海灣餐廳 (氹仔)

營業中

休息中

在這家葡國餐廳，我品嚐到了令人難以忘懷的美食。馬介休球的外皮輕薄，內餡鮮嫩，調味恰到好處，每一口都充滿了香氣，讓人感受到地道的葡萄牙風味。奶油煮蜆的份量相當驚人，豐富的奶油醬汁包裹著新鮮的蜆，加上香草的點綴，讓整道菜品味道層次分明，令人垂涎欲滴。葡萄牙海鮮燉飯更是這次用餐的亮點，米飯吸收了海鮮的鮮美精華，口感滑順，鋪陳著蜆、青口、蝦。餐廳的環境亦令人愉悅，優美的裝潢與舒適的氛圍為這次用餐增添了不少分數。不僅食物美味、環境優美，服務態度同樣令人讚賞。服務員十分友善，隨時留意客人的需求，讓人感到賓至如歸。 繼續閱讀

有香港朋友黎澳門玩，想食葡國菜🥗諗起依間餐廳係正官也街隔離，位置非常方便，就提早訂左位。環境：座位寬落，我地4人佢俾左6人枱。雖然枱與枱之間都密，但餐廳唔會焗住啲聲太嘈，適合聚會傾計🗣️食物：一黎到就有免費牛油同餐包，由於當日預計會食到好飽所以冇食到。我地散叫左吞拿魚番茄沙律，吞拿魚加左sauce混埋，襯埋新鮮大番茄，好開胃🤤小食叫左馬介休球，葡國菜必食，其實即係馬介休魚加薯仔混合而成既炸物，好香口👅主菜叫左海鮮燉飯，海鮮好足料，飯既份量都好多🙂‍↕️最後仲有非洲雞，第一次食，味道唔錯，醬唔識形容😂但好味服務：菜上得較慢，所以要預多啲時間食；侍應亦人手不足，要把握眼神交流先叫到佢地🥹 繼續閱讀

好久沒有到澳門旅遊，難得一次，一定要吃一餐葡國菜，每次到澳門都選海灣餐廳，氹仔交通較方便，食名氣，食物水準差咗好多，無下次餐廳準六時開門，沒有預約要門外排隊，星期一晚都長長人龍免費麵包熱騰騰，配湯會不錯每枱放著一瓶38蚊既水其實可以請待應免費要水，侍應服務算熱誠，會主動替客人換碟三個人，食咗五樣嘢，食唔曬，一千蚊有找乳豬釀飯外貌吸引，食入口失望，乳豬皮韌過紙，只有肥肉忌廉炒蜆大大碟，但蜆較細隻，有沙海鮮焗意三隻蝦，三隻青口，幾舊魚柳，外貌已不太吸引，食落更失望，意粉超淋，難食過大家樂蒜蓉炒什菜大大碟，味道偏咸，尚算滿意馬介休球薯蓉加上馬介休，好味，是最滿意的一道菜 繼續閱讀

