估唔到連呢度都響openrice搵到, 可惜冇食評, 又做第一個... ^皿^V其實我都成20:45先去食, 夜收工冇計... 所以呢碟係最後一碟既乳豬飯, 係廣東式唔係葡式, 話明燒味嘛 , D皮唔脆, 有兩件仲要係靭.... 肉就當然冇乜野... 係我夜啫, 唔怪佢, 好在叫佢畀多碟乳豬醬黎佢又肯, 撈飯食清晒! 正! 乳豬飯連湯$48, 加罐可樂都係加$5, OK啦! 新八百伴食冇飲品要$58架! 點叫得落手???話時話, 碗湯又幾好飲, 色水幾濃, 管它味唔味精, 唔覺得那就得, 大把茶記落晒味精都係淡架啦! 幾億人當鹽咁落黎煮餸, 只係出街食果少少, 要有事有幾億人行先好多, 怕乜... 呢度雖然係 food court, 但係環境不錯又乾淨, 自己玩電子落單, 出左單先去櫃面畀錢等嗌號碼, 又幾過癮~
繼續閱讀
0
1
0
以上資料只供參考, 請與餐廳確認詳情
您可能會有興趣的...