影片
食評 (7)
-見好多人同埋白種元都讚呢間就去澳門試下，叫咗兩個咖哩撈麵，比起澳門咖哩，佢似香港嘅咖哩粉多啲，唔夠多汁同埋唔夠香辣， 而且份量好細， 三啖就冇哂，魷魚同牛腩偏淋幾入味，全餐有魷魚牛腩墨魚丸魚片，唔知係咪冷氣太大，啲野食唔夠熱，微暖咁-。魷魚牛腩撈麵 | $31。全餐撈麵 | $34-📌#sorriso_澳門-👅【華記咖哩麵食】📍新橋(三盞燈/白鴿巢)義字街51A號地舖🕑Mon-Sun 08:30 - 19:30-#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #澳門美食
繼續閱讀
🍴魷魚牛腩撈粉 $31 (8.5/10)$31平但好細碟，係細蓉size，個麵兩啖食完，肚餓建議加底。
叫左中辣都真係好辣，食唔到辣食小辣或唔辣！個麵好爽口掛汁。係用左咖哩汁同腩汁去撈，咖哩汁辣辣哋好過癮(係港式嗰種咖喱汁)又有腩汁嘅香濃，好惹味～魷魚爽口，牛腩入味唔痴牙，好食！推薦指數: 8.5/10真心好食，會再去食嘅小店，好有禮貌，晏晝2點幾都勁多人排隊。
繼續閱讀
今日走左過去食野,上菜有d慢,而且份量比較少,d fd話牛腩好食,叫左試下都唔係太好食.個湯比較咸,我戈陣仲叫左個雲吞蝦丸撈河,($ 17.5)食左一口,決定以後都唔會係戈度食撈河,冇咩味咁.
繼續閱讀
牛腩是我心中美饌之一，牛肉無腩不歡。華記牛腩是"食神"韜韜飲食節目重點推介，是龍是蛇不能不試。從青洲劉記步行過來，就是留肚要吃她的招牌咖哩牛腩麵。這間店子在路邊生果店後，食家初來尋芳很易走過了頭。十二點多人流稀疏，店內還有閣樓的，但沒有開；樓下放了六張玻璃檯，約有60個位子。天氣炎熱，先叫了2杯凍檸蜜解渴；凍檸蜜$3.5是噴泉飲品機那種，不要奢望有真檸檬哦!研究餐牌一會，再點了咖哩牛腩湯麵$14及雲吞湯河粉$14各一碗。牛腩湯麵上浮了一層厚厚咖哩油，牛腩是約5公分厚的3片；這不打緊，尚沒影響我對麵店自詡咖哩麵食專家的形象。舉筷咀嚼品嚐頓時如墮無間地獄，牛腩竟如同橡皮堅韌非常；勉強把牛腩咬開肉屑即卡在牙縫裡，幸好身旁有牙籤，只好邊吃邊挑動作也夠窘了。牛腩炆得腍不腍烹調高手拿上手押一下便知，專家偶有失手不足為奇，操刀者總不該連不合格品也送到客人嘴裡。未知是否咖哩油(不是咖哩汁)影響味蕾，麵身雖有彈性卻吃不出口感。到上雲吞河粉，沒有多餘的荵花或青菜伴麵。四粒雲吞，每粒有2只小蝦，豬肉的比例佔多；河粉略嫌厚身，有粉的感覺，是下價貨色。澳門飲食競爭激烈，名號並非自封或藉靠廣告便能聲名鵲起，還須顧客實力支持，祈業界踏實進取以爭來日長短。
繼續閱讀
住在渡船街無人唔識華記，由街邊檔做起，但係食華記有一個先決條件，就係一定要食辣，唔係因為麵辣，而是如果唔要辣，不建議去華記，因為唔辣既話，水準隨時會比好多普通的麵檔差。麵細碗，已經有點貴，老細已經賺左大錢，新年可以年三十先開工，而且會經常休息十天。
繼續閱讀
您可能會有興趣的...