44
14
0
電話號碼
+853 88681920
開飯介紹
設有多個開放式廚房的餐廳,供應九種美食類別,包括澳葡菜、西式炭烤、壽司及魚生、明爐小炒、開胃小食、中式蒸點、蛋糕西餅、酒吧及酒窖,可一次過品嚐多國美食。 繼續閱讀
附加資料
延續新加坡君悅酒店屢獲殊榮的mezza9,位於澳門君悅酒店的mezza9 Macau令人讚嘆不絕的精湛廚藝及充滿舞臺感的開放式廚房,爲賓客提供獨一無二的餐飲體驗。Mezza9 macau提供琳瑯滿目的精選美食,迎合賓客的不同口味,精選菜單集各種餐飲風味於一身:澳葡精選、西式炭烤、壽司魚生、明爐小炒、中式蒸點 、開胃小食、蛋糕西餅及醇酒佳釀。
營業時間
今日營業
18:00 - 21:00
星期一至四
全日休息
星期五至日
18:00 - 21:00
付款方式
Visa Master 支付寶 現金 AE 銀聯 JCB 微信支付
座位數目
220
其他資料
Wi-Fi
酒精飲品
泊車
電話訂座
送餐服務
加一服務費
室外座位
電視播放
食評 (67)
紀錄一下呢個豐富自助晚餐 Mezza9 ,人均七百幾,今次大約提早半個月book位都訂到,不過穩陣起見一個月前預訂定先啦,提早約坐窗邊位睇住日落景。 .六點準時開門入座,一系列新鮮海鮮放係開放式廚房透明玻璃櫥窗內,可以睇到大廚即場炒菜。呢到主打「即叫即整」新鮮龍蝦和海鮮,落單後會送埋枱,大部分熱菜都係即場點咩煮法,再即煮既形式。.入座時每位客人可以點一份免費主食,今年食過兩次,試過其中的三款。🔹羅西尼牛扒 可選擇幾成熟,個人建議五成熟,肉質幾嫩不錯,配菜薯蓉更出色。🔸八寶焗釀大響螺 個螺超級大隻,入面係處理好螺肉碎加配菜,個人覺得一般。🔹Mezza9 特色澳門香辣春雞卷 雞肉卷嫩身,講到特色菜,可以一試。.當晚海鮮有成十多種,包括肉蟹、蝦、魷魚鬚、鮑魚、魚、貝殼類等等,煮法大約十種左右,好似蒜蓉蒸、薑蔥炒、避風塘、椒鹽、豉椒炒、香煎等,諗定想要既海鮮搭配咩煮法,豪氣咁點單吧!🔸個人推薦蒜蓉蒸和薑蔥炒.🦞龍蝦有蒜蓉蒸、清蒸、避風塘、芝士焗、炭烤和薑蔥炒六大煮法任你揀,個人最鐘意芝士焗和蒜蓉蒸呢兩種, #蒜蓉蒸 龍蝦肉依然彈牙,比較鮮甜,接近原汁原味,而芝士焗的話肉質會韌少少,但始終覺得龍蝦應該要配芝士😂,一個人食左好多隻回本啊!!.個人大推#龍蝦包 意外驚喜,麵包鬆軟,搭配龍蝦肉又香口😋,龍蝦湯都不錯,驚太飽只能淺嘗,都係主攻番唔同煮法龍蝦先🤩。.飲品方面,當晚特飲有苦瓜檸檬茶、蘋果蜜桃茶和斑斕龍眼冰,可以加錢任飲紅白酒,但講到尾真係最鐘意最鐘意佢地個 #鮮榨橙汁機 飲差不多三四杯🤩。.到糖水甜品雪糕部分,要數🥥#椰子焦糖布甸 最吸引,每次必食兩三個,即燒焦糖面,布甸香滑,楊枝甘露都ok。兩次慶生活動餐廳準備不同驚喜,七月份時係一個自助餐甜品拼盤,仲有乾冰散出煙,平時亦可以請餐廳員工幫你整;另一次上個月慶生,餐廳準備左一個細蛋糕。*.仲有即煮蔬菜區、燒味、冷盤海鮮、最入面日式料理區(刺身、壽司、天婦羅等)。雖然食落無幾年前第一次來咁好,但特別日子慶祝活動過來呢邊都不錯。.自助晚餐 ($699/位)_⭐️ *有慶祝活動可以提早在訂位時告知,會有小蛋糕/ 甜品拼盤送,用相機影相📸️,即場曬番出來。⭐️ 記住枱號落單⭐️ 需加一服務費 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-27
