10
6
0
電話號碼
+853 63612723
開飯介紹
採用來自公平貿易食材的cafe。米飯特別選用曾榮獲「世界最好大米奬」的柬埔寨有機公平貿易香米。 繼續閱讀
營業時間
今日營業
12:00 - 20:00
星期一
全日休息
星期二至日
12:00 - 20:00
公眾假期
全日休息
付款方式
Visa Master 現金
其他資料
Wi-Fi
加一服務費
食評 (17)
等級4 2018-03-19
1638 瀏覽
澳門搵食從來都不是難事,只要再努力點爬文看看相片,食評就會搵到想食既野!聽聞此店的甜品出色,一於試試!有個pancaĸe話係期間限定~但我去到都無既,要上前問問員工佢先拎個餐牌比我,幸好有問,因為就是衝著它而來喔.👉🏻紫薯軟心厚Pancake•厚身的「熱香餅」淋上鮮紫色的醬!就這點已經想吃了!切下去,感受到Pancake十分鬆軟,紫薯醬隨即流下來「軟心」香甜濃郁!充滿「紫薯味」配以自家製「紫薯雪糕」來吃,一熱一冷,確是不錯一放入口Pancake就融化在口中!好邪惡呀讓我放肆一下吧 雖然係有d甜既另外再點了個👉🏻美式早午餐,!有7樣野係入面(車厘茄,炒蛋,煙肉,多士,香腸,沙律,炒蘑菇)炒得嫩滑的蛋食落特別滿足,其實呢個就普通既,但係個舒服環境食可以加加分如問我澳門有何好介紹可以試試呢間舒服又有格調的Cafe放鬆一下 繼續閱讀
(以上食評乃用戶個人意見 , 並不代表OpenRice之觀點。)
等級3 2017-12-11
1192 瀏覽
旅程第二日起身來個Brunch地點來講坐巴士於鏡湖醫院附近落行3分鐘就到了來到時差不多12:00都已經要等位了尚幸只等左10分鐘就可入座 店內應該係有兩層被安排坐靠近樓梯的二人位由於見BAGEL的份量都幾大我地都係決定叫兩份意粉 蒜香橄欖油辣椒意粉因為唔算太餓特意點了這道簡單意粉簡單的意粉沒太多配料反而試得出水準意粉仍夠硬身不會過淋身加上少許碎辣椒乾辣道足夠醒胃蒜粒加上橄欖油香氣十足 煙三文魚檸檬汁意粉由於加左檸檬汁令整道意粉有少少酸味味提昇新鮮感亦無咁HEAVY煙三文魚份量足而新鮮 呢間小店食物水準不錯值得一試的 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-04
912 瀏覽
鐵Pan厚燒熱香餅配雪糕(抹茶紅豆味)都算有點運氣 黎到樂點吾洗等位快快手叫左依個鐵板pancake食先😳鐵板放住厚厚既班戟 頂層仲有一球雪糕望落真係冇咩特別原來焦點就係嗰一細樽抺茶醬☺️店員仲提吾好掛住影😂 我地要趁熱落醬😛班戟食落好濃抺茶味 而且夠鬆軟配埋雪糕 一凍一熱😌 爽!👍🏻-煙三文魚牛油果貝果樂點咖啡手工貝果果然冇令人失望😛貝果包煙煙韌韌 並冇塗任何牛油配合咸咸地既煙三文魚👍🏻但略嫌牛油果未熟透 可以再淋d😂 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-30
1153 瀏覽
