影片
以上資料只供參考, 請與餐廳確認詳情
之前已經試過高士德玩具城旁邊本土咖啡店「Zero Coffee 」，佢地的自家製三文治和咖啡都好有水準，今次回頭食三文治外，仲試左店家新推出的午市意粉套餐，供應時間由11:00-17:30，無論番工放飯定放假訓晏左都可以叫到。.意粉套餐如圖包括一個意粉🍝和熱紅茶一杯，可以額外加錢轉咖啡或特飲，意粉方面主菜有午餐肉、香煎大蝦、慢煮蒜香雞胸、黑椒煙熏鴨胸和海鮮幾種選擇，再招配西蘭花和蛋，醬汁分別有#白汁 和 #茄汁 兩款，⚠️現時叫餐仲送朱古力曲奇一塊。~~~~~~~~~~~~~~~~~~~~~~~~~意粉套餐 ($68)（慢煮蒜香雞胸意粉、茄汁)轉加凍拿鐵 ($18)大蝦滑蛋三文治 ($37)~~~~~~~~~~~~~~~~~~~~~~~~~意粉份量足，茄汁撈完味還是較淡，個人覺得重手多啲啲就好，慢煮雞胸肉質算嫩，香蒜味，主菜相當不錯👍，配埋西蘭花🥦和蛋，有肉有菜👏。.而朋友只想點個輕食當中午飯，呢到剛好滿足到，三文治外賣到時微暖，自己烘番熱，塊蛋加三隻蝦🍤，配埋蒜香醬🧄香口，不錯不錯，杯咖啡都保持到質素👍。
繼續閱讀
您可能會有興趣的...