1007 瀏覽
我最愛嘅海鮮餐😍😍😋😋疫情去唔到旅行,睇返啲相,發現之前食過澳門好出名嘅Mezza 9嗰排太懶,一直都冇出post今日同大家回顧一下,眼睛去旅行😋未去之前,身邊人人都大讚呢間酒店海鮮自助餐令我都期待已久~呢間如果只係book buffet, 係好難嘅,要早幾個月book,因為生日嘅關係,buffet又 full booking 所以我哋連埋Grand Hyatt酒店一齊book,連酒店book 好處係不用煩,一定有位食buffet !!!成個旅程最重要嘅終於來到啦~好多海鮮😍😍😍呢到最特別係 你可以揀點煮,用咩調味去煮可以椒鹽、清蒸、蒜蓉、豆豉、芝士......可以蒸、炒、烚、焗......最愛龍蝦🤩🤩🤩上湯煮最好味!椒鹽都唔錯~海鮮好新鮮 都好快上枱!佢連炒菜都特別好食!好夠鑊氣最後都有食佢 signature 甜品:椰汁布甸好香濃嘅椰汁味~表面仲係蕉糖😍😍好有䛋意嘅菜式😋😋通返關一定要再食! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-16
6491 瀏覽
這間Mezza 9自助餐,CP值高,遠近馳名,高峰時訂位要等半年,現在好了點,早一兩星期訂就好了。六點鐘餐廳門外已排了一堆人等入坐,其實這間自助餐的特色就是即叫即煮的海鮮,所以不用擔心遲了進場會比人食晒d野。海鮮主打當然是新鮮既波士頓龍蝦,禁多間自助餐,應該淨係得mezza 9比話比你聽佢係用新鮮既,唔係冰鮮既,贏其他酒店一條街,海城鮮最緊要材料新鮮,之後點煮都好味。除非龍蝦,還有,蟹、蜆、海班、鮑魚、蝦等等,還有各種新鮮既蔬菜都係即叫即炒。這間自助餐,就好似一間比你任叫任點既海鮮酒家禁。 繼續閱讀
(以上食評乃用戶個人意見 , 並不代表OpenRice之觀點。)
好耐已經無寫食評, 今次要再出山了。 一年一度澳門buffet 遊, 一心諗住帶家中寶貝去食好評的buffet, 點知就真係揀錯啦!真的令人太失望了。點了龍蝦和蟹,龍蝦太咸像香口膠, 蟹又細隻d肉仲係唔新鮮, 食完哩兩樣就已經令大家停手再無意慾再食。 再加上Grand Hyatt出名的甜品都令人失望, 連心太軟都只是話只比軟雪糕,真的O晒咀。 連正常的雪糕都沒有, 只得軟雪糕。 真的太失望了! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-11-08
4196 瀏覽
重未試過食咁多唔同口味嘅海鮮呀!清蒸、炸、白灼、上湯、焗~~~~~好正呀!等候時間又唔太長,好想好想再去多次呀最正係除左海鮮🦞,連青菜🥬牛肉串燒都可以有唔同做法題供,而且又係即叫即做!正呀! 繼續閱讀
(以上食評乃用戶個人意見 , 並不代表OpenRice之觀點。)