波爾圖

營業中

休息中

我見OpenRice 勁多讚，就一心諗住差極有限，點知去到就當然揀d hot item，乳豬飯，葡國雞，白酒蜆，咖啡雜菜，乳豬飯係最期望嘅一款，因為最貴，就睇下有幾好食！依？個皮咬唔開，點搞，雖然d肉係滑但個皮先係重點，好明顯係番叮，真係好差，蜆有沙，其他兩樣好一般，唔明點解有咁多讚，澳門都食過好幾間葡國餐廳，依間係最差！

好食而招呼又好的餐廳，應食評 來試一試。晚餐時間 叫了三個菜及飲品 價錢合理得應叫抵食1/ 酒煮硯 硯肉好滑 湯微微酸 很開胃2/ 沙丁魚 大小適中 內有魚春 🤤3/ 乳豬飯 好香滑 入口即溶豬仔肉 記得多個人先好叫 好多件 食太多好油膩整體唔貴 乳豬飯大大碟 很抵食餐廳內位置編排不錯 光暗適宜 出入方便記得電話訂枱 有好幾班人走過想入 都因為無訂枱而撲空 幸好分店係附近 😏 而職員有耐心同每一班撲空的客人解釋入座情況及提義轉去另一分店 大多接受

周末到澳門度假，晚上想試下葡國菜，就來到呢間出名的葡菜餐廳。我們沒有訂位，幸好早到（我們晚上６點半到），店員幫我們留位。隨後有不少沒有訂位的人來到，店員都表示滿座，要等到８點才有位。我們等了半個鐘左右就有位了。　店面不是很大，但很有殖民地色彩，環境不錯。我們一家四口點了四個菜：麵包焗葡國雞，葡式乳豬釀飯，燒美國牛肋骨和咖哩雜菜。上菜很快，點完不是等了很耐就有得食。麵包焗葡國雞個麵包焗得好脆，食到卡卡聲。葡汁雞肉好入味，拼埋麵包真係唔錯配搭。店員好細心，會幫我們剪開個麵包方便食。老人家表示很喜歡。咖哩雜菜就普通咖哩汁炒雜菜，個汁送飯一流。燒美國牛肋骨意想不到燒得好好味，仲好大份，有兩大塊牛肋骨。葡式乳豬釀飯都好好食，Ｄ乳豬好厚肉，好juicy，不過葡式乳豬個皮唔脆，同平時香港食開的不同。個飯就有Ｄ似西式醬汁煮嘅飯，齋食都好味。埋單５百蚊唔駛真係好抵。食物有質素，服務態度好，價錢又合理，下次都會再食。

差唔多每次嚟氹仔都會去呢間葡國菜餐廳食飯，佢哋嘅款式種類好多，而且價錢算係抵食兼好食 所以每次見佢地食客都比較多，如果呢間舊店已經full曬，佢哋響附近仲有一間新店～ 可想而知響氹仔官也街呢邊佢都幾出名～ 先會開多一間分店響附近坐低就同朋友叫咗一支黑啤同一支啤酒Super Bock黑啤都幾好飲，重麥味。馬介休薯蓉球 $48略嫌唔夠咸，太少馬介休，炸得都夠脆幾香口。葡式辣汁蜆肉蝦 $83呢個小吃有驚喜，辣辣地個汁味道幾特別，蜆肉同蝦都鮮甜，啲蝦好大隻葡國咸豬手沙律 $55沙律菜好新鮮，個沙律汁有少少似泰式沙律汁，酸酸辣辣咁，豬手有好多片。麵包焗葡國雞 $83每次都會Order嘅菜式，農夫包焗到好脆好好味，點葡汁食無得頂！不過今次個葡汁好似太稀，比較淡🙁總括嚟講都係唔錯嘅～繼續支持！

我同家姐兩個人要去澳門威尼斯人聽演唱會，所以特登提早到澳門睇吓有咩好嘢食，網上見到呢一間食評唔錯，又見攞好多獎，價錢合理，地點又喺氹仔舊城區，方便食完之後行過去威尼斯仁酒店，所以去食下。晏晝接近2:00到達餐廳，服務生話有一張枱賣緊單，所以等左5分鐘左右就入得去，俾咗張二人枱我哋坐，張枱唔大唔細OK啦，好快就比兩杯水同Menu我哋，我哋仔細睇咗Menu上嘅選擇，見到其實牆上面也有其他手寫餐牌，所以都幾多嘢食，但因為得兩個人所以叫唔到太多嘢食，雖然係咁，今次嘅餐飲體驗令我好難忘，覺得值得推介！叫咗個葡式乳豬釀飯（$178），上嘅時候熱辣辣，乳豬皮好脆，肉質嫩滑多汁，名副其實嘅必食招牌菜，炒飯底有橄欖，好香好好食，想講即使後來乳豬飯涼左少少，但係個乳豬皮仍然keep到好脆，非常高水準！另外叫咗個芝士薯蓉馬介休焗酥皮（$98），每次去澳門食葡菜我一定會叫馬介休，因為本身好鍾意食薯仔。上嘅時候一碟有兩個，每個size都有手掌咁大個，仲要係落足料，如果女仔一個人食一個其實都會幾飽幾滯。薯蓉有煙肉芝士加洋蔥，好好食，啲薯蓉唔會太溶，會有啲薯粒咬吓，好明顯真係人手壓用心做；至於酥皮夠薄夠脆仲要超香牛

