44
6
2
電話號碼
+853 2882 5354
開飯介紹
由兩位葡國人開設，有不少罕見的葡國菜及炭燒海鮮，燒野豬頗受歡迎。
繼續閱讀
營業時間
今日營業
12:30 - 14:30
18:45 - 22:00
星期一
全日休息
星期二至五
12:30 - 14:15
18:45 - 22:00
星期六至日
12:30 - 14:30
18:45 - 22:00
以上資料只供參考, 請與餐廳確認詳情
食家推介
相關文章
我家一行四人，好彩有預訂，星期五也高明滿坐，座無虛席，外面也坐滿人；我們只叫四道菜和一勺生果賓治凍飲。海鮮盤、黑毛豬骨、炒椰菜和燒墨魚。每道菜式也很好味，尤其海鮮盤的醬汁非常惹味，有兩隻肉蟹，肉甜又實肉，加入有煙肉、洋蔥、香料等等煮成的汁，將蟹肉提升了鮮味名，盤內已有蜆，所以不用另外叫，海鮮在鐵鍋烹煮，所以一路食也不會攤凍，傳熱不錯，打開鍋蓋時，有兩隻大蝦，非常吸精，味道不及細蝦好味，此餸值得一試；燒墨魚的醬淋上才吃定有驚喜；黑毛豬骨細細件好惹味，起碼有十多件，四人剛剛好，人多唔夠掙，亞囡食左五六件，停唔到口。
繼續閱讀
叫咗芝士75，出了個小芝士叫左魚，165左右，食上去好似放咗好耐然後再整返熱嘅嗰種叫左牛扒，個牛扒個形狀似腫瘤咁，唔知佢焗定煮，咬左成幾分鐘都未咬爛，185左右
繼續閱讀
冬大過年🎉帶著一家大細「過大海」團圓冬至晚飯🥘選擇去官也街試食一間比較親民價嘅葡國餐廳由於冬至兼星期日，一定要預早book位，否則「摸門釘」餐廳裝修都算乾淨企理，但枱同枱之間實在有啲擠迫外脆內鬆軟，空氣感十足塗抹牛油或沾枱上嘅橄欖油、黑醋，好食八爪魚非常鬆軟加入黑橄欖、洋蔥粒拌勻淋上用橄欖油製成嘅沙律醋汁～醒胃喱個「葡國鹹魚球」炸得酥脆、幾綿滑食得出馬介休份量較薯蓉多啲有酒香、有蒜香，蜆肉飽滿但就overcooked咗，啲蜆肉大部份離殼外脆炭香有肉汁，但就稍微韌咗啲不過證明冇落鬆肉粉飯粒充滿濃濃海鮮味，食落鮮甜配料非常多～魷魚、蜆、大蝦、青口、螃蟹BTW～逢星期一休息喱度地方唔大，想食就打電話book位穩陣人均消費$250～CP值OK
繼續閱讀
數數手指都醒唔起幾耐無嚟過澳門飲飲食食，應該都有兩三年左右?今日請咗一日假同屋企人一齊過大海辦理私人事，順道嚟食好西近年澳門百花齊放，除咗一向都出名嘅葡國菜之外，連帶開咗好多唔同類型嘅小店或者外國餐廳都進駐澳門，已經唔再係局限於只有葡國菜出名嘅情況。其實都係一件好事，擁有雙重身份嘅我都希望澳門經濟環境越黎越好，唔再係以前單單以賭場作招徠嘅一個地方，單以美食都可以吸引到世界各地遊客到澳門旅遊由於我哋都係臨時決定晚餐去葡國美食天地，所以無係事前打電話訂枱。不過都聞說呢間餐廳都好受歡迎 (特別係當地葡國人)，辦理完正事之後就坐賭場巴士向官也街出發啦去到餐廳問下佢哋可唔可以安排今晚嘅訂枱，好幸運地可以安排到6:30 大約6:20左右我哋再返到黎餐廳，已經見到有一條短短嘅人龍係門外等餐廳開門 (晚市開6:30)，當中不乏葡國家庭及外國人。