肥仔文美食

營業中

休息中

Not only is their famous crab congee one of the best in Macau, their other dishes are also very impressive. I would recommend to order different dishes every time you are there. This is a restaurant that I would recommend to everyone that is in Macau and wants to try exploring the city other than the hotels. Be aware that there would be a waiting line if you go there after 6:30pm. 

星期五八點多到達澳門，非常肚餓，立刻衝去氹仔的肥仔文。從銀河坐的士去不過十分鐘車程，二十七元。一去到發現滿座！九點還是坐無虛席！可想而知其知名度⋯幸好伙計說快有枱，否則我除了失望外，最重要是會餓暈⋯入座後點了名物水蟹粥，炸三寶和粉絲蝦煲。加分處是所有食物均即點即製，扣分處是等候上菜時間頗長。水蟹粥終於呈上枱了！粥分兩種份量，$300一窩（可三至四人吃）和$130一碗（可一至兩人吃）。我們二人點了一碗，值得一提的是粥裡有差不多一隻水蟹，而且吃得出它是新鮮的。然後是炸三寶，即墨丸、鯪魚球及雲吞！先吃一口墨丸，勁Q彈！雲吞也很脆口，鯪魚球也非常高質！難怪售$140！最後是蝦煲，依舊非常足料，有十多隻鮮蝦！

食咗咁多小食，夜晚要食番正餐🙊 澳門好多特色地道嘢食, 真係1日遊係唔會食得哂架! 跟住openrice 搵水蟹粥搵咗間係氹仔唔洗特登過對面海食! 間餐廳格局好似普通茶餐廳咁💁🏼，唔好預坐得舒服, 但啲服務員都有求必應嘅! 我地7點前到, 等位就大約等咗15分鐘就入得喇，但入去冇幾耐就好多人係出面等😱 好彩早入👀雖然已經有心水叫咩, 但都係要望一望個餐牌先😂我地最後叫咗呢度嘅三大之寶:登登登登👯 就係蝦籽雲吞撈麵🍜, 竹昇麵係呢度嘅名物, 碟嘢一放低已經聞到好香蝦籽味, 食落去好彈牙, 雲吞都好足料, 好味! 另外仲有水蟹粥🦀我地叫碗細嘅兩個人share 原來都有1隻蟹架! 啲粥好綿好滑, 啲蟹肉仲好嫩!! 仲有仲有! 椒鹽九肚魚🐟, 咁多個最中意呢碟! 佢炸到皮好薄, 而且啲魚超滑又唔油! 一嘢比我地掃清哂 oush🙌🏼 唯一美中不足嘅係佢地人手唔太夠, 叫嘢食要等, 上菜要等, 問佢要杯水要等, 連埋單都係等...Instagram: hkdinnerbomb

原本8月尾過澳門玩兩日一夜,因為打風改期到9月尾,由原本食澳門果邊既餐廳,變成唔想離開氹仔既關係,,就揀左呢到食黎澳門咁多次,都未食過呢間久仰大名的餐廳水蟹弼...好鮮甜, d粥好綿同滑,,,煲完粥既蟹,以為佢d蟹肉一定好"鞋"...但事實又唔係,仲好鮮甜椒鹽栗米...不得了...超級鍾意食...愛上左呢道菜!見到每張枱都叫左呢個餸就知道無得頂!!!椒鹽本身好惹味,配落超甜栗米,呢個配搭真係一流! 另外仲叫左呢到既蝦子雲吞撈麵(掛住食唔記得影相)都係一樣咁多食,雖然份量少左d...但d麵好彈牙,絕無鹼水味,蝦子十分香雲吞同樣出色,最後仲食左兩碗先收手!

多年前在官也街食過大名鼎鼎的水蟹粥，只有其形，沒有其味，覺得不外如是。上網找找網友強推的肥仔文，決意來一試。肥仔文的地點對於遊客來說不太好找，位於氹仔住宅區，新濠鋒附近，氹仔臨時碼頭打泥鯭的過去，盛惠40 元。其實店子門口有巴士站，回程時我們乘巴士回路氹酒店，其實也算是方便的。水蟹粥 ($140 碗)一碗足一隻水蟹，感覺足料。粥底軟綿綿，米粒煲至化開，粥內除了米夠粒外，還夾雜了蟹膏，瑤柱碎等，味道豐富而鮮甜。同意下面有食家說味的並不完全來自那隻水蟹，但我認為好吃已足夠了。有些少味精的味道，但可接受。食完粥就試試那隻水蟹，水蟹肉並不多，但勝在夠鮮甜，而且蟹殼不算堅硬，好好"咬".蝦籽撈麵 ($47)竹昇麵是肥仔文另一名物，看看門口大大張poster 就知道了。竹昇麵的特點是用人手製作，製法是製麵師傅坐在長竹上䟴麵團。無需下太多的鹼水也能達至爽彈的效果。食落果然不覺得有鹼水味，而且爽牙有如橡皮圈，口感比一般的麵條更勝一籌。蝦籽也下得不少，味道鮮味，不苦不腥。椒鹽粟米 ($80)椒鹽鮮魷，椒鹽九肚魚就食得多，椒鹽粟米還是第一次食呢！粟米切成細細件，容易咬。一入口，極富椒鹽和辣椒的香辣，怕辣如