幾年前同大佬嚟食過，之後都係好掛住佢個葡國乳豬釀飯！今次專登過氹仔再食！1:30 左右到，冇訂位情況下曬住等咗10分鐘就入座。當日只係點咗兩樣嘢！就係乳豬飯同炸馬介休！乳豬飯即點即做，都等成4個字先上菜。乳豬皮脆，肉嫩多汁同有淡香五香料味，骨頭香脆，咬兩咬香濃到唔捨得吞。飯粒明顯係焗到有少焦脆飯粒，唔乾好有咬口！夾有粒粒葡國腸，口感豐富味道豐盛！炸馬介休啱啱炸好皮鬆軟脆，餡滑，不過薯仔同馬介休味就比較淡，一定要襯熱食！35度情況下叫咗2支葡啤降溫，麥味中等小甘。

對於我地d窮L，一年先去一次澳門，(去澳門二日一夜都5平架)儲夠錢去澳門享受，我地多數食自助餐，因為平同有質數，但今次試下食葡國餐，真係好正，我地六人叫左，葡汁麵包雞、馬介休球、肉醬意粉、檸檬白酒蜆、乳豬飯、血鴨、豬手沙律、酥皮馬介休薯蓉、1渣水果酒，每樣都好好味，出餐又快，服務超好，下次再食過😋😋😋返到香港我地日日都掛住佢，我個人推介(檸檬白酒蜆、乳豬飯、酥皮馬介休薯蓉、水果酒)係一定要食同飲，但係記住早一、二日前訂位，我見佢地好多人等，因為太好味正！！！

同朋友去澳門，玩到九點幾，好多餐廳都關左門，而同朋友都好想試葡國菜， 就去咗呢間餐廳。餐廳滿座，侍應話分店有位，問我地去唔去。有侍應帶路，而且路程只不過1分鐘，本店同分店都滿座，證明係有幾好食啦！同朋友叫咗個麵包焗葡國雞、炸馬介休球、葡式海鮮燴飯。麵包焗葡國雞好正！個麵包吸晒啲葡汁，軟綿綿好好味，椰子味重，但啲雞就有啲老。第一次食葡式海鮮燴飯，第一啖覺得怪怪地，但越食越好味，蕃茄味濃郁，唔係講笑真係充滿海鮮！有一隻大蝦、好多蝦仁蜆肉同墨魚，仲有青口。本人就唔係點食鹹魚，但朋友話個馬介休球好好味。雖然餐廳好多人，但上餐速度正常，唔駛等好耐。之前同朋友去澳門，只係食個越南湯河，都要成百蚊。但呢到叫咗三碟嘢食，兩杯嘢飲同湯，埋單只係三百零蚊。真係好抵！

我地8個女仔一齊去Macau玩齊齊食好野haha係open rice同買其他website見到呢間餐廳好多人鍾意去食同埋評價都幾好所以我地就決定一定要去試下啦因為我地book左位 所以就可以好快入座 d人服務態度好好 環境唔算窄 佢d檯有地方俾我地掛我地d袋 係一個幾好嘅設計 加分haha 唔洗larm住d袋食野咁多樣我最鍾意個白酒煮蜆 好好味！！佢d湯好清甜好好飲 有芫荽但味道唔重 好鮮甜 佢嘅乳豬同雞都好嫩好好食 好推薦！！下次想試下海鮮燴飯

黎澳門一大目的係食葡國菜，原本計劃食呢一間葡式餐廳，但未開又已經想食嘢。行行下竟然發現咗open rice排行第一嘅葡國餐廳，所以就拋低原定計劃，食呢間。結果... 喜出望外！ 叫咗葡式燴海鮮飯，望落去已經好足料，有大蝦、青口、蝦、魷魚、馬介休。每口都食到海鮮，$108都物超所值。用來燴飯嘅汁係蕃茄汁，材料有蕃茄、青椒、洋蔥、火腿粒，同埋芫茜。蕃茄汁酸酸地，好開胃，配以好淡芫茜味為更特別。飯好入味，可能因為汁好多，有d多到似湯。另外仲叫咗葡國菜數一數二嘅馬介休。餐廳對於馬介休都有不同煮法，例如焗、炸等等等。今次比牆上芝士焗馬介休酥皮嘅圖所吸引就叫咗。「芝士」、「酥皮」都多麼好聽、吸引嘅名詞呀。一客$98，有兩件，本身覺得少。佢一黎到，我就發覺錯了。兩球大大的。一切開就有少許拉絲效果，印象分大增。酥皮就好似個碗仔，上面有層馬介休，馬介休之上兜住薯球，最上係一層薄薄嘅芝士。材料好豐富，每層都好夾，調味剛剛好，口感又有薯球嘅綿綿，又有酥皮嘅香脆。酥皮食落唔會成口油，有幾層夠鬆化，大推。對於我黎講（第一次食馬介休），馬介休相對下一般。馬介休分量唔多，要單獨食個層先可以食得清楚d。馬介休魚嘅分量

