3
0
0
電話號碼
+853 28952010
營業時間
今日營業
12:00 - 00:30
星期一至日
12:00 - 00:30
付款方式
Visa Master 支付寶 現金 銀聯 微信支付
座位數目
140
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
送餐服務
加一服務費
食評 (3)
等級3 2019-06-23
579 瀏覽
朋友生日 收工後相約食好西澳門同事提議食呢間 一於唔諗咁多 跟!book左七點半 五位 準時到安排左入門口右面坐第一層靠窗邊位置剛好一張六人枱 坐得舒適又自成一角餐廳員工好有禮貌 主動介紹菜式我地嗌左好多食物share估唔到連澳門都有$10隻蠔今日供應既係紐西蘭既蠔bb嗌左每人四隻雖然細細隻咁 但都夠新鮮 略為唔夠凍每人有個餐前包 熱辣辣架黑松露薯條 好食 夠熱夠脆 黑松露味道剛好 唔會太搶老公要encore多一碟蒜香椰菜花西蘭花同椰菜花既混合體口感較爽脆 但樣子係未見過既友人們大嗌好醜樣😂😂但我覺得好好食~刺身拼盤係餐廳職員推介下試的一半係刺身一半係熟既魚大家都覺得麻麻 七味粉炸金菇好搞笑既口感 唔知食緊咩咁下次都唔會叫了 勁熱氣😅😅重點:斧頭扒🤤🤤🤤好好食~我地揀左三成同五成熟好嫩滑 有牛味 有三個醬跟海鹽 黑松露醬 燒汁 各有各吸引五個人 平均每個人食到4-5件海鮮袋 係香港想試好耐但未有機會食到呢味餸其實大家都已經八成飽我地揀左3-5人份量 可選八款海鮮醬汁兩種 揀左一個辣汁 一個檸檬牛油職員會將海鮮分為兩袋 係你面前倒入醬汁再shake幾下 倒返出黎碟上菜 入面除左海鮮外 仲有小小蔬菜的其實都唔錯 只係我地開始飽 食唔哂甜品嗌左個火焰雪山比朋友做蛋糕仲可以即場寫Happy Birthday to邊個唔洗話要加錢個d 又有職員一齊唱生日歌總括黎講 員工服務好 有禮貌有笑容餐廳環境舒服 唔會好嘈好逼食物質素中上偏高 有下次 繼續閱讀
(以上食評乃用戶個人意見 , 並不代表OpenRice之觀點。)
今日過去澳門系坐港珠澳大橋直通Bus 過去,從到站輪候上車到人工島用時大概1小姐,感覺比較快。到人工島後就乘坐101X 巴士該車路線系行走澳門舊城的路線。鄰近午餐時間,車上突然想起上次東週刊介紹的一間位於沙梨頭的創意料理,一於去試試。餐廳有三層,一樓好有美式鄉村感覺。三樓就好有歐洲復古嘅感覺。環境唔錯啦餐廳出品當然 要試試啦,我地聽東週刊推薦10蚊即開生蠔好唔錯,2 個人叫左半打,好新鮮,午餐套餐系有沙律、湯、一個主食、一個甜品、一杯咖啡。好多嘢。總體講出品同環境都好好,仲好抵食2 個人220,系舊城區有d 咁嘅好地方值得推薦下俾大家! 繼續閱讀
(以上食評乃用戶個人意見 , 並不代表OpenRice之觀點。)
等級1 2018-11-22
752 瀏覽
平時路過好多次,終於有次同朋友提起話個到轉角位開左間吾知咩野黎,咁我地就抱著好奇心去睇下,原來係一間餐廳,當晚行完街就去試下,試完同朋友都讚不絕口。一開始點完餐後會有餐前包,熱辣辣軟軟的口感配埋牛油幾開胃。我同朋友點左3樣野食加一份甜品。第一樣係脆香德國鹹豬手,個皮真係好香又好脆,配埋醬食好好味,酸菜同薯蓉配埋豬手一齊食正呀第2樣係慢燴24小時和牛面,和牛面肉質好軟、好易就整開,朋友對而個讚不絕口。第3樣係叻沙海鮮意大利飯,因為朋友吾食辣的關係,叫左餐廳走辣,點知有驚喜,吾辣的情況下餐廳用左蝦黎取代叻沙,變左好濃郁的蝦味,十分正最後當然就係甜品啦,我地叫左千層拿破崙、焦糖雪糕,個餅皮好脆,配埋雪糕同cream感到好幸福餐廳環境吾錯,佢分左3層,一入門口就會見到吧台,咁我地今次就被侍應帶到3樓。咁會見到有牌寫住當日推介。總結黎講環境、食物都十分不錯,會有下次。 繼續閱讀
(以上食評乃用戶個人意見 , 並不代表OpenRice之觀點。)