2
2
0
營業時間
星期一至日
11:30 - 20:00
付款方式
現金
以上資料只供參考, 請與餐廳確認詳情
食評 (4)
等級4 2023-04-19
235 瀏覽
今日去到澳門點可以少得豬扒包啊。上網見勁多人推介 就嗌咗個外賣翻酒店食第一樣點左既嘢係招牌赤辣豬扒包,點左中辣,辣都痴線不過超爽因為平時好鍾意食辣,講返啲料先,當然有豬扒,大件得嚟唔會柴,煮得唔錯,有啲生菜番茄做配菜,個包整得好鬆脆好有口感,整體呢個包真係值得一試,建議其實可以食小辣先。第二樣點左鰻魚滑蛋豬扒包,鰻魚勁大件!而且燒鰻魚既汁好入味,燒得都啱啱好,配上較熟既滑蛋好夾,好滿足,呢份都好好食!都係必點!可惜唔能夠食太飽,如果唔係一定會叫多幾樣試試,因為呢間實在太好味!推薦大家去澳門都可以試下 繼續閱讀
(以上食評乃用戶個人意見 , 並不代表OpenRice之觀點。)
等級3 2023-03-12
235 瀏覽
我係用澳門嘅外賣平台嗌去酒店食,佢吸引我嘅原因純粹係個招牌😂 佢成功做到澳門嘅豬扒包擺脫咗傳統嘅味道😂 同埋佢外賣盒都幾有誠意,因為琴日買咗個豬扒包,佢係用嗰啲紙袋裝,嚟到嘅時候已經出晒水,但係佢呢度係用膠盒裝,仲要整個窿唞氣,值得加分😂諗住嗌多杯特別飲品,叫咗特濃炙燒檸檬茶,呢個就有啲失望,雖然佢係MR.K嘅招牌檸檬茶,茶底係由三種茶葉拼配而成,但係我唔太鍾意苦澀嘅檸檬茶,真係唔係我杯茶😂😂 繼續閱讀
(以上食評乃用戶個人意見 , 並不代表OpenRice之觀點。)
等級4 2023-02-22
247 瀏覽
去澳門玩,去咗官也街諗住掃街,但就超級勁多人,好似行花市咁😂,所以就行吓其他冇咁多人嘅巷仔,突然見到呢間豬扒包,無乜人,但睇落又幾特別,咁有緣份,就膽粗粗就入去試吓。店內有張bar檯,有2個位,店外有3張櫈,由於呢邊無乜人,所以坐得舒適,可以靜靜哋吹風享受呢個豬扒包😆。我哋叫咗2個包share,佢哋係即叫即整架,第一個係Mr. K番鬼佬豬扒包,係用一個脆豬仔包夾蕃茄+豬扒+沙律醬,豬仔包非常香脆,豬扒好鬆軟又juice,配搭埋蕃茄同沙律醬,好fresh,好好食。另一個係Mr. K 芝士豬扒菠蘿包,係用一個菠蘿包夾芝士+豬扒,菠蘿包外酥內軟,配搭芝士+豬扒,真係另一食法,有點芝士香、有點甜有點咸,不過又幾夾,如果鍾意食辣,可以叫佢加辣添,辣定唔辣,任君選擇🤣,唔錯唔錯。不得不提,佢嘅泰國🇹🇭椰青,好甜好好飲,只係Mop25,仲可以自己揀,揀完比佢開😋。整體CP值高,去開可以試吓🤩。❤️Mr. K番鬼佬豬扒包Mop$36/個❤️Mr. K 芝士豬扒菠蘿包 Mop$36/個❤️泰國椰青 Mop$25/個推薦指數:❤️❤️❤️❤️❤️店鋪資料 🏢Mr. K 赤辣豬扒包地址:澳門氹仔官也街德行巷12-18號地舖 #foodieismylifehk #macaufoodie #hk #macaufood #food #foodshare #eatstagram #yummy #澳門美食 #macau #hkig #fooddaily #happy #foodies #吃貨 #相機食先 #foodie #yum #純粹分享個人感覺 #記録 #食好西 #味道是主觀的 #氹仔美食 #官也街#豬扒包#澳門#掃街 #純分享 #真實 繼續閱讀
(以上食評乃用戶個人意見 , 並不代表OpenRice之觀點。)
餓鳥.....有話兒:「赤辣豬扒包燒到去葡京人啦🔥」-話說葡京人商場有不少飲食店進駐,連在美食節大排長龍的創新豬扒包店都殺進來了,看到不用排隊當然點個葡京人店限定來吃啦🤩不論坐在室內一個個Rock and Roll風格的貨櫃,還是坐在室外露天茶座⛱ 吹著涼風享受美食,也是下午茶地方的不二之選啊😚這裡還周不時有戶外Live Band Show🎤到時候配上音樂的加持,簡直一大享受啊😝而商場更是Pet Friendly🐶期間亦看到不少朋友們帶著他們的愛寵來,完美是人放鬆寵物放空😎🔹《豬扒菠蘿包》由原本大大的正常size變成兩個mini size的葡京人限定版菠蘿包😍不但把鬆軟的面包體加入竹炭給拉黑,又同時保留金黃酥脆的菠蘿皮,拿著好怕手一捏就把皮壓碎🤣再夾上厚實的豬扒,大口大口的,一咬就把半塊豬扒給扯出來了,實現空口吃豬扒啊😆但肉質稍微乾身一些,如果可以搭配滑蛋增添一點濕潤感就更滋味啦😉🔹《鹹蛋黃醬蟹腳菠蘿包》脆皮的竹炭菠蘿包一口掉渣,內裡的鹹蛋黃醬鋪著密密麻麻的蟹腳絲,鹹鮮又帶點沙沙的口感,層次感豐富🤤不知大家有沒有吃過新加坡牌的鹹蛋黃味炸魚皮,感覺把那種熟識的味道給呈現出實體來,香口到兩三口就把它吃掉了🥰🔹《400轉焦糖拿鐵》淡淡的焦糖濃香中和了咖啡的苦澀,打了400回合口感更順滑細膩😏🔹《檸檬忌廉碟花梳打》氣泡滿滿的梳打加入了碟豆花,漸變的顏色夢幻吸睛,味道清爽又解膩🤭🔹《特濃炙燒檸檬茶》酸澀的檸檬茶中散發出炙燒的焦香味,清新止喝😬-🌟餓鳥優惠提示一下:即日起還有開業優惠,只要買任何包類再+$1️⃣即送檸檬茶喔😜-✨餓鳥點餐✨ 豬扒菠蘿包($35) (葡京店限定size)鹹蛋黃醬蟹腳菠蘿包($35) (葡京店限定size)400轉焦糖拿鐵($35)檸檬忌廉碟花梳打($35) (葡京店限定)特濃炙燒檸檬茶($30)- 繼續閱讀
(以上食評乃用戶個人意見 , 並不代表OpenRice之觀點。)