影片
放假就係不停咁食、不停咁飲！就算食咗晚餐，仍然心思思搵吓有乜嘢美食可以送酒。當地人介紹一間係氹仔民生區燒味茶餐廳嘅燒乳鴿同埋燒鵝。入到嚟室內裝修光猛簡潔，就係俾你一個好舒適嘅感覺，做完嘢放工靜靜哋簡簡單單想食一餐的地方。 因為之前已經食咗晚飯，所以只係叫咗乳鴿，同埋例牌燒鵝。 因為同行人係常客而當晚又唔係好多人，所以老闆俾我哋自帶酒，仲借埋冰桶俾我哋慢慢嘆！ 乳鴿首先上場，平常去食炸乳鴿，通常都會附上喼汁同埋淮鹽。不過這一隻乳鴿味道調校得剛剛好，根本不需要任何其他調味！燒鵝出場啦！皮脆肉嫩！ 就係燒得啱啱好！鵝皮香脆、肉味濃、肉汁喺皮同肉之間來回流走，爐火掌握得非常準確。值得一提嘅係所有燒味都係鋪內即日燒。喺門口燒柜就掛咗一啲未燒嘅燒鵝/鴨。所以絕對新鮮製作！如果唔係本地人介紹真係錯過咗呢個美食😋所以喺度分享同介紹一下，同埋記錄一下食過嘅好嘢。
繼續閱讀
您可能會有興趣的...