1
0
0
電話號碼
+853 2892 1112
營業時間
今日營業
09:00 - 03:00
星期一至日
09:00 - 03:00
以上資料只供參考, 請與餐廳確認詳情
因为去澳门系因为去珠海办事，同个朋友讲起就过大海走走，所以事先无准备去边间食，系新葡京附近比较静局的街巷随便搵间食午饭。见呢家人气几旺，仲要等位，就去左啦。生意好好，而且基本系本地客人，游客唔多。午饭时间都仲有茶市早餐供应，不过我地都系点菜。一个北菇海参鹅掌煲，好传统噶菜式，海参肥厚，够大条，火候刚刚好，唔会太淋，几爽，吸收左鲍汁同鹅掌嘎味道，北菇好大只，爽滑，有味道，鹅掌炆得够烂，用筷子都可以夹嘀骨出来，而且无用碱腌制噶味道，推荐。另外两个，一个系白灼菜芯，无咩好讲，系人都可以做好啦，另外一个系石窝肥牛，牛肉几嫩，火候刚刚好唔会老，味道都过得去，就系有嘀咸，不过我一向都系食得好淡所以应该系可以噶。下面重点推荐“海鲜炒饭”，老实讲，好多年无食过咁好食嘎炒饭啦，其实炒饭系好考功夫噶。一粒粒米金黄色，好干身，完全无黏埋噶，又无窿，食落口又唔觉得油腻，嘀饭粒咬落去，好烟韧，好弹牙，最难得噶系饭粒外边干身水分锁晒系里边，食落唔会觉得干口，又唔会太硬。配合蟹子、虾仁、菜丝，各种味道，爽口弹牙。连平常唔多食米饭噶女士，都不由得食多一碗，好快食到碟朝天。最后一个，就系呢餐噶重头戏，亦自然系最贵噶，大赖尿虾啦，一只足足有八两，游水生猛。梗系白灼先保持原汁原味啦。其实呢样野，只要食材好，技巧无几多，就系火候掌握而已。上菜，侍应帮我地去左嘀壳兼剪成几段。食落去，火候刚好，好鲜嫩肥美，又够爽口，梗系啦，咁大只新鲜噶，想唔好食都几难。不过话就话白灼，酒家仲系落左料，少少油，葱，仲有陈皮，有陈皮噶香味，比较特别但系就唔系真正噶原味，到底好唔好，见仁见智啦，我唔系几钟意但或者有人喜欢。
繼續閱讀
您可能會有興趣的...