0
1
0
以上資料只供參考, 請與餐廳確認詳情
今日中午叫完外賣慶祝同事生日，下午茶時段又有個同事半自發咁請我地食下午茶，真係好開心原本想叫柏倫甜品，可惜打去佢地話爆咗單，送到我地都收咗工，所以轉叫雍記，由於我成日買近住雍記的小丸子(泉碧)鹽酥雞，所以買完都會順路去埋雍記買個海帶綠豆，用黎解下自己食熱氣野的罪惡感而今次就係我第一次試楊枝金露+涼粉，無錯，我就係想食涼粉，所以夾硬叫佢加，都係加多$2，有多樣野咬下，口感都好D 但可惜的係，我一食就知太甜啦，整體碌柚肉唔夠多，無咗個種酸酸地的口感，而且芒果都唔太香，無咩味咁，又加得太多煉奶，除咗個甜字外，我俾唔到其他評價 反而以前食開佢的中式糖水，好似喳咋個D 都無咁甜，仲OK 好食好在佢都有樣好味的野，就係芒果奶黃糯米糍啦，過去我都試過幾次，今次食仍然都KEEP到水準，奶黃同芒果粒夾得好好，酸甜硬身的芒果肉同溶溶地的奶黃夾埋"煙UN"的糯米皮同椰絲，唔會太甜，又唔會太膩，個人幾鍾意仲試咗芒果汁糯米糍，呢個又係太甜，仲要無咩芒果味，我諗我唔會再叫多次本身自己唔太鍾意榴槤(其實係聞到都想逃)，但聽到同事食個個榴槤糯米糍(好鬼死大粒)同榴槤西米露，都話好足料，好多榴槤肉，我係隔離都聞到勁重聞味，我諗佢D 榴槤產品都應該不錯總結係雍記唔係樣樣野好食，但就一定有自己招牌，下次我仍然會繼續買芒果奶黃糯米糍同中式糖水
繼續閱讀
您可能會有興趣的...