30
3
0
所有分店 (2)
電話號碼
+853 28329993
開飯介紹
來自韓國的吐司,其中安格斯牛吐司都很受歡迎。 繼續閱讀
營業時間
今日營業
08:00 - 20:00
星期一
全日休息
星期二至日
08:00 - 20:00
付款方式
Visa Master 現金 銀聯 微信支付
食評 (37)
等級4 2019-10-07
188 瀏覽
老實講我都要找一段時間才能找到。因為我唔太熟澳門橫街窄巷。今次真係特登去呢間朝聖的。因為香港暫時未有分店、雖然在韓國已經試過。但都好記得那種味道。一進門口,這間餐廳店員就即刻會比張餐單你,你可以坐著慢慢睇。佢唔會推介你任何食物。都唔會比咩壓力你。這裡可以收港幣。以上就是這間店舖的餐單。價錢唔平。沒有套餐。P.S.其實應該有套餐。但可能過左優惠時間。店員在這方面又無咩宣傳。我其實在來之前都做了點功課。所以點選了豬柳MVP吐司。但原來有個更新的推介,就是安格斯MVP吐司,我係點完再睇最新推介餐單才知道,這點店員真係要改善。雖然我對這個吐司都好支持。但如果有更多選擇,我可能會改變主意呢?講返食物:吐司一份有兩件。放在一個紙袋中。吐司都烘底所以熱辣辣。那些菜很好吃,因為夠新鮮。份量足,豬柳都比較有味道。開首以為會好似麥當勞嗰啲。但食落軟身啲、肉味香濃點。一個女仔食一份就剛剛好。當然一分錢一分貨,這份吐司真係幾貴㗎。所以如果只想試味。我會建議食點普通、簡單、平價、飽肚就足夠。這杯飲品其實我最後都唔知係咩飲品。我見佢個名係餐廳名同名。應該係signature飲品所以就點這個,因本人對一些咖啡、奶茶真係零興趣。飲落去似飲緊檸檬茶的味道。下次都係選擇果茶。最後總結:這間餐廳當日人客很少。位置可能都係一個因素。地方唔算太大。但其實很多人都係選擇外賣。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-13
695 瀏覽
差唔多每次黎澳門都會特登過黎大三巴附近既呢間Issac 黎食佢既韓式早餐!其實個位置又唔算偏,同埋香港未有分店既時候,都會覺得黎到澳門都會想特登過黎朝聖既。早餐我又冇話特別食邊款既吐司,因為對我黎講款款都咁好食,有時食魚,有時食牛,有時會食雞。今次就order 左價錢都比較貴既安格斯MVP 吐司!佢係即叫即做既。所以order 左之後都要預時間黎等下,好味呀,咬落去口感好正,好有牛味,又有肉汁必出黎,加埋佢個issac 醬,配搭一流,推介! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-05
827 瀏覽
由於香港仲未開isaac toast,又無錢無假期飛韓國,所以每次去澳門都會專登去食。雖然isaac toast係一啲自己喺屋企都可以整到嘅嘢,但一定唔會咁得閒咁神心買咁多材料整嗰一次半次。(仲要啱啱試過跟住網上啲recipe整,個味一啲都唔似,完全唔係嗰回事,仲要搞咗每次去到澳門都會去呢間喺新馬路嘅isaac toast,位於內街斜路,但都算易搵。舖頭入面空間唔係好大,鋪面大概有10個位,坐得都比較逼啲,所以多數都係食完就走。入面好似仲有位,但就未入過去。主角toast有十款選擇。火腿芝士,火腿special,魚柳deep,千島墨魚幾款我都鍾意食。貪心嘅小狗通常都會叫魚柳deep然後再外賣一個火腿嘅返香港食。魚柳因為要即刻食先脆,火腿嘅話就帶返香港淋咗啲都唔怕。鍾意食fish burger嘅人係一定會鍾意食佢嘅魚柳deep,香脆嘅炸魚+佢嘅經典煎蛋+芝士+特製醬汁嘅組合係冇得頂,次次都食得好又滿足咁。另外叫咗韓國肥牛紫菜包飯都好好食,不過飽得滯,所以可以多啲人先叫嚟share. 繼續閱讀
(以上食評乃用戶個人意見 , 並不代表OpenRice之觀點。)
等級3 2019-05-21
740 瀏覽
呢間嘅吐司係韓國好出名,宜家係澳門有分店,咁啱店鋪地點距離住嘅地方唔遠,早上起身就過嚟食個早餐.店鋪唔大,店內有少部份位置,去到嘅時候冇咩人,所以唔使等.有套餐選擇亦都可以單點,吐司嘅選擇好多,今次點咗兩個套餐試下,飲品揀咗「焦糖玛奇朵」同「摩卡咖啡」,吐司方面就要咗「千島墨魚吐司」同「豬柳MVP吐司」咖啡味道唔錯,拉花都好靚,吐司份量唔錯,上嚟嘅時候已經切好兩半,吐司烤得啱好,墨魚肉口感夠爽,搭配千島醬酸酸甜甜幾好味,豬柳吐司味道都唔錯,醬汁比較多,整體食落唔會好乾身. 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-16
1043 瀏覽
今次係過黎其中一個目的係想試下呢間Isaac toast,以前去韓國食過覺得好好味,所以而家黎左近近地既澳門試下。安格斯牛MVP吐司,麵包烤到好脆,上面塗上了一層薄薄的蜜糖,牛肉鮮嫩多汁,加上佢地自製既燒汁,夾著芝士、酸青瓜、煎蛋及椰菜絲一齊食,真係好好味,同我係韓國食既味道差不多!蜜糖雞翼也不錯,煎到皮很脆,雞肉都很嫩滑,上面鋪左一粒粒既芝麻,更加香口。韓式煙肉煎蛋捲,不夠特別,加左煙肉好似唔太夾,味道咸咸甜甜的,茄汁太多搶左蛋既味道。總括來說,呢度既toast係好出色,令我食返韓國既味道,推薦! 繼續閱讀
(以上食評乃用戶個人意見 , 並不代表OpenRice之觀點。)