39
5
2
電話號碼
2882 5354
開飯介紹
由兩位葡國人開設,有不少罕見的葡國菜及炭燒海鮮,燒野豬頗受歡迎。 繼續閱讀
營業時間
今日營業
12:30 - 14:15
18:45 - 22:00
星期一
全日休息
星期二至五
12:30 - 14:15
18:45 - 22:00
星期六至日
12:30 - 14:30
18:45 - 22:00
付款方式
Visa Master 現金
其他資料
加一服務費
食評 (49)
等級2 2018-05-08
841 瀏覽
馬交葡國菜食開黑沙海灘 法X度 山長水又遠越食越渣新口岸果間 新口岸葡X菜 又冇乜突出轉地頭嚟呢度有電話訂枱冧巴尾好易記唔生唔死言歸正轉講嘢食沙律新鮮牛柳骨入味有肉汁沙甸魚食過番尋味一句到尾可以轉場嚟呢度 繼續閱讀
(以上食評乃用戶個人意見 , 並不代表OpenRice之觀點。)
等級2 2018-04-07
1947 瀏覽
不嬲對葡國菜嘅印象麻麻,所以同家人嚟咗澳門咁多次,都冇特意走入一間葡國餐廳搵食。朝早喺氹仔食完早餐,十二點零,路過呢間望落平實嘅小店,畀佢門口掛住一塊寫上fully booked嘅紙牌吸引住。心諗呢間餐廳真係咁fully booked!即刻上Openrice摷下呢間餐廳嘅資料,見到佢整體評分唔低,於是入去問下今晚三位六點半仲有冇位。餐廳侍應全部係葡國人,其中一個侍應用啲算係流利嘅廣東話同我講,話今晚full晒,剩番近門口貼住bar枱嘅一張二人枱,問我要唔要。要囉!黃昏六點半準時入座。入座前已上Openrice搵啲食家指點迷津。我哋一家三口就咁決定。開始上菜時,侍應送上三個豬仔包。馬介休球$48/三件。上枱時嘅馬介休球係剛剛炸起,食時要小心辣咀。馬介休球外皮炸得脆而不硬,內裡夾住馬介休嘅薯茸軟滑得嚟味度適中唔覺鹹。不過$48三件size偏細嘅馬介休球就嫌貴咗啲。(3.5分/5分)炒蜆$145。啲蜆有番咁上下大隻同肥美,碟蜆仲炒得鑊氣足同夠香,加咗少少辣令到碟蜆更加惹味。海鮮飯$168。呢個蕃茄湯底嘅海鮮飯,海鮮配料一啲都唔馬虎,有蝦,蟹,青口同魷魚。最鍾意佢上枱時係熱辣辣,食耐咗都唔會咁快凍。燒排骨$145。伴碟嘅薯條係新鮮炸,所以熱得嚟個心仲好軟腍,食到唔多想停,可惜份量唔多。排骨燒得夠香,不過幾條排骨就真係好排骨,冇乜肉,多番啲肉會好好多。雞蛋布甸$52。最後食番個甜品嚟埋尾。本來係揀木糠布甸,不過餐廳話木糠布甸兩日前已賣晒。吓,乜木糠布甸唔係日日新鮮做咩,點解仲講緊兩日前嘅嘢嘅!不過卒之都叫咗雞蛋布甸。淋上焦糖嘅雞蛋布甸唔係特別滑,但感覺幾香幾唔錯。當晚因為要趕搭船返香港,餐飯食咗只有一個鐘,但已足夠令我對葡國菜改觀。今次用餐嘅經驗話畀我知,想喺澳門食到好嘢,一定要避開一啲傳統多人光顧嘅名店。呢啲鋪頭總令我覺得不外如是或不及所料。用心去發掘一啲小店或會有意想不到嘅收穫。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-02-07
2994 瀏覽
閒日放假唔想留係香港,梗係過大海啦!一到氹仔即去官也街食lunch 周圍問下鋪頭啲人有咩好介紹點知佢地話反屋企食😅急call 個澳門fd介紹咗呢間好彩去到仲未last order得到店員同疑似老闆熱情招待老闆係正宗葡國人但廣東話好好餐廳拎過獎🧐我諗應該有保證Setting好似食緊fine dining 🤭好enjoy!男朋友係酒鬼,一定叫beer🍺好似係葡啤?! 入口幾smoothIced lemon tea ( no ice)✌🏻普普通通包包係送的,滴olive oil 幾好食好似西班牙果啲咁烤爐魚 (應該係,除非記錯)烤得唔錯,仲juicy海鮮飯呢個我超鐘意!😋😋😋🤨蕃茄湯做底勁多款海鮮,勁足料好食過西班牙海鮮飯呢一餐由香港過澳門好滿足好抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-07
4794 瀏覽
難得黎到澳門,梗係要食返餐葡國菜啦。喺開飯網見到呢間餐廳咁多好評,就一於黎試吓啦。是日星期六,黎到餐廳已經係六點半,雖然冇預先訂枱,但好好彩依然有位。落單之後店員就為我地送上麵包,呢兩大個微熱嘅豬仔包,為我哋嘅晚餐揭開序幕。炒蜆:用蒜茸炒成既蜆唔單止鮮甜肥美,而且大碟得黎粒粒仲有蜆肉,令人食到停唔到口。海鮮飯:用蕃茄湯整成嘅海鮮飯,賣相呈橙紅色,入口酸酸地幾開胃,除此之外,海鮮配料仲好足,有青口,蝦同魷魚等等。燒雞:燒雞燒得剛剛好,入味之餘入口仲好juicy, 雞肉亦都好嫩滑,配埋香噴噴嘅英式粗薯條,認真唔錯。估唔到餐廳名雖然平凡,但係無論食物同服務都非常之好,唯一唔好處嘅就係冇免費清水提供,如果可以免費提供咁就更好啦。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-09-22
4844 瀏覽
去得澳門當然要找機會試一些地道的葡國菜,今次沒有光顧木偶,小飛象,但就試了另一間在官也街附近的葡國餐廳,裝修極具葡萄牙風味,猶如置身於葡萄牙一樣。該間餐廳,中午十二點才開門,到下午三點便會休市,所以想食的人一定要掌握時間,最好當然是預早BOOK 位。餐廳內的環境其實是比較窄,可能葡國人是沒有肥仔的。首先,拿來的是面包,面包看來是新鮮焗製的,可以代替白飯來點汁食,超正。馬介休魚球,個人認為口感比較似較硬的魚蛋,但更香口。葡國香腸,似較濕的臘腸,但加了很多芥欖油來食,除了有芥欖油本身獨特的味道,配上中間一些香料,風味更特別。右上角是一碟用馬介來炒的炒飯,不像港式炒飯那麼乾身,但風味更獨特。最後是迷你沙甸魚配芥欖油,加蒜蓉一起食,最有趣的地方是整條魚連骨頭都可以食落肚,一種愈食愈想食的感覺。抵玩指數4.0)原本覺得價錢偏貴,但諗深一層這種經典葡式風味,其實己經愈來愈小,餐廳的食物,食落不會感受到太香港的口味。環境方面地方雖然偏窄,但乾淨企理,裝飾亦帶有異國風情。服務態度亦十分友善。另外溫馨提示, 一般的傳統葡國餐廳都沒有免費的水提供,這間亦不例外,不過我個人認為買一枝天然的礦泉水跟葡國菜一起享用,也是一個不錯的選擇。 繼續閱讀
(以上食評乃用戶個人意見 , 並不代表OpenRice之觀點。)