1
0
0
以上資料只供參考, 請與餐廳確認詳情
※本文以用餐當日的環境、服務和食物質素為準，口味亦因人而異，文章只作參考之用。-月中同老公去了澳門一天美食遊，剛好與同事傾談之下佢介紹我倆可以去試下Cafe Free的麵包，話相當足料，愛食麵包的男人又兩眼發光，所以都有列入行程表中。在網上有看過原來他們有多間分店，不過最吸引小妹的反而從Instagram 看到的千層蛋糕！一落船時間尚早，便立即乘的士前往，因為這間分店才有設置位置可以立食呢。光看門面有身在台灣麵包店的感覺！環境大，放了多款麵包、三文治和甜品，選擇多，梗有一款岩你食。有數個立食位供客人內用，岩晒要拍照的小妹！在網上得悉他們家的麵包使用自家培植的天然酵母，做法偏向台灣風味的麵包，所以麵包大多富彈性和有嚼勁!因趕船無食到早餐，我們便在宏宏麵包中揀了數款麵包同蛋糕。樽仔奶茶 $10、樽仔咖啡 $11白色蓋的係奶茶味，紅色蓋係咖啡。一向對樽仔奶茶都滿有好感，因為之前飲過的樽仔奶茶大多味道都不錯。而這裡的味道可以，不過奶味比例稍多，老公就話咖啡甜度可調低小小。東風細司堡 $21小妹很喜歡這個細司堡，感覺很墜手！有著台式麵包那種煙煙韌韌的嚼勁，咀嚼中有陣陣麥香又帶咬口，裡面仲有不少富鹹香的芝士作餡料，食半個已經很飽肚。千層丹麥菠蘿 $10以曲奇皮作為傳統菠蘿包的菠蘿皮，食落同樣鬆化，味道香甜，也無傳統菠蘿包咁邪惡，是一種新嚐試的配搭。爆漿麻糬 $9煙煙韌韌的麻糬皮，一咬落去爆出大量吉士，可以當甜品食，夠滋味！伯爵千層 $32、提拉米蘇千層 $32黎這裡之前已鎖定要試他們出品的千層蛋糕，完全估唔到會有，很期待啊！在網上見過有抹茶同伯爵茶味，今日就係伯爵茶同Tiramisu味，當然兩款都黎一件啦！價錢比Lady M平一大半，又同沛公差唔多。伯爵茶千層賣相同Lady M真係好似，作為一間麵包店，味道方面小妹當然唔會要求咁高！不過食落真係相當唔錯，千層皮頗薄，用叉吉落去唔會成件倒塌傾斜，質感較挺身，裡頭既伯爵茶忌廉軟滑，真係有陣陣茶的幽香，真心覺得以這價錢來說係相當不錯，如伯爵茶忌廉可再多少少會更吸引。提拉米蘇千層食落就有點咖啡香，相比起前者，小妹較愛前者，如果香港都有就好了。黑芝麻卷蛋 $13面頭的黑芝麻慕絲入口頗濃郁，不過蛋糕卷食落就稍為乾涸，不夠鬆軟！
繼續閱讀
您可能會有興趣的...