澳門一日遊最終站朋友帶左我黎呢間位於氹仔既肥仔文一間食蟹粥好有名既小店小店5:30PM開鋪我地6點幾左右就到好幸運.. 去到仲有一張枱.. 我地唔洗等位我地今次為蟹粥而黎佢有2個SIZE 既第一就係 $140 一碗第二就係 $300 一鍋由於我地三個想試埋其他小菜所以只叫左一碗SHARE粥底好軟綿每一啖蟹粥都吸晒蟹嘅鮮甜味煮過嘅蟹肉仍然爽口自己應為呢間既味道比官也街既好呢到另一個招牌菜炸雙丸有蝦丸同鯪魚丸粒粒丸都成大粒過乒乓波外層超脆, 而肉質超彈牙超讚.火鴨絲炆米我朋友話出面好小有得食我都係第一次食我覺得同普通炆米差唔多但呢到配料係好多除火鴨外, 仲有蘑菇、青椒及洋蔥XO醬通菜大大碟XO醬味道好濃最岩我呢D重口味人士3個人叫左4樣野食埋單都係4XX..  真係又平又好食而ORDER時待應亦有提議過我地3個人食一鍋但如果..大家諗住要食其他野叫個細既SHARE都好足夠

同女神食完Tea同傾左陣計之後，又係時候出去行一陣消化下，但當一踏出門口之後，餓意隨即一擁而上（可能係旅行大食症掛⋯），所以賴生帶住摯愛既女神又向住下個美食景點出發啦 - 《肥仔文美食》！據聞呢間餐廳既水蟹粥係唔錯既，作為飲食情侶小先鋒既我地當然會去試啦，不過⋯唔會一個水蟹粥就滿足到我地嫁麻！所以係旅途上，屈小姐已經同賴生商討緊食D咩啦！不得不提既一點係我地真係好好彩！好彩賴生早肚餓，早左黎，其實間野都幾多人下既，我地食食下就好多人等位！事關間舖係比較細既，坐得比較逼，而且都係得6枱左右，大約照顧到20人左右！我地落完Order之後，第一位搶閘既就係⋯馳名既水蟹粥啦1）水蟹粥（一碗）： ⭐️⭐️⭐️⭐️⭐️呢度既水蟹粥係有分2個size既，分別係一碗（$140）同一窩（$300），一碗用上一隻蟹，而1鍋用2隻蟹，我地2個人叫左一碗⋯份量大約係每人分到2碗半既細碗，其實都唔錯上既時候仲跟埋蟹鉗比你拆蟹添，好細心當然啦⋯⋯窩心既賴生負責拆蟹肉！等女屈小姐唔駛整污糟手麻！食過一啖，就已經忍唔住不停食！粥底好錦好滑，加上水蟹既蟹味同蟹膏滲哂入粥，D蟹膏係勁香，又唔腥，仲係超級鮮甜既，令個粥勁鮮甜勁有蟹味

因為趕船關係5點幾就食晚飯呢度距離官也街約15分鐘路程但都值得過來食對上一次黎已經約9年前當年印象幾好如今舊地重遊水準依舊兩個人只係叫左水蟹粥一碗（$140）同椒鹽粟米（$80）價錢唔平不過水蟹粥都幾綿隱約有少少蟹肉絲混入粥底蟹味滲入粥裡面好滿足椒鹽粟米係新嘗試估唔到炸蔬菜係咁惹味送酒一流多人黎食仲好可以叫多d!!肥仔文美食果然keep到水準！

