8
1
0
電話號碼
+853 2835 5968
營業時間
今日營業
13:00 - 21:30
星期一至日
13:00 - 21:30
付款方式
現金
食評 (10)
等級3 2019-10-07
77 瀏覽
事隔一年仙氣草地野餐下午茶終於回歸,上次無試到,今次當然要跑去打卡啦!呢個$258蚊嘅afternoon tea set,會放晒係草地上面,有8款食物加一杯好kawaii的latte,重點打卡位係上完tea set後店員會倒出仙氣令到自己同鹹甜點處身於夢幻仙境當中,但仙氣只有黃金30秒,係打卡嘅最佳時機。但甜品我覺得就甜左d,食到一半有d頂唔順- 黑松露磨菇多士:推介推介,好香黑松露味,多士又脆卜卜,正~- 牛肉漢堡- 煙三文魚多士- 百利酒朱古力蛋糕- 朱古力撻:又濃又滑嘅朱古力撻,一咬成口都係朱古力,久而不散- 法式cream brulee- 花盆tiramisu:上面係oreo脆脆,入面就有一層咖啡味的夾心- 檸檬雪糕:口感似雪葩,食完咁sweet的甜品食返呢個酸酸地又凍凍地的雪糕就最啱- 宇治綠茶latte:勁濃抹茶味,上面仲好隻可愛動物~唔知係貓定熊,但溶左後會令到杯latte甜過龍芝士煙肉焗薯 $42熱情果特飲 $42焗薯上面有一大塊芝士,但煙肉得少少,但好重黑椒味,口感都幾滑特飲好有幾多熱情果粒粒,但細杯左d 繼續閱讀
(以上食評乃用戶個人意見 , 並不代表OpenRice之觀點。)
等級2 2019-06-01
308 瀏覽
已經係第二次嚟呢度食個位置有少少偏,係哪吒廟前一條巷入面,平時冇乜人,比較清靜。上次食左個日式疏乎厘,食過翻尋味!今次試吓呢一個黑珍珠疏乎厘真係好好食!軟棉棉,好似食咗舊雲噤,仲有好大pat cream 。。。不過啲珍珠有啲小如果多啲會好啲!今次好似唔夠熟,入面仲係有啲生,不過味道依舊噤正!另外仲叫咗個鵝肝窮人意粉,雖然佢剩係得一片鵝肝,但真係煎得幾香口幾好食鵝肝上面仲有少少酸酸地醬汁,配埋個意粉食簡直冇得頂 繼續閱讀
(以上食評乃用戶個人意見 , 並不代表OpenRice之觀點。)
等級1 2017-08-21
1462 瀏覽
上網睇到哩間咖啡室 就同朋友黎試下  係新馬路行完街可以去食喔!! 不過我覺得地點有D 偏僻 比較難搵到 入到岩岩好有位 唔洗等 環境算係幾寧靜 適合同三五知已黎傾下計 都唔錯  我地兩個人食唔係ORDER到好多野 叫左個龍蝦軟包 小食摩天輪拼盤同PANCAKE 仲有野飲  龍蝦軟包我個人覺得幾好食 仲有配埋薯角 不過份量就唔係話好大份  如果係FOR DINNER OR LUNCH 女仔來講應該都夠飽肚 但個包真係幾軟like而且餡料都幾多 味道唔會太濃 可以一試  小食摩天輪拼盤賣相靚 都係比個賣相吸引左 所以先叫 但 覺得有D小貴 好似係要百三四蚊到 份量唔算好多 每樣野係三四舊到 冇記錯既話 入面有個燒栗米個人覺好好食 有D芝士粉係上面 PANCAKE  係配左蜜糖 我同朋友都覺得好好食  一定要試好軟軟軟軟軟 有空氣感 不過食得多會覺得好"流" 中意食既朋友要試哩!! 野飲 唔記得左叫咩名 係沙冰黎  酸酸味味 幾解渴開胃 但細杯左D 而且都唔平   繼續閱讀
(以上食評乃用戶個人意見 , 並不代表OpenRice之觀點。)
等級4 2016-08-28
2261 瀏覽
參觀完大三巴牌坊上側的哪吒廟,回頭往哪吒廟斜巷走,去尋找外甥女介紹的哪吒古廟,以及老饕巷的Cakez Cafe。在不見人踪的古廟門外,遇見一八十多歲老婆婆,又坐下閒聊了。同樣是哪吒廟,古廟,明顯違世而獨立,多了一份古雅質樸的韻味。由哪咤廟往下走,來到老饕巷交界十字路口,左轉就會看見Cakez Cafe招牌。你也可以在板樟堂Roxy旁邊的樓梯往上爬,到盡頭時轉左便可到達。據說,位於老饕巷的Cakez Cafe,由三位曾任五星酒店的西餅師傅主理,主打法式甜品。外甥女表示Cafe經常座無虛席,店子十二時開門,小妹是早到的鳥兒,一早在門外等待了。作為第一個客人,可以獨霸小店,靜享橫巷的幽靜和閒適。黑色誘惑$42是黑加侖子梳打,清爽解渴,甜度適中,定價頗為進取。雜錦法式小食$78有五款小食,最啱小妹般貪心之輩了!焦糖蘋果鵝肝多士香而不膩。三文魚多士伴以清爽洋蔥同吃,也不錯的。法式田螺酥盒最為香濃惹味,印象深刻。巴馬火腿多士細嚼下,火腿的鹹香味釋出,只稍嫌較為乾身,少了油香。黑松露野菌多士也是秒殺味蕾之作,吃罷,齒頰留香。拿破崙$58是招牌甜品,即點即做的拿破崙,酥皮脆口鬆化,而且帶有淡淡清香,吉士醬香而不甜不膩,惜芒果不算甜美。 繼續閱讀
(以上食評乃用戶個人意見 , 並不代表OpenRice之觀點。)
等級3 2015-10-15
2227 瀏覽
一間我好鍾意食既CAFE。。。好耐無黎,平時黎都係食TEA多,今次第一次DINNER,可惜E晚又無乜胃口,唔係食左好多野。夜市唔多人,靜靜地傾計幾好!雜錦法式小食:鵝肝多士,煙三文魚多士,蝸牛酥,菠菜批等,整體都好味,只係多士硬左D,麻麻地吞拿魚意粉: 正常CAFE應有的水平,中上,唔錯!拿破崙(送)今次寫E篇食評就係為左讚E個拿破崙,唔會死甜而且個皮係偏燶(上次黎係無咁燶,有可能係失手,哈哈!),但我覺得咁樣先夠香,可惜唔夠酥脆,食落口感覺塊皮厚左咁,(葡京天巢雖然係酥脆好多,但都係偏甜),夾心有士多啤梨,好FRESH!而裝飾用既MACARON亦都只係小甜,好香檸檬味,GOOD!飲品方面雖然比較特別,但係偏貴,$42同$38再加一(有88折COUPEN,仲送免費拿破崙) 繼續閱讀
(以上食評乃用戶個人意見 , 並不代表OpenRice之觀點。)