48
15
1
電話號碼
+853 88681920
開飯介紹
設有多個開放式廚房的餐廳，供應九種美食類別，包括澳葡菜、西式炭烤、壽司及魚生、明爐小炒、開胃小食、中式蒸點、蛋糕西餅、酒吧及酒窖，可一次過品嚐多國美食。
繼續閱讀
附加資料
延續新加坡君悅酒店屢獲殊榮的mezza9，位於澳門君悅酒店的mezza9 Macau令人讚嘆不絕的精湛廚藝及充滿舞臺感的開放式廚房，爲賓客提供獨一無二的餐飲體驗。Mezza9 macau提供琳瑯滿目的精選美食，迎合賓客的不同口味，精選菜單集各種餐飲風味於一身：澳葡精選、西式炭烤、壽司魚生、明爐小炒、中式蒸點 、開胃小食、蛋糕西餅及醇酒佳釀。
營業時間
今日營業
18:00 - 21:00
星期一至日
18:00 - 21:00
以上資料只供參考, 請與餐廳確認詳情
食家推介
相關文章
4個月後再食mezza9 「與廚共饗」龍蝦、鮑魚任食食過返尋味嘅mezza9 「與廚共饗」，我哋隔咗4個月再次嚟食。上次帶咗閨蜜同契女嚟食，但當晚契女攰到一坐低就訓著咗，無乜食過嘢。但好彩嘅喺，6歲以下喺「免費」嘅！所以都無咁心痛今次襯契女仲未6歲，嗱嗱臨嚟食多次🥰今次仲帶晒契女嘅家庭成員嚟我仲同契女講明，要食飽先準訓佢又真喺好乖，話自己好想訓但契媽唔俾佢訓🤣後尾見佢都食咗好多嘢就訓一陣啦！呢個mezza9 自助餐唔易Book㗎長期爆滿，要早3個月訂位㗎上次我又整傷隻手，唔敢食太多海鮮今次一定要食返夠本呀！今次我就無再特別影出面嘅食物，主要影返今晚食咗啲咩。今次七月嚟，已經加咗價啦！地址：澳門新濠天地君悅酒店 3樓自助晚餐時間：18:00 - 21:00成人價錢：MOP$699；小童價錢：MOP$350屋期五及六成人價錢：MOP$729；小童價錢：MOP$365另設加一服務費著裝要求 端莊便服
繼續閱讀
今次嚟到澳門，一定要試呢間網紅推介嘅龍蝦大餐。呢間自助餐最出名嘅就係海鮮同埋龍蝦。餐廳環境唔錯，店員態度亦都好好。但係溫馨提示一定要提早網上訂位，因為好full 㗎。人均大約$1000。餐廳提供刺身，海鮮，唔同種類嘅甜品。最好食嘅就係自助海鮮即叫即整，唔同嘅海鮮都可以揀唔同嘅煮法，例如蒜蓉蒸，芝士焗，椒鹽整嘅，豉汁煮法等等。今次我推薦嘅海鮮，有鮑魚，東星班，龍蝦🦞，椒鹽大蝦，蒜蓉帶子，羊肉串。甜品方面，椰汁西米布甸特別推介！朱古力軟雪糕🍦總括來講，餐廳每一碟餸都超好食，有機會來澳門一定要食下
繼續閱讀
mezza9 Macau路氹城連貫公路新濠天地澳門君悅酒店3樓提早幾個月book嘅超人氣自助晚餐果然值得一試 尤其係鍾意食海鮮嘅朋友一定要試！ 一坐低建議即刻落單叫左即點即煮嘅龍蝦 (有芝士焗、上湯、蒜蓉蒸等等選擇) 同埋斑、鱔、鮑魚等回本之選😂。等佢煮其間可以去攞下出面啲食物，e.g. 魚生(種類算多)、牛扒、龍蝦包 (亦都係人氣食物, 但食過個人覺得普通)、同埋其他熱葷 (種類都算好多, 不過記得留肚食落單嘅海鮮😂) 同啲海鮮大戰幾百個回合後 終於到甜品時間，質素都好出色，e.g. 焦糖椰子布甸 同 圖中其他甜品。用餐時間 total 3個鐘頭，環境衛生都唔錯 (因為今次我地成班11個人去 (人均$900)，所以有間大房)。
繼續閱讀