未食過葡國菜，嚟到澳門試下，見隔離枱叫左個葡國雞，好大個，自己又叫嚟試下，個葡國雞外面係個大包嚟，勁香脆，加埋d葡汁食，超正，d雞好嫩滑。焗鴨飯好香，面層焗到脆卜卜，入面d飯粒粉分明，煙煙韌韌，平時無飯癮既我都食左半碟。白酒煮蜆，好有酒味，蜆肉大粒，好鮮味，超正！最後點左個tea set，依個不得了，78蚊，一大set野仲包兩杯野飲，超抵。甜品有木槺布甸，奶凍，芒果千層蛋糕，鹹點有葡撻，蒜蓉多士，咖哩角同煙三文魚餅，鹹甜點都好好味，最重要係78蚊已經有甘多野食，真係唔點唔得。

與副局長赴澳門公幹，不經不覺夜幕降臨，局長倆於氹仔街頭漫步，途經一葡國餐廳名曰波爾圖Porto，遙想當年摩連奴帶領波圖膺歐聯冠軍，現已淪為失業人士，興起今昔之嘆，遂欲入內進餐。誰知店內已滿座，門外有人等位，亦有已訂座的饕客陸續前來。侍應表示可前往分店進食，局長倆遂隨之步行一小段路前往分店。局長倆先來兩個細葡撻作為前菜，細細粒容易食，甜美可口。再來是葡式燴海鮮飯，蝦、鮮尤等與燴飯共冶一爐，香氣撲鼻，十分好吃。麵包焗葡國雞份量十足，麵包香脆非常，葡汁香濃，雞嫩滑。馬介休球則是正常之作。總括而言，餐廳食物水準高，價錢公道，局長倆大快朵頤，盡興而返。

間舖真係好多人，食飯時間黎唔訂位就要等好耐，有兩次黎澳門好想試，因為冇耐性等位而冇食到。今次終於食到啦，呢間葡國菜好抵食，份量好大，味道都唔錯。我嗌左個麵包葡國雞，個麵包好脆，但一個人食一個真係好濟。

去澳門葡菜選擇很多，不過中伏的機會都是有的。朋友選的地方，可能Open Rice的看來可以啦。價錢看來抵食，可惜食物全都麻麻地。澳門咁多野食，就咁浪費了食葡菜的quota

因為想食葡國餐聽，就搵咗澳門嘅朋友推介。嚟咗呢間被譽為澳門最好味嘅葡國餐廳。氹仔呢一邊有好多唔同嘅葡國菜餐廳，呢一間都有兩間分店。都係地堡街同官也街附近所以都幾就腳。我係午餐時間嚟嘅但係冇叫到佢嘅午市套餐((Menu都冇寫我估計係因為見我哋係遊客特登收埋雖然我覺得咁樣做唔係幾好不過唔緊要因為今次都係志在食葡國菜呢一度裝修冇話特別葡國風味濃厚，但係嘢食都幾好味牛肋骨呢一道應該唔係有名嘅葡國菜但係整得都幾好味而且牛味相當濃對比起香港牛仔骨嗰啲呢一道菜都易啲咬，唔會話黐實晒條骨haha麵包雞熱辣辣食嗰陣真係好好味，但係個麵包開得太淺而且得好少雞。。。一來唔會食得晒個麵包二來咁樣睇起嚟都幾貴焗鴨飯雖然我覺得都係稍為乾咗少少，但係鴨味都幾夠而且鋪左脆卜卜喺面，香得來有啲咬口酥皮馬介休薯球呢一道菜仲加咗芝士，三樣魔鬼食材拼埋一齊真係超級好味！不過應該好肥haha如果冇買芫荽就Perfect！酥皮係食得出用勁多油去做，好鬆好香！加埋芝士成件事唔會話太乾六個人分兩大嚿，份量都足夠！乳豬釀飯以推介菜式來講我就有啲失望只係鋪咗乳豬個西炒飯，而且個飯唔係特別好味乳豬都燒得幾好但係真係太肥，食唔到肥膏嘅人應該