都出名嘅葡國菜之外,連帶開咗好多唔同類型嘅小店或者外國餐廳都進駐澳門,已經唔再係局限於只有葡國菜出名嘅情況。其實都係一件好事,擁有雙重身份嘅我都希望澳門經濟環境越黎越好,唔再係以前單單以賭場作招徠嘅一個地方,單以美食都可以吸引到世界各地遊客到澳門旅遊由於我哋都係臨時決定晚餐去葡國美食天地,所以無係事前打電話訂枱。不過都聞說呢間餐廳都好受歡迎 (特別係當地葡國人),辦理完正事之後就坐賭場巴士向官也街出發啦去到餐廳問下佢哋可唔可以安排今晚嘅訂枱,好幸運地可以安排到6:30 大約6:20左右我哋再返到黎餐廳,已經見到有一條短短嘅人龍係門外等餐廳開門 (晚市開6:30),當中不乏葡國家庭及外國人。餐廳準時係6:30開門,餐廳內裡以四人枱或提供俾家庭用嘅長枱為主,以我所記得就無二人枱。環境寬敞,冷氣夠涼快餐廳不設搭枱,即使係兩個人入座都會安排整張四人枱俾你。可以坐得舒舒服服,唔洗怕要同人撘枱或者人多時要將枱一分為二。餐廳裝修懷舊而不失典雅,牆壁貼上部份報章
更多
數數手指都醒唔起幾耐無嚟過澳門飲飲食食,應該都有兩三年左右?
今日請咗一日假同屋企人一齊過大海辦理私人事,順道嚟食好西

近年澳門百花齊放,除咗一向都出名嘅葡國菜之外,連帶開咗好多唔同類型嘅小店或者外國餐廳都進駐澳門,已經唔再係局限於只有葡國菜出名嘅情況。
其實都係一件好事,擁有雙重身份嘅我都希望澳門經濟環境越黎越好,唔再係以前單單以賭場作招徠嘅一個地方,單以美食都可以吸引到世界各地遊客到澳門旅遊


由於我哋都係臨時決定晚餐去葡國美食天地,所以無係事前打電話訂枱。
不過都聞說呢間餐廳都好受歡迎 (特別係當地葡國人),辦理完正事之後就坐賭場巴士向官也街出發啦

去到餐廳問下佢哋可唔可以安排今晚嘅訂枱,好幸運地可以安排到6:30

10 瀏覽
0 讚好
0 留言
7 瀏覽
0 讚好
0 留言

大約6:20左右我哋再返到黎餐廳,已經見到有一條短短嘅人龍係門外等餐廳開門 (晚市開6:30),當中不乏葡國家庭及外國人。
餐廳準時係6:30開門,餐廳內裡以四人枱或提供俾家庭用嘅長枱為主,以我所記得就無二人枱。
環境寬敞,冷氣夠涼快
餐廳不設搭枱,即使係兩個人入座都會安排整張四人枱俾你。可以坐得舒舒服服,唔洗怕要同人撘枱或者人多時要將枱一分為二。

餐廳裝修懷舊而不失典雅,牆壁貼上部份報章報道,原來餐廳曾經得到米芝蓮榮譽,難怪餐廳咁多人慕名而來

除咗主菜牌、酒牌外,仲有另一個較細小嘅是日推介。菜式價錢中等,無我想像中高昂。
4 瀏覽
0 讚好
0 留言

7 瀏覽
0 讚好
0 留言


最後我哋點咗是日推介裡面嘅磨菇牛扒 (好似MOP128?)、炒蜆 (MOP138)、炸馬介休球 (MOP45),仲有兩罐芬達汽水 (留意返,餐廳無免費水提供)
侍應服務態度幾親切主動,工作快而有效率,亦都會主動向客人推介菜式,現今餐廳要得到咁好嘅服務除非係五星級酒店。

餐前麵包
5 瀏覽
0 讚好
0 留言

落單後,侍應送上餐前麵包,係偏硬嘅豬仔包。麵包按人頭配給,溫度係微暖以上,麵包表面頗為脆身,一拎上手已散到成碟都係

內裡充滿麵粉香氣,新鮮麵包從來都唔需要加鹽加醋都咁好食!


然後其他食物都陸續上枱

炸馬介休球
$45
9 瀏覽
0 讚好
0 留言
🌟炸馬介休球 - 一碟3件,新鮮炸起,切開一半時仲有熱氣冒出。清晰見到一絲絲馬介休,內裡混合少許芫荽作調味,唔會過鹹

13 瀏覽
1 讚好
0 留言
10 瀏覽
0 讚好
0 留言
🌟炒蜆 - 上菜時真係大碟到令我哋嘩嘩聲
啲蜆多到成座山咁!炒蜆以橄欖油、白酒、芫荽、辣椒調味,白酒味非常濃郁!蜆肉粒粒飽滿,鮮甜之餘仲完全無沙!真係一隻接一隻咁狂食
啲汁用黎點餐包食都好唔錯
磨菇牛扒
11 瀏覽
1 讚好
0 留言

🌟磨菇牛扒 - 磨菇牛扒煎到大約七成熟,生熟程度剛剛好。好香濃嘅牛味,肉質唔算太嫩,但亦都唔會好似食柴皮咁

伴碟嘅薯條係新鮮即炸,條條都好粗身。磨菇份量幾多,磨菇汁煮得好好唔會過咸或太濃而搶走牛扒嘅肉味

埋單大約MOP440-450 (確實價錢唔記得咗),都算幾抵食,起碼食完出黎係飽肚嘅。

聽到隔離枱本身想點葡式芝士但侍應話已經賣哂,當時只係7點左右,睇黎葡式芝士係好受歡迎
炒蜆
$138
6 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-06-06
等候時間
5 分鐘 (堂食)
人均消費
$440 (晚餐)
推介美食
炸馬介休球
$ 45
磨菇牛扒
炒蜆
$ 138