4
5
0
電話號碼
88832190
開飯介紹
來自紐約的著名食品概念店,是中港澳地區的首間分店。除了經典的彩虹蛋糕及天鵝絨蛋糕外,也有澳門限定的糕點,如港式奶茶柏林果醬包。 繼續閱讀
附加資料
Dean & DeLuca is an American chain of upscale grocery stores and cafes. The first one was established in New York City's SoHo district, and now found in Thailand, Singapore, Macau, Philippines & more
營業時間
今日營業
08:00 - 21:00
星期一至日
08:00 - 21:00
付款方式
Visa Master 現金 AE 銀聯 微信支付
其他資料
Wi-Fi
酒精飲品
自帶酒水
泊車 詳細介紹
送餐服務
加一服務費
食評 (10)
等級3 2019-03-25
126 瀏覽
搭船過大海除左交學費之外,好多人都會去增添脂肪,原因係有啲餐廳係香港市區都未有,想食?唔通下下俾錢買機票入香港機場食咩?唯有去平平地去最近既「澳門」覓食啦今次要講既呢間餐廳係黎自美國既連鎖食品雜貨店,佢除左賣蛋糕,仲有Tote bag、調味料、主食、咖啡.....,今次想主要講下蛋糕。我記得一兩年前就已經見到彩虹蛋糕既新聞,當時就好想試,可惜知道係澳門之後就無左件事,直至上個月去澳門,無心插柳既情況下經過呢間店,當時都有啲忽略左佢,因為真心無特別搵呢間店既地址,但突然間好似靈感到咁,我就無啦啦閃起呢間會唔會賣彩虹蛋糕既念頭,或者真係命運既安排,真係好搞笑,於是就好開心咁走埋蛋糕櫃,揀左兩件蛋糕。今次揀左彩虹千層蛋糕之外,仲有最大路既紐約芝士蛋糕,首先一心諗住食既彩虹蛋糕其實完全係希望越大失望越大既佼佼者,點解咁講呢,最大既可能應該佢既外表太靚太夢幻,結果出到黎既味道只係一層層普通不過既海綿蛋糕再加幾好味既忌廉,所以呢個蛋糕都係影相為主;而紐約芝士蛋糕當然好難失準,酸酸甜甜既味道加上唔會死實實又入口軟滑既口感,真係可以一啖接一啖,唔會有個份食好滯既感覺,所以靚既野都係欣賞下就好啦每次都會透過以下6大方面評分(滿分:30分)味道 : 3 / 5環境 : 3.75 / 5外觀 : 4 / 5價錢 : 2.75 / 5服務 : 3.5 / 5 回頭率 : 2.75 / 5總分 : 19.75 / 30性價比:如果朋友仔們係一個好鐘意影相為左呃like既真心好建議去呢間店叫彩虹蛋糕試下,大前提係千奇唔好浪費食物,叫左影完相就唔食,但當然除左蛋糕之外,呢間店都仲有好多唔同既食物、雜貨、飲品同食材既選擇,呢個世界有樣野叫世上無絕對既,可能呢個正正係你搵左好耐既彩虹,但對我黎講,真係「不了」。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-10-30
300 瀏覽
好正呀,唔知係咪夜既關係,佢做買一送一,淨係食品做緊discount, 飲品就無,個已經好好啦,好抵食雞肉波菜卷哩個有d 辣,芝士好rich,熱辣辣食正呀。燒牛肉南瓜三文治有三塊燒牛肉,又有好full 既南瓜容,成份三文治勁飽!Lime tart個lime 味都好重,d lime 撈埋cream cheese, 都無太漏 但稍為甜左d,整體ok!柚子cheesecake 哩個highly recommend, 好好味,cheese 味搶左柚子味,好fresh 呀,唔甜,正 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-21
276 瀏覽
前幾日去左澳門做兄弟 個婚禮就係JW萬豪搞 趁住有空檔既時間係銀河行左個圈 見到開左唔少新鋪 而其中一間就係呢間黎自紐約既過江龍 即刻入去一探究竟 🧐蛋糕款式唔算好多 賣相亦唔特別討好 最突出既莫過於最多人討論既彩虹蛋糕 但見唔少食評都話佢得個樣 味道無乜層次之分 所以無揀到佢 最後揀左蛋白柚子撻賣相同味道都非常普通 質地偏硬 味道酸酸地 但唔係好食得出柚子味 整體同檸檬撻差唔多味 🤦🏻‍♂️ 總括而言 雷聲大雨點小 虛有其名 試過一次就夠皮 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-24
603 瀏覽
同閨蜜過大海兩日一夜遊澳門,朋友目標係彩虹蛋糕,我當然要捨命陪君子🙊星期日一落船第一件事就係去紐約過江龍Dean & Deluca買蛋糕🌈,一去到餐廳已經全場爆滿,想搵2個位都好難,店員態度一般,說明要有位先可以堂食,好彩當日要趕去Ritz Carlton食tea buffet,一心都係諗住買外賣走😂買左一個彩虹蛋糕同紅絲絨蛋糕🍰彩虹蛋糕七彩繽紛,應該好多色素,味道就係普通海綿蛋糕,質感輕盈,冇乜特別~~相反我比較喜歡另一個紅絲絨蛋糕,有濃的白朱古力味,質感厚實,但食得多會有d漏🙊 繼續閱讀
(以上食評乃用戶個人意見 , 並不代表OpenRice之觀點。)
等級3 2017-12-28
460 瀏覽
PPFood今次馬交遊專程黎到呢間較新開嘅cafe潮聖💁🏻 食左佢最出名嘅彩虹千層蛋糕(MOP46)其實佢每層都只係唔同顏色 並無唔同味😂 食落濕濕地 唔會太乾身🤔 本身覺得都幾甜下 但沒有最甜 只有更甜😂 就好似後面呢個藍莓雲石起司蛋糕(MOP42)一開始覺得係酸酸地 點知就愈食愈甜🤦🏻‍♀️ 酸返少少會更佳😉 整體而言 今次潮聖算沒有中伏同驚喜😇 可惜眼見人地食緊紅絲絨蛋糕 但到自己order果陣又賣曬☹️ btw. 如果唔係事先睇過圖 會以為千層係好似女士m果啲咁🤣 而雲石蛋糕方面 無知嘅PP係幻想到好似香港葵廣最近好hit果個樣 所以上枱果時難免有啲落差🙈 繼續閱讀
(以上食評乃用戶個人意見 , 並不代表OpenRice之觀點。)