3
0
0
以上資料只供參考, 請與餐廳確認詳情
食家推介
繼續在官也街小巷中發掘，經過門口掛住一隻大龍蝦🦞小店，主題接近都一樣係包，不過係主打美式海鮮風格。鋪頭座位不多，基本上現場氣氛岩企係到食，如果當日唔係Lunch time 時間，我諗一定會叫枝手工啤，現場仲即時睇到海鮮炒熟添。.🦞龍蝦包 ($120*)🍟轉套餐 (汽水+薯條)(+$22)🌭帶子堡 ($56*).一場黎到梗要試招牌龍蝦包，原來有分新鮮同雪藏龍蝦兩款，當日只有雪藏提供，價錢會比新鮮平，另外加22蚊跟餐有薯條汽水。現場所見烘熱麵包同時，會炒香龍蝦同帶子肉，夾好後加入特製醬就完成。店員見兩個人share食亦貼心問要唔要幫手切半，呢點有加分👍。.食用建議先帶子後龍蝦，第一啖咬落帶子堡有驚喜🤩，帶子肉幾大粒，而且有鮮味又嫩。第二款龍蝦包，起初以為雪藏龍蝦味道唔會咁出，點知食落有龍蝦獨有個種味，完全想像唔到肉質可以咁有彈性🤩。麵包軟熟又有點牛油香，一口既大細剛好咬齊麵包同海鮮，配既醬汁幾夾。.海鮮用料足，味道亦不錯，不過份量偏細，三四口搞掂，食埋跟餐炸到香脆薯條岩岩飽。價錢有少貴，但都覺得值得去試一試。_⭐️有手套和紙巾提供⭐️ 抗疫有八折，以上所標價錢為折後價*
繼續閱讀
店鋪裝修簡潔，有少量坐位。老闆非常親切友善。點了一份龍蝦包，坐下慢慢品嚐。龍蝦包餡料非常足，咬落啖啖肉，肉質鮮嫩。麵包外脆內軟。下次去官也街，可以試試豬扒包以外的它！
繼續閱讀
澳門比較少美式熱狗店(可能我唔知啩)，唔知幾時bookmark左，今日趁得閒就試下。位置處於好旺嘅官也街唔當眼嘅小巷入面，但門口掛左隻大龍蝦，好易認，營業時間唔長12noon~8pm,跟據店內通告last order好似係6pm食物選擇唔多:龍蝦包，帶子包，蝦包同混合包，小食有薯條薯角，飲品有樽裝茶，支裝汽水同啤酒。我就選左龍蝦包+$22配薯條/薯角同汽水/茶龍蝦包啲龍蝦係即叫即驚，雖然雪藏嘅，不過加埋醬料都唔錯，唯獨是個包底可以改善，由宜家餐包改做熱狗包;薯條就即叫即炸再曬上鹽，好味，不過太多食唔哂2位老闆係後生仔，非常有禮貌同親切，空閒時會走出黎傾下計
繼續閱讀
發現此店是源於氹仔一本旅遊書介紹，指店裡有龍蝦包！終於在官也街小巷發現此店，裝修很有美式風格。餐牌除了4種包，便是幾種配菜，4種包包括蝦堡、帶子堡、龍蝦堡、雜錦堡。我進店時剛好前面的情侶點了龍蝦包，售價$169！真的有大大件龍蝦夾在包內，蝦鉗突了出來！但由於太貴，最後點了$69帶子堡。所有食物都是即叫即製，需要一點時間等候，食物奉上時是熱辣辣的，還可以按客人的人數切開。店內還提供手套和牙簽、紙巾，非常貼心～帶子肉嫩，但略嫌鮮味不夠，醬汁酸酸甜甜的，很開胃；包有點像熱狗包但比熱狗包好吃，塗上牛油非常有口感。店內有免費wifi讓客人隨便使用，雖然只有4個坐位，但三個是木箱設計，一個係bar檯位，都很有特色，還放著大龍蝦擺設。之後在店外發現有免費充電檯，放著各式各樣的插頭線供人使用，男朋友趁我使用wifi上網時充電，店員到外面收拾時看見，即熱情邀請我們到店內使用他們的充電器，不用站著充電，但因為我們只充一陣子，婉拒了他的好意。總括來說，食物很好吃，裝修有特式，店員服務和態度一流，只是龍蝦堡有點貴～非常值得一試！
繼續閱讀