久聞喱度係 🇲🇴澳門 自助餐 天花板疫情後第1次過 🇲🇴馬交… 當然要搵間有份量嘅餐廳一試究竟據稱呢度要提前3個月book枱🤔既然係「予約困難店」唯有用錢解決💸…book咗呢度嘅住宿package (包咗自助早晚餐)係門口大概等咗10分鐘…侍應陸陸續續安排顧客入座一入門口就見到呢個🦞龍蝦缸問咗侍應喱度係提供任食🦞西澳龍蝦每隻🦞都生生猛猛再行入少少見到唔同嘅海鮮擺晒喺度任君選擇可惜款式唔多…order咗幾款發覺質素、味道都係一般般行到中間位置就見到師傅喺度不停劏🦞澳龍呢度嘅龍蝦有五款唔同嘅烹調方法1️⃣蒜蓉蒸 2️⃣黑椒炒 3️⃣芝士焗 4️⃣炭烤 5️⃣上湯每種煮法都order咗一隻試吓1️⃣蒜蓉味突出…火候剛好食到龍蝦鮮甜味2️⃣惹味黑椒爆炒… 陣陣黑椒香、微辣、鮮甜…烹調恰到好處今晚order再order3️⃣芝士味香濃…焗完出嚟肉質卻有啲梅梅地細問侍應…原來係用上🦞冰鮮波龍4️⃣炭烤煮法同芝士焗如出一轍…又係用上🦞冰鮮波龍5️⃣最後送上上湯焗用番新鮮🦞龍蝦…鮮嫩甜味返晒嚟最後試食冇乜人在意嘅龍蝦包、龍蝦湯呢度用咗咁多龍蝦…「副產品」又點會唔好食對我來講食海鮮美酒係perfect match…有free flow一定要order🥂可惜喱度侍應斟酒慢幾拍…積極性差啲啲用餐體驗🦞喱度唔係好大、枱同枱擺得幾密人手、服務尚算可以👌龍蝦、海鮮、色香味同埋質素…有待進步係咪天花板…此刻不能苟同#卡拉不專業foodreview#卡拉自費真實食評
繼續閱讀
點解要早半年訂位？mezza9 「與廚共饗」超抵食海鮮自助晚餐。今晚嘅重頭戲 mezza9 「與廚共饗」自助晚餐，幾年前同屋企人食過一次，已經畢生難忘，今次極力推介閨蜜一齊食，包佢滿意🥰點解咁推薦？因為佢除咗有無限量嘅海鮮之外，仲可以自由決定用咩方法煮，即叫即煮，夠晒新鮮！例如龍蝦🦞你可以蒜蓉蒸、芝士焗、薑蔥炒、牛油果焗，炭烤、避風塘、好味辣汁，蒸、煎、炒由你話事。成餐飯食龍蝦都食到飽。😂牛油果焗龍蝦喺新口味，超好味呀！只要有展示嘅海鮮或菜，你都可以自選煮法。大約10分鐘就會送到你張枱，即煮即食夠晒新鮮。大大隻波士頓龍蝦🦞，隻隻都手掌咁大。超級新鮮彈牙鮮甜。仲有肥美鮑魚，隻隻新鮮爽口。唔好以為只有海鮮吸引，仲有其他熟食都相當美味。千祈唔好錯過燉湯，好足料。鍾意食日本野，仲有刺身、壽司、茶碗蒸、天婦羅任食。不過我差不多尾聲先行去日本部，差不多收晒了。之前屋企人拎咗好多返枱食。不過嚟得呢度，緊喺食海鮮為主。除咗龍蝦、鮑魚仲有大沙白、沙白蜆、花甲、蝦、扇貝、黃腳立、黃花魚、九肚魚、魷魚鬚、白鱔、龍虎斑、石斑魚、螄蚶、一點紅一樣有8個煮法，清蒸、白灼、鼓汁蒸、蒜蓉蒸、香煎、避風塘、薑蔥炒、美極、鼓汁炒、椒鹽菜都有唔少選擇，仲有8種煮法。白灼、清炒、上湯、薑汁炒、魚湯、豆豉鯪魚炒、蒜蓉炒、椒絲腐乳炒。種類有秋葵、西蘭花、菜芯、涼瓜、芥蘭、勝瓜、唐生菜、娃娃菜、油麥菜熟食選擇都唔少，蒜香排骨、XO醬西芹炒蝦球、燒肉、燒鴨、石斛燉豬展、椒鹽粟米、香蔥燒鵝粒炒飯、銀芽菇絲燘伊麵、沙丁魚、沙爹雞、雞腿、特色龍蝦包、豬肋骨配燒烤醬、法式龍蝦湯、紅酒燴牛肋條、海鮮意粉、咖哩雞、凱撒沙律、其他沙律、葡式蛋撻、腰果酥、蜜汁叉燒酥。飲品有菠蘿賓治、港式凍奶茶、苦瓜檸檬茶、蘋果蜜桃茶、杞子龍眼水、各式汽水等等無論幾飽都有第二個胃食甜品。呢度嘅蛋糕真係好香滑，好正。仲有Tiramisu、心太軟、橙皮朱古力撻、季節蛋糕、焦糖椰皇布甸、椰汁珍珠紫露，最後食埋海鹽焦糖軟雪糕，好滿足。多野食到咁，絕對超值。仲要款款都好美味。呢間餐廳要提前半年預訂，真係Full得好緊要。今次好彩有特別安排先訂到位。地址：澳門新濠天地君悅酒店3樓
繼續閱讀
您可能會有興趣的...