1
0
0
電話號碼
+853 28968246
營業時間
今日營業
07:00 - 14:00
星期一至日
07:00 - 14:00
以上資料只供參考, 請與餐廳確認詳情
響澳門成年, 終於回歸香港, 呢篇似乎係我澳門食評最後一篇了! 趁最後一日訓唔著, 行下主教山, 食下豬扒包, 飲下澳門特色奶茶作結...落山後到下環街, 有間疑似新開的食店, 估唔到最後也能發掘新食店, 睇番openrice先知原來係重新裝修... 不過真係好細間, 樓上還有少許雅座...食物種類真係冇驚喜, 樣樣都好平淡, 即係睇完餐牌都唔知食乜好.... 我想飲澳門特色奶茶, 即係有d攪作, 本來諗住係有茶隔果d自沖, 可惜泉記已收爐, 東泰又收爐, 見呢度都有個壼先入黎架喳! 不過原來落單要講明要壼, 否則就沖好畀你, 但阿姐服務好好, 拎番杯奶茶入去, 換個有壼自油版畀我玩, 超讚... 咁細個壼兩包茶包, 諗住好濃啦! 我都浸左好耐先沖, 但奇怪的是無乜茶味, 奶太多了! 沖完出黎色水都好白.... 豬扒包反而有驚喜, 硬包好軟墊, 一d都唔會覺得乾硬, 而豬扒係有L骨果隻, 係麻煩, 但反而我鍾意, 這樣才更覺係豬扒包! 豬扒厚身得黎嫩滑, 唔係濃味醃法狂炸, 有少許黑椒, 豬扒本身既味更加突出, 呢個包真係為我澳門既生活畫上完美既句號...
繼續閱讀
您可能會有興趣的...