48
12
10
所有分店 (3)
電話號碼
28921152
開飯介紹
豆味甚重的豆腐花非常幼滑,配自家製的薑汁糖水,無需另加黃糖。 繼續閱讀
獎項殊榮
米芝蓮街頭小食 (2017-19)
營業時間
今日營業
08:00 - 18:30
星期一至日
08:00 - 18:30
付款方式
現金
食評 (73)
等級3 2019-06-07
491 瀏覽
Fatbrown 朋友介紹,黎澳門必依的豆腐花-榮記豆腐麵食連鋪頂名都有豆腐兩字,可想而知豆腐絕義系榮記的主打招牌菜之一既然係咁,Fatbrown 一於點曬兩樣豆製成品黎試<豆腐花$8.5>行左成日真係好熱,Fatbrown 諗都唔駛諗就嗌咗一個凍豆腐花黎解暑凍豆腐花上嗰陣已經加咗糖水,唔使再特登調味,喺炎炎夏日黎口凍冰冰嘅豆腐花真係好爽豆腐味唔算好重,但係勝在夠凍,消暑一流不過味道真係同香港差唔多<豆漿$8>豆漿都係嗌左杯凍嘅,天氣熱嘛豆漿比起豆腐花豆味重得多,少甜幾清爽兩者比起豆漿好飲得多 繼續閱讀
(以上食評乃用戶個人意見 , 並不代表OpenRice之觀點。)
等級3 2018-08-16
1529 瀏覽
澳門事件簿(4)👨‍🍳澳門第四站,本尊就同朋友去到依間試食豆腐花,本尊一向好鍾意食,所以都期待左好耐🤤多啦😎果然無令人失望,依間的熱豆腐花真係好滑,同好有豆味,而本身都好夠甜,所以連黃糖都唔需要加落去👍朋友食個個就係凍的豆腐花,適逢夏天,佢地話食碗就啱啱好,可以幫助消暑😎仲有淡淡的花奶甜味,就唔會覺得太甜同膩👍熱的就平5毫子,只係$7.5,凍的都只係$8,真係又平又抵食,係好值得推薦俾大家😎仲有我地黎個陣都見到有人會買個到的餸返去食,所以下一次有機會都不妨試下佢其他野食啦😆多啦~ 繼續閱讀
(以上食評乃用戶個人意見 , 並不代表OpenRice之觀點。)
等級3 2018-04-21
1741 瀏覽
舖頭位於大三巴左近,都預左係做遊客生意,但諗住攞得米芝蓮應該唔會咁離譜啦~點知都中招,又或者係我唔識欣賞啩。位置好偏僻,舖頭好細,所以要搭枱,同埋侍應會喺你一入舖就企喺隔離問你想食咩 (好有香港澳牛feel)問題並唔係出於食物方面,明碼實價,餐牌喺牆及枱面,麵食廿幾蚊起,全餐淨餸小$50,中$9x,大$148。由於我比較貪心想試多啲款式,就叫左個細全餐。。。咁豆腐係招牌貨,又真係夠滑嘅。。。其他餸就一般啦…不過價錢唔貴所以都接受到。問題出於哪呢?就係飲品啦…本來我想叫支裝維他奶,咁侍應話有,有豆奶。。。咁我以為一樣,到上枱佢話先話只得自家製豆奶。咁我覺得算啦~差唔多啫。飲落冇豆味,同超市賣嘅pre~pack裝冇分別。。。都算啦。一直佢都冇俾單我,都算,可能見太多人搭枱唔夠位啫。。。點知到埋單,先知支豆奶要$24支。。。貴過所有飲品包括支裝啤酒。再望下個餐牌,豆奶係蓋住嘅,咪即係明呃遊客?但我都算半個當地人呀~怪就怪自己冇問清楚豆奶幾錢同問佢地攞單,奉勸大家想試就要留意啦 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-08
1225 瀏覽
2日澳門遊食食團去到第2朝一離開酒,就係要去醫肚,由於天氣開始熱所以無揀去食粥,去食榮記豆腐麵食個早餐,幫個胃做早操,先叫個炸排骨麵 個麵夠爽口又無鹼水味,排骨又炸得好透味道剛剛好,再來個魚片麵個魚片一嚟到一塊塊係圓型覺得怪怪地,點知一食落口就覺得好好味真係估佢唔到個魚片炸咗又夠彈牙,仲叫多個白灼鵝腸,佢落咗麻油同少少豉油好爽呀又無肥膏嚟到又點可以唔叫個豆漿飲吓,不單止夠豆香味仲飲得出係自家制嘅感覺 繼續閱讀
(以上食評乃用戶個人意見 , 並不代表OpenRice之觀點。)
榮記荳腐麵食又係一間遠離旅遊景點嘅一間店舖, 不過都係行遠少少就到!呢間一聽個名就知道係主打食豆腐架啦! 所以我地嗌咗個荳腐麵🍜 初時見到荳腐麵呢樣野真係覺得冇乜興趣...因為俾我嘅感覺好齋而且我自己都識整😂 但見咁多人食就俾次機會佢啦🤓 食第一啖,覺得啲麵幾彈牙而且冇梘水味, 之後再咬啖豆腐, 好香滑, 咁樣我諗屋企應該整唔到🤣 另外黎得呢度一定要食豆腐花啦~呢度嘅豆腐花已經落埋糖水架喇, 唔洗自己加。但你又唔洗擔心佢落得太重手, 因為我覺得個甜度啱啱好! 食落去豆味一樣咁香濃, 口感幼滑, 滑到可以自己跣入喉嚨到👍🏼呢間啲職員係我喺澳門咁多間茶餐廳入面最好服務同笑容嘅一間! 繼續閱讀
(以上食評乃用戶個人意見 , 並不代表OpenRice之觀點。)