13
3
1
電話號碼
+853 88062338
營業時間
今日營業
10:00 - 22:00
星期一至日
10:00 - 22:00
付款方式
現金
食評 (25)
等級4 2020-10-07
62 瀏覽
難得放假當然想嘆個靚靚下午茶,美獅美高梅推出左個下午茶甜品放題,逢週末下午3點到6點任食約20多款甜品,跟一杯咖啡或熱茶。剛好遇上飛天海豚🐬半空表演,現場小朋友亦睇到好興奮,跟住海豚跑來跑去!.法式甜品「夏」午茶 ($238/位)虎紋黑糖珍珠鮮奶 ($38).由於擔心Full Booking,想提早訂位,可惜被告知無得預約,所以想試朋友記得要早少少去。當日兩點多左右可以提早入座,先點附送飲品,等到三點正再出去揀甜品。.放題甜品車放係入門口旁邊,甜品有蛋糕、馬卡龍、拿破崙、瑪德蓮、芝士蛋糕、泡芙、撻類、可麗露等,顏色色彩繽紛,未食睇見都心花怒放😍。雖然睇落多款,但其實兩邊一樣樣,諗好要邊款要幾件,有服務員幫你落單,之後等專人送過來就得,第一輪會詢問需唔需要放甜品3層架,想打卡影下相記得要啦😏!.基本上每款都試過,有點少失望是整體甜品一般,屬於正常食到不過不失的水準,部分的特別甜,而當中都有好評甜品,好似芒果同草莓蛋糕,印象度最高同回頭率最多實係「可麗露」「檸檬撻」兩款,可麗露外脆又香,大約食左十幾粒😆。計回本的話,一人食到十幾到二十件左右,飽到晚飯差啲食唔落,上個月有Mpay 75折優惠加持下相當抵食。宜家無優惠下,以平時酒店蛋糕計,呢個價錢算合理,是因環境非常高質。最後提番杯珍珠鮮奶值得叫來試,個人覺得比部分街外好飲。_⭐️ 只限每週末下午3點至6點⭐️ 飛天海豚表演分別有下午1點、3點、5點和7點⭐️ 需加一服務費 繼續閱讀
(以上食評乃用戶個人意見 , 並不代表OpenRice之觀點。)
等級2 2019-11-17
457 瀏覽
馬卡龍x3 香檳草莓🍓野紅莓伯爵茶雖然各款味道都非常濃郁有特色,但係真係太甜了😂😂😂不過試一試都無妨😃😋外貌好靓好吸睛啊!$18蚊1個,和外面比也不算貴,買自選六個一套會更加。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-19
392 瀏覽
同朋友尋日試完個 tea set,今日同朋友行過再黎試野 🤣🤣 我叫左個 草莓冰沙 同 冬甩!個冰沙見佢用唔少草莓同全奶去打,但左都好耐下,好奶滑!草莓味好正,酸酸甜甜!個奶我地估係全脂,極邪惡 🤣🤣 冬甩都唔錯,麵包入面好多氣孔,鬆軟既,面既朱古力醬同草莓好夾!好想試埋其他味道!值得一提就係,我地尋日覺得個咖啡好正,原因係用咖啡冰,但今日推介左個朋友黎...竟然唔係囉...話賣哂 😅 如果大家睇完開飯諗住試既,請自行自問店員 🙏🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-07
569 瀏覽
上次去新加坡又唔覺有見到呢間嘢喎Janice Wong 算係甜品藝術家(我都係睇MGM WEBSITE 講)見到好似好靚咁 所以又懶係嘢去潮聖-綠影重重 - 係斑蘭 X 椰子我記得香港都好似食過係好食嘅同埋好靚 最好食 係佢啲白色餅 lol-Creme Brûlée Signature Tea嗱我就完全飲唔到creme brûlée 隻味但落咗糖係好飲好多但又未至於去買佢啲盒裝幾百蚊既茶個包裝係靚但唔值囉-雪糕一拿上手已經開始溶朱古力味好普通 反而個芝麻味好好食(影唔到 佢沉咗底)淨係記得幫我地掘雪糕個個着哂廚師衫嘅staff 好串P.S. 佢成間餐廳都包裝得好靚好有氣派,碌到最尾張相會見到佢個全世界最大嘅朱古力噴泉,唔知食唔食得,但第二三次經過已經覺得好骯髒P.S. 2 佢主打Afternoon Tea, 有個蜂巢set, 但啲甜品毫不吸引,慘在見到啲男人陪女去食,除非好愛個女人,如果唔係我諗唔到另一個原因會去食呢個tea set.P.S. 3 靚係靚,為咗靚嘅甜品,都會想去多次,同埋佢啲包好似都好正咁,想去嘅可以試吓 P.S. 4 才發現 因為個樣太似之前食過嘅嘢,不斷揾返,原來2016年,我都去過一間叫Cobo House by 2amessertbar 嘅嘢食過同一樣嘢 LOL 香港係HKD 148, 澳門係MOP 130. 笑咗。好彩有record 低,原來個陣都覺得幾好食,但覺得好貴,而家都一樣lol香港呢間都係岀自Janice Wong 嘅手筆,當然唔係佢整,但menu 應該係佢定。想去嘅,去住香港先都得hehe 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-29
601 瀏覽
一年無去澳門, 又開左新酒店! 同行友人話晚食後 (入賭場前) 要食甜點 (預祝嗎? ) 其實佢上星期先去過呢間 ”亞洲最佳甜點主廚Janice Wong” 喺新加坡以外的唯一分店!另一群友人原來早一日試過 crepe 話 “勁好食, 勁抵食” , 咁我哋第二晚開完會就衝左去食啦! 位於新 MGM 大堂內 (係新 MGM 唔係舊嗰間), 環境超級靚, 玻璃屋, 設計時尚, 我哋9pm去, 無乜人, 食得好舒服! 一份 crepe 加自選雪糕球,生果,醬汁 ~ $58! 堅抵! 失望在原味 Crepe 賣晒得番綠茶味! ! 生果新鮮,最最最欣賞係 crepe 裡面嘅忌廉,超。超。超。好食! Crepe 皮反而一般, 唔夠乾身又無脆邊, 應該係趕收工 雪糕味道濃郁,普遍偏甜 繼續閱讀
(以上食評乃用戶個人意見 , 並不代表OpenRice之觀點。)