去完賭場夜麻麻想食消夜，澳門本土朋友介紹肥仔文。去到餐廳發現都幾多人捧場，等左一陣就有位啦！今次澳門朋友落單拍板，點左以下食物：椒鹽粟米： 每一台都有叫，就估到應該係招牌餸！ 第一次食椒鹽粟米，原來好特別好正！好似食栗一燒咁，椒鹽味夠重不過偏辣！送啤酒一流！椒鹽九肚魚：九肚魚肉非常嫩滑，同香港食到九肚魚長條型嘅唔同！金銀蛋鮮豬潤西洋菜：金銀蛋其實配咩菜都好味，今次加左鮮豬潤，好特別！水蟹粥：來澳門咁多次其實都係第一次食水蟹粥！粥底非常甜，好有蟹膏味！不過食得出煲入面的蟹唔係同一隻蟹！因為冇咁鮮甜。最後點左蝦子雲吞撈麵，都好好味啊！

因為唔想食最出名果間水蟹粥，所以google左另一間有人推介但冇咁多游客會去既肥仔文，可能位置都比較偏，本地人去多。粥底唔杰，濃稠度中等，好鮮味，都要等20分鐘先上，蟹多羔飽肉，売都幾硬，隻蟹幾夠鈣，呢度應該有兩隻蟹。普通香港都有既蝦子面，偏咸。

2016聖誕節黎到澳門搵食，由酒店搭的士黎到衣間肥仔文美食，響氹仔位置。落車時離遠已經見到門口極多人等緊位，心知不妙！幾驚特登黎到冇得食呀，好彩7:10黎到，等左半個鐘就有位喇，不過店員都會比左有book位果d先，都答唔實要等幾耐，今次我地等候時間算合理啦！皆因太多人關係，店員先響外面幫我地落左單先，讓我地入座後唔洗等太耐就有得食黎到肥仔文梗係食最馳名既精選啦！水蟹粥、雲吞撈麵、炸鯪魚球或墨魚丸(可揀炸雙丸就試到2種口味)另外我地叫左2支蔗汁。我地2個人似乎嗌得好多咁，不過唔緊要，特登黎到當然食得盡興啦！先黎個雲吞撈麵，份量不是很多，正常份量，好快已搞掂左再黎過水蟹粥，餐牌寫時價，店內都有標明$120一碗、$270一窩，不過如果叫一碗就食唔到精華，2碗先食到d！結果我地叫左一窩，起碼整隻蟹既精華都響度話咁快炸雙丸又到了，見到超級大粒我地都打左個突，今次屎梗喇，點食得晒呢？不過味道真係幾好味，本身一向覺得響澳門出名既都係鯪魚丸，點知有驚喜食落我覺得原來墨魚丸係好味d喎，唔知係佢真係整得好味d定咩呢？個人覺得點都要試下兩款丸先可比較到終於我地只食淨一粒丸，個人就飽到反左不過我覺得都好犀利嫁

帶左星加坡朋友去这間餐廳4大2小 㸃左蟹粥 炸丸 雜菜煲 金沙骨 栗米斑塊 雲吞麵 每份portion 好大 本來都驚食吾曬 但好好味 小朋友最愛炸丸 我最愛蟹粥 又棉又入味。 環境乾淨帶小朋友方便 埋單 730 !

本來我們還想到牛記吃蟹黃撈麵，但係時間真係不夠了因為我哋已經訂咗七點鐘去吃我好掛念的水蟹粥。雖然我哋係訂咗檯但係去到都要等咗十分鐘先有位，因為佢地方唔大只得十數張檯在內咋。行咗成日真係有啲攰呀飲番罐可樂$16補充體力先^0^率先上枱嘅係蝦子雲吞撈麵$65，一上檯影相嘅時候已經不斷聞到蝦籽的香氣從鼻子衝上我的腦袋，吃下果然不負眾望麵質爽口彈牙，蝦子香氣蝦籽香而不鹹，而雲吞亦都足料彈牙好好味道呢，好吃得最後還要再encore多一碟喔！十多年沒有吃過澳門的水蟹粥$270/窩，每人可分到兩碗有多，粥底十分香綿，粥內富鮮甜蟹香味，雖然吃到有少少師傅，但吃吧我亦沒有太口渴的情況出現。牛腩煲$110十分大煲嘅牛腩煲，內裡有牛腩外還有不少牛筋，聽聞味道不俗但係個個都不算肚餓所以被冷落了！金銀蛋豬潤浸娃娃菜$88多謝好友們相揀淋身的娃娃菜，因為車爸爸剛整完牙不吃得太硬嘅蔬菜，上湯十分鮮甜而娃娃菜亦盡了本份索盡湯汁好吃得可以，可惜的是豬潤煮得過熟了較為乾柴呀！！尖椒炒豬肚$93這個菜鑊氣十足，內有我最愛吃的尖椒，可惜不夠刺激，豬肚煙韌有咬口好吸引呢！但係最得我歡心嘅就係呢個炸雙丸$120，每款丸有五粒之多