朋友問我澳門下午茶時段有何好介紹。其實除了往茶記食豬扒包外,選擇真係唔少。好似在渡船街一帶近年多了很多cafe、茶館及餅店,選擇多之餘食物亦有驚喜。最近便幫襯了呢間The Joy of Living Cafe,感覺水準唔錯。當天吃了一個炒蛋磨菇bagel及有檸檬草的花茶。Bagel屬於有咬口的一種,配上炒得嫩滑的蛋和磨菇,簡約得來卻又令人吃得滿足。聽聞此店的甜品更出色,但當天不想吃甜,無緣印證。不過看隔離左右都點甜點,應該有一定實力吧。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-27
2000 瀏覽
過去嘅週五、六去左澳門兩日一夜,主要都係食為主。第一餐我地揀左去樂點咖啡,都幾多人介紹佢地嘅pancake、甜品。餐廳位置不少,仲有2樓,裝潢簡約。午飯時間客人都陸續增加,以本地人為主。定價挺高,平日都冇套餐提供。 旁邊有兩位學生,消費能力真高。由於我地已經食過早餐先上船,所以只係點左一客飯、一客甜品、兩杯飲品。沖繩塔可飯 Taco rice $64塔可飯有菜有肉,賣相唔錯。材料有生菜、牛油果、蕃茄、太陽蛋、粟米片、芝士、肉醬、牛肉、豬肉,非常豐富。飯類只有兩款,見比較多人會點呢份,確實見到意粉類嘅賣相較普通。隻蛋幾靚仔!(我見隔離學生哥隻蛋,有表情好可愛嘅蛋黃哥)將碟飯撈勻左係有少少核突,但味道不錯。份量適中,有蔬菜、豬牛肉,有菜有肉,幾健康。食落主要就係肉醬味,芝士味唔濃,配粟米片原來幾好食,不過略嫌飯唔夠熱辣辣。飲品嘅選擇都唔少,有咖啡、拿鐵、朱古力、壺裝果粒茶、梳打、冰果茶、花茶。綜合鮮果冰茶 $38水果茶比較一般,可能因為只係幾十蚊,用隻普通杯,加幾粒切細嘅果粒。我覺得hea左啲,味道當然都係一般,唔會太甜,但冇乜果味。你問我,就38蚊都嫌貴左少少。香蕉朱古力 $38香蕉朱古力嘅賣相唔錯喔!凍飲都照樣有小拉花。朱古力味濃,甜度剛好,可惜幾乎飲唔到任何香蕉味。但比起水果茶,呢杯起碼有個拉花睇下。一心黎食甜品,當然不能錯過。本來想點大部分人食嘅雪糕配熱香餅,但見到有幾款「期間限定」,又俾呢幾個字吸引去。焦糖烤布丁芝士熱香餅 $70上層係焦糖烤布丁,下層係芝士熱香餅。雖然價錢唔平,但賣相不俗布丁滑溜,質地挺身,蛋香濃郁,配合面頭嘅焦糖醬食,甜度適中。底層係芝士熱香餅,同我地食開嘅pancake唔同,比較接近蛋糕,蛋糕軟綿綿。中間嘅芝士細滑,唯味道係淡芝士,唔會蓋過布丁嘅風頭。整塊食都會嚐到唔同嘅層次。不過老實講,價錢偏貴,幸好味道不錯。睇到呢度,其實兩個人黎食餐飯,如果一人一碟,加兩杯飲品,再食埋甜品,冇三百蚊係落唔到樓的所以點解大部分香港人慕名黎都係share一份甜品就算。見到凍櫃有一杯杯嘅焦糖吉士布丁,size比較迷你,我地都仲食得落,加上見到只係5蚊,試一杯。焦糖吉士布丁 $55蚊,細細杯,如果飯後食唔落一整份甜品,點一個迷你版布丁不錯呢!焦糖層燒得非常脆,微焦,厚身。布丁質地creamy,跟以上嘅布丁熱香餅截然不同。相比之下,呢個更甜一點,幾口食哂,幾蚊雞可以一試。整體而言,樂點咖啡嘅質素不俗,唯價錢稍貴。服務都相當唔錯,店員眼見我地飲品飲完,都主動遞上清水,夠醒目!下次黎的話,會主力食甜品。 繼續閱讀
(以上食評乃用戶個人意見 , 並不代表OpenRice之觀點。)