13
2
1
電話號碼
+853 28556251
營業時間
今日營業
12:00 - 22:00
星期一至二
12:00 - 22:00
星期三
全日休息
星期四至日
12:00 - 22:00
以上資料只供參考, 請與餐廳確認詳情
招牌菜
食家推介
🇲🇴70年代開業的葡國菜餐廳雖然位置較為偏遠，但多年來依舊人氣爆燈餐廳對出是西灣湖景🏝️坐窗邊位可以睇到澳門塔！食飽飯後在餐廳外的海邊小徑漫步幾寫意～上次去澳門已經想試哩間餐廳但失策冇book位，去到全場full曬今次做足準備提前book定 終於俾我試到！內裡燈光偏暗，好有情調氣氛，坐得闊落舒服首先一定有熱辣辣嘅餐包，外脆內軟不過留嚟點蜆汁&辣雞汁先係精髓🔎葡式白酒炒蜆💰140蜆肉鮮甜，配以大量蒜蓉&香草🌿湯汁好香白酒味，點餐包索曬汁正👍🏻有啲蜆有沙，食時要小心🔎什菜沙律💰100好開胃嘅小菜🥗 有🍅🧅🫒🥬🥒用油醋汁撈較為健康，亦開胃消滯醋落得有啲多，食到後尾有啲酸😂🔎葡式炸春卷💰80係香脆嘅，內餡亦都豐富可口不過同平時食開嗰啲差唔多😂🔎非洲辣雞💰200外皮烤得香脆，肉質又好嫩滑醬料好濃郁夠特別，帶有酸辣&花生香味同時亦是東南亞多款香料集合而成點餐包索曬啲汁，食多幾個包都得🤣
繼續閱讀
到澳門要嘗的其中一定是葡國菜，而葡國餐廳中，美心亨利這間餐廳是我每一次到澳門也一定要來的葡國餐廳餐廳對出的馬路是環繞內湖種滿樹木的一條小徑，微微的海風吹到臉上，非常舒服，和愛人一起來可慢慢散步，也煞是浪漫多年不改的傳統典雅的西餐廳裝潢，連待應白色的衫都整潔漂亮一間好的西餐廳，先來的麵包，總是燙得近乎辣手的溫度才算合格，外脆內軟招牌菜就大大方方的把整個做法跟Recipe寫在每一張墊枱紙上，給客人隨便參看，就是店家招牌 - 五味雜陳的非洲雞。牽涉的香料、材料非常多，相信就是自己製作，也會耗費大量的時間同心機香辣帶點酸酸甜甜的汁跟嫩滑的雞肉，配合起來就是絕配，夠讓你下兩碗白飯，跟麵包同食也非常不錯之後更精彩的卻是咖喱牛尾，他不是偏甜的那種，也不是花奶椰奶那種，他是紮紮實實用不同香料，辣道有力度的咖喱，香料味道充滿層次感，配合牛尾更是精彩，這個汁沒誇張可以下三碗飯了而另一道主菜乳豬，這道菜在餐牌上是找不到的，這道隱藏菜卻不及前兩道出色，皮是脆但嫌不夠厚，脆也是剛剛合格，可以不點至於幫小朋友點的海鮮奄列也很足料，也算不錯由於實在太豐富，不知是不是飯吃太多的原故，最後也點不了甜品，最尾點杯熱咖啡完美作結。
繼續閱讀
網上見到有人介紹今次黎澳門其中一個行程就係黎美心亨利食晚飯星期六晚 唔需要預訂一入即刻有位餐廳喺海傍餐廳內燈光偏暗幾有氣氛 服務員穿著整齊嘅制服我地請服務員推介菜式佢推介左炸馬介休球好味!!! 炸皮好薄 裡面有魚香 調味有少少黑椒 非常香口食多幾舊都得呀至於呢碟非洲炸雞 好辣好辣好辣同埋 好...油...唔係話難食 但係偏辣偏油食得有d辛苦最後係呢碟紅酒燴牛尾牛尾炆得好入味 好稔裡面嘅伴菜包括紅蘿蔔 洋蔥同薯仔全部都吸哂味 好好食下次去澳門嘅朋友不妨一試!
繼續閱讀
第一年受到澳門邀請參展澳門旅遊展,難得用經費旅遊,晚上跟上司及老公到了澳門朋友介紹夜晚來到位於澳門半島既葡式老餐廳-美心亨利餐廳-食晚飯。可能星期五關係我地7點半入到餐廳都見仲有位。我地坐左靠牆邊位。可以睇到澳門塔。幾好view. 講返餐廳。燈光偏暗。坐位都算舒適，可能餐廳係以航海同船既概念。有侍應著船長衫，幾特別。我地點左幾樣菜色 同大家分享下。但上菜前首先來左兩個豬仔包 同埋一枝葡萄牙產的olive oil 放係包面好好食，好香。 第一樣上既係兩樣兩樣湯，一個係薯泥菜湯同海鮮蕃茄湯。薯蓉湯好濃，食得出唔係用粉開的。而海鮮湯就普通，但材料好足。有蜆、蝦、魷魚、青椒等。第二樣係白酒煮蜆。有好香既白酒味加埋大量既蒜蓉和香草、蜆好鮮甜亦沒有沙。好味。份量都好足。第三樣係燒乳豬仔一份。皮脆肉嫩。配埋特制既黃芥辣醬簡直一流。但就由這隻燒豬仔開始,有種食滯的感覺跟住必點的非洲雞。味道偏濃。份量都有半隻雞。雞肉嫩而多汁。好野味。必食推介。最後係一個炒飯同炒椰菜。兩個普通。因為都order左兩枝葡國啤酒同一枝白酒。所以埋單都要一千四百幾。但以食物水準來講係可以接受的。埋單時可以叫餐廳幫忙叫的士。值得一讚的是所有店完都非常細心,好勤力加水換碟。對Menu介紹亦非常熟悉~下次有機會都會再來食
繼續閱讀
All your favourite Portu-Macanese dishes are nicely done here. The first brownie point was awarded to the hot and crunchy buns. Although they were simply re-heated in a domestic oven I was impressed that the restaurant took the trouble to do so, instead of providing flabby cold buns that most restaurants would do. African-Chicken, Seared Pork Belly, and Spicy Prawns are all musts. Ask for the boat captain when placing orders who offer great recommendations. (The decor of the restaurant mimics a ship, and the head waiter dresses as a captain!)
繼續閱讀
您可能會有興趣的...