先講總結：係一間味道唔錯，環境舒適，價錢適中嘅正宗葡國菜，但係服務態度有待改善。嗰日三個人去，叫咗三樣嘢，三個人都食得好飽。我哋叫嘅係1.燒羊髀，2. 葡式乳豬釀飯，3. 葡國雞。1.燒羊髀燒羊髀切成薄片咁樣上，旁邊有啲沙律同埋薯片。 燒羊髀調味唔錯，並無太過濃嘅調味，掩蓋咗羊本身嘅味道。仍然可以食到羊肉本身嘅味道，同淡淡嘅臊味，加分。熟度嚟講，恰到好處，好容易就可以咬開，唔會過老。隔離有一個薄荷醬可以蘸，但係我唔係特別鍾意薄荷，所以冇評價。2.葡式乳豬釀飯招牌菜，一句就係好食。乳豬肉好嫩，表皮燒得好脆。上碟嘅時候攞一個乳豬形狀嘅餐具裝住，賣相幾靚。下面墊住炒過嘅飯，味道同乳豬好夾。好評。3.葡國雞正宗葡國雞，味道同茶餐廳嘅唔同，建議可以試吓。雞肉非常嫩滑，而且都係選用去骨雞髀肉，食起上嚟都非常方便。而且有配一碗白飯，個汁配起白飯上嚟，非常好食。服務態度：員工對答係有禮貌嘅，但係當日我哋大概2:45入座，喺入座嘅時候，佢並冇同我哋講今日3:30要搵清潔公司做清潔，客人必須3:30前離座。我哋大概喺2:50左右點單，上齊嘢食大概3:05。當我哋食到3:10嘅時候，員工突然過嚟同我哋講3:30清潔公司做清潔，客人必須離座。佢淨係俾20分鐘我哋食晒枱面上面嘅嘢，中途仲催咗三次。咁我不禁思考，如果真係3:30需要做清潔，咁點解仍然俾我哋入座點餐？中途仲要催促三次，嚴重影響用餐體驗。總括嚟講，食物係好食嘅，但係員工服務質素的確麻麻。 繼續閱讀

推介指數 Recommendation Level : 🔥🔥🔥澳門有不少正宗的葡國餐廳，雖然提供的食品或菜式都是大同小異，不過每間的烹調手法都各具特色，部分小店近可以吃得出家庭式的風味。至於這間店舖，所提供的葡國菜式，雖然沒有精緻的擺盤，但是可以吃得出正宗的味道，而且價錢相宜。Macau boasts numerous authentic Portuguese restaurants. Although the food and dishes may appear quite similar, each establishment has its unique cooking techniques, and some smaller eateries offer a delightful homemade flair. This particular restaurant serves Portuguese cuisine that, while lacking in presentation, delivers an authentic taste and offers reasonable prices.餐包 ($0)Bread這個餐前麵包看起上來像是平平無奇，但是吃起上來非常鬆軟，配以牛油味道更佳The pre-meal bread may look unremarkable at first glance, but it is incredibly soft and pairs wonderfully with butter.海鮮飯 ($188)Seafood Rice這個葡國海鮮飯，飯的份量比海鮮少，所以飯吸收了海鮮的汁，所以非常鮮味，除了有魷魚、鮮魚，還有不小鮮蝦，所以性價比可說是十分之高The Portuguese seafood rice features a greater proportion of rice compared to the seafood. This allows the rice to absorb the flavors from the seafood, resulting in a delicious dish. In addition to squid and fresh fish, there are also sizable shrimp, making it an excellent value.燒沙甸魚 ($128)Grilled Sardines 沙甸魚燒得非常香口，但仍然可以保留了豐富的肉汁，亦吃得出魚肉的鮮味，雖然沙甸魚的骨比較多，但卻非常容易處理The menu offers a wide variety of dishes, catering to different tastes and preferences.😎 評價 - Epicurean Explorer's comments:  🍽️食物Food： 🔥🔥🔥🔥✅菜色選擇非常豐富，可以照顧不同口味的人士需要The menu offers a wide variety of dishes, catering to different tastes and preferences.❌無Nil🏡環境Environment： 🔥🔥🔥🔥✅裝修簡單的葡式隔調為主，感覺就像家庭式的小酒館一般The decor is simple, primarily featuring Portuguese-style partitioning, creating the ambiance of a cozy family-run tavern.❌無Nil💁服務Service：🔥🔥🔥🔥✅侍應生非常親切，而且上菜的速度亦十分快速The staff is very friendly, and the speed of service is impressively quick.❌由於餐廳的設計分為兩邊，所以有時候需要侍應幫助的話可能需要等候一段時間Due to the restaurant's layout, which is divided into two sections, waiting for assistance from the staff may occasionally require some patience.💰價格Price：🔥🔥🔥✅這個價錢這個份量，再加上食品的質素，性價比算是可以接受Given the price, portion sizes, and quality of the food, the value for money is quite acceptable.❌無Nil 繼續閱讀