影片
港鐵天后站 A2 出口, 步行約4分鐘; 地鐵A1出口(步行約4分鐘)
繼續閱讀
電話號碼
26606373
68065382 (WhatsApp)
開飯介紹
創意日式燒肉店，裝潢富有日本風味，以A5宮崎和牛牛眼蓋做招徠，油脂豐富入口即溶。另外超長日式牛仔骨、牛味濃上等封門柳桶都值得一試，另亦供應豬肉、雞肉、海鮮等。
繼續閱讀
營業時間
今日營業
12:00 - 15:30
17:30 - 23:00
星期一至日
12:00 - 15:30
17:30 - 23:00
以上資料只供參考, 請與餐廳確認詳情
有關餐廳
有關獎賞計劃
相關文章
今日嚟到天后一間裝修幾有風格嘅韓式小店，主打串燒放題，最吸引係有馬來西亞D24榴槤任食，真係好少見，榴槤控必定要bookmark！牛肉類選擇特別多，包括精修牛舌芯、醬汁洋蔥牛肉、醬汁特選美國牛五花、美國安格斯封門柳、荔枝牛肩胛串串同澳洲和牛M7牛板鍵。每款牛肉都切得厚厚地，肉質嫩滑，醬汁調味唔會太重，啱晒鍾意食牛嘅朋友。特別推介澳洲和牛同安格斯封門柳，燒完油香四溢，牛味濃。豚肉方面有爽脆豬頸肉、醬汁豚肉片、厚切果汁黑豚、黑椒鹽五花肉、果味醬汁五花肉同雜錦香腸。豚肉款式多樣，肥瘦適中，特別係黑豚同豬頸肉，燒完有彈性又唔會太肥膩。海鮮同其他選擇有蒜蓉牛油烤帆立貝、泰式生蝦、燒菠蘿、燒翠玉瓜同燒粟米。帆立貝新鮮，牛油味香濃；泰式生蝦酸辣開胃，菠蘿、翠玉瓜同粟米燒完更加甜美，食咗咁多肉之後嚟啲蔬菜或水果都好啱。雞肉類有地雞雞軟骨串、摩薩醬汁雞肉、韓式雞肉同蜜糖燒雞翼，全部都香口惹味，特別係蜜糖雞翼，甜甜地好容易一啖接一啖。炸物同燒物有貓山王榴槤醬燒薄餅、炸粗薯條、炸餃子、吉列炸蝦同炸雞塊。即炸上枱，外脆內軟，貓山王榴槤醬燒薄餅自己慢慢燒，仲帶陣陣榴槤香，十分特別。主食方面有月見紫菜珍珠米飯、胡麻醬烏冬同辛辣麵，飽肚之餘又有特色，尤其胡麻烏冬香滑，辛辣麵有啲刺激。最後重點推介D24榴槤任食，榴槤肉夠新鮮香濃，食完咸嘢再食返幾瓣，滿足感爆燈。我地榴槤麵食左4轉😍成餐飯感覺無論係串燒迷定榴槤控都會滿意，值得一試！
繼續閱讀
之前約左朋友去燒肉屋食燒肉+海鮮放題，因為喉嚨痛唔敢食牛肉, 當晚專攻豚肉類（豬頸肉、厚切果汁黑豚肉、豚肉片、黑椒鹽五花腩）、海鮮、雞肉，仲有意外之喜 — 榴槤同榴槤烤餅！ 餐廳環境環境相當不錯.，裝潢都好有日本風味, 當晚有不少客人，氣氛輕鬆又有驚喜。第一件事看看有沒有啤酒. 因為燒肉一定要配啤酒, 酒櫃有不少 Asahi 及其他啤酒, 同時見到雪櫃內有 Haagen-Dazs 及其他雪條。 五款小碗醬料散發燒烤香，食慾即刻開。喉嚨痛避開牛肉，豚肉真係主角！成盤豚肉. 仲有雜肉腸, 雞翼等等豬頸肉燒得正，外脆內嫩。 厚切果汁黑豚肉多汁而豚肉片易熟、黑椒鹽五花腩香辣撲鼻。用生菜包. 超正大隻厚肉海鮮扇貝、生蝦鮮甜、雞肉。燒到熟度啱啱好，鮮香撲鼻。生蝦, 不用加醬料. 超新鮮最驚喜是有榴槤！新鮮榴槤肉香濃滑溜，仲可以整榴槤烤餅，功夫不少. 要燒, 不可以放太久, 不時看, 要有外脆內軟，烤好後, 才放榴槤肉, 榴槤肉濃郁得嚟唔悶，烤餅沒有任何味道。但烤餅外皮香脆，內裡榴槤蓉滑溜，互相配合. 食落有驚喜， 令榴槤肉味道更出，絕配。 雖然喉嚨痛，但沒有阻止享受美食味道。所以差不多飽時, 依然要食 番杯Haagen-Dazs 。整體來說，份量夠晒，質素抵讚。下次養好喉嚨，會再嚟睇下新海產同季節限定野食，仲想多啲榴槤相關甜品，期待下次！