餐廳準時係6:30開門，餐廳內裡以四人枱或提供俾家庭用嘅長枱為主，以我所記得就無二人枱。環境寬敞，冷氣夠涼快餐廳不設搭枱，即使係兩個人入座都會安排整張四人枱俾你。可以坐得舒舒服服，唔洗怕要同人撘枱或者人多時要將枱一分為二。餐廳裝修懷舊而不失典雅，牆壁貼上部份報章報道，原來餐廳曾經得到米芝蓮榮譽，難怪餐廳咁多人慕名而來除咗主菜牌、酒牌外，仲有另一個較細小嘅是日推介。菜式價錢中等，無我想像中高昂。最後我哋點咗是日推介裡面嘅磨菇牛扒 (好似MOP128?)、炒蜆 (MOP138)、炸馬介休球 (MOP45)，仲有兩罐芬達汽水 (留意返，餐廳無免費水提供)侍應服務態度幾親切主動，工作快而有效率，亦都會主動向客人推介菜式，現今餐廳要得到咁好嘅服務除非係五星級酒店。落單後，侍應送上餐前麵包，係偏硬嘅豬仔包。麵包按人頭配給，溫度係微暖以上，麵包表面頗為脆身，一拎上手已散到成碟都係內裡充滿麵粉香氣，新鮮麵包從來都唔需要加鹽加醋都咁好食！然後其他食物都陸續上枱 🌟炸馬介休球 - 一碟3件，新鮮炸起，切開一半時仲有熱氣冒出。清晰見到一絲絲馬介休，內裡混合少許芫荽作調味，唔會過鹹🌟炒蜆 - 上菜時真係大碟到令我哋嘩嘩聲啲蜆多到成座山咁！炒蜆以橄欖油、白酒、芫荽、辣椒調味，白酒味非常濃郁！蜆肉粒粒飽滿，鮮甜之餘仲完全無沙！真係一隻接一隻咁狂食啲汁用黎點餐包食都好唔錯🌟磨菇牛扒 - 磨菇牛扒煎到大約七成熟，生熟程度剛剛好。好香濃嘅牛味，肉質唔算太嫩，但亦都唔會好似食柴皮咁伴碟嘅薯條係新鮮即炸，條條都好粗身。磨菇份量幾多，磨菇汁煮得好好唔會過咸或太濃而搶走牛扒嘅肉味埋單大約MOP440-450 (確實價錢唔記得咗)，都算幾抵食，起碼食完出黎係飽肚嘅。聽到隔離枱本身想點葡式芝士但侍應話已經賣哂，當時只係7點左右，睇黎葡式芝士係好受歡迎
繼續閱讀
五月二日，到澳門玩樂，見識到新馬路的人山人海，避開人潮便過氹仔搵食，雖然冇預訂，但排隊 walk in 也成，一於在此開餐。二口子食量不大，故此只點了馬介休球、燒羊扒、燒𩶘魚及一杯生啤便算了。馬介休球雖然叫做球，但呈長條形，和其他的餐廳所供應的球形不同，但是一吃下，正啊，味道調教得不錯，也吃到了碎了的馬介休，加上熱度未減，好吃！羊扒有4件，加上配菜，份量十足。本來要五成熟，可以上碟一看，燒得太熟了，除了在最厚處的內部尚有少少粉紅外，其餘全熟。還幸味道不差，羊騷味很少，肉質細嫩，蘸了隨上的薄荷，配合得宜，替過熟的羊爭回不少分數。燒魚是平實的烤熟，加上了點點海鹽及檸檬汁，魚烤得啱啱好，魚熟而皮不會太燶，鮮魚味道充盈，Good!食飽飲罷，滿意而回，全餐連加一要$475，算是物有所值了。
繼續閱讀