繼續閱讀
發現到一個打卡勝地急不及待想推薦俾大家首先去相先所謂未贏食物先贏打卡如果帶女朋友過嚟一定可以周圍都可以出到相你方面都有好多唔同種類嘅，有甜㗎啦，有果汁啦有酒啦平時大家會飲多嘅飲品嗰度都唔缺係俾大家任飲嘅首先枱面見到嘅迎賓小菜一定唔少得啦佢嘅燒肉上碟幾靚係有特色燒肉嘅 佢個荔枝串燒牛肉好食 而且都有牛嘅唔同嘅部位 唔少得嘅海鮮，佢亦都可以揀我一份肉佢都有少少嘅調味料好有韓式燒肉嘅感覺最經典嘅係佢嘅五花腩肉份量夠足 好晏啲重口味人士炸蝦真係要推介因為佢啱啱新鮮炸出嚟嘅佢係放題任食嘅放到滿枱都係食物啖啖肉真係好幸福最後令人驚艷嘅，梗係嗰個榴槤啦上枱嘅時候係冰凍嘅再加上啖啖肉感受到店家挑選榴槤嘅用心最尾每人都唔使$400就出到去今次嘅體驗幾正 有時候支持小店都幾好
繼續閱讀
收工同朋友食飯，佢book咗天后一間叫”燒肉屋”嘅餐廳，去到先知，原來佢已經揀好咗我唔食嘅榴槤放題，最搞笑係佢自己都唔食榴槤😆。好了，一個榴槤放題而冇榴槤食，到底仲食唔食得飽？答案係飽到頂住。原因係，佢本身包咗嘅食物種類繁多，淨係牛都有好多款。喺牛之中最有誠意嘅係m7澳洲和牛，不過個人覺得封門柳更有口感，而荔枝牛肩胛都好特別。不過個人覺得今晚最好食，係蒜蓉牛油帆立貝。燒完之後，牛油味香爆。泰式生蝦亦都做得有板有眼，夠凍又大隻。其他肉類都唔錯，同樣地有好多選擇。想食其他嘢嘅，呢度亦都有啲炸小食，燒翠玉瓜，菠蘿同粟米等等。燒肉當然唔可以缺少嘢飲，呢度有埋嘉士伯啤酒，算係有誠意，個人仲飲埋Asahi。至於甜品，Häagen-Dazs已經係標配，不過能得利檸檬可樂雪條原來都幾好食，聽餐廳講係新出嘅！呢度嘅氣氛都好好，周圍都係傾偈飲酒嘅氣息，好適合喺度同朋友燒肉一番。就算唔食榴槤，淨係食其他嘢，呢個放題都已經返到本！
繼續閱讀
朋友介紹，難以置信有咁抵食嘅「榴槤燒肉放題」，$348食120分鐘，包飲品（有好多款）同雪糕 。餐廳個經理姐姐非常好服務介紹，同熱情。就算係任食，食物一點就好快上，餐廳唔會”dum”你時間，完全無漏單，非常之值得一讃！！Encore好多次叫咗以下幾款肉：醬汁特選美國牛五花，肥瘦相間的紋理如大理石般細膩優雅。經秘制醬汁悉心醃制，將肉香與醬香完美融合。炙烤後，油脂在高溫下悄然融化，入口鮮嫩多汁，濃郁的風味在舌尖層層綻放，每一口都是味蕾的極致享受。美國安格斯封門柳，其肉質緊實鮮嫩，富有嚼勁卻不失柔軟。烹飪後，肉香醇厚，肌理間的油脂，獨特的口感；澳洲和牛 M7 牛板鍵，雪花紋理均勻密佈，油脂含量恰到好處。烹飪時，肉香與脂香交織，入口即化。荔枝牛肩胛串串，呢個啱哂我呢個鍾意食荔枝嘅牛魔王。鮮嫩的牛肩胛肉與清甜的荔枝串連。牛肩胛肉緊實彈牙，荔枝的果香清甜沁人。經烤制，肉香裹挾著荔枝的獨特香氣，甜鹹交織，口感豐富。蒜蓉牛油烤帆立貝，新鮮肥美的帆立貝，在蒜蓉與牛油的雙重加持下，烤制後，帆立貝表面金黃誘人，一口咬下，汁水四溢，蒜香、奶香與貝肉的鮮甜完美融合。將個蒜蓉牛油撈埋飯食好正好開胃。最後點少得叫主角，貓山王榴梿，果肉金黃飽滿，香氣濃郁醇厚，入口綿密細膩，令成個晚餐更加圓滿。又有高質牛，又有榴連，真係好抵食，啱哂我呢個鍾意食榴槤嘅牛魔王！！
繼續閱讀