杏香園

營業中

休息中

馬蹄沙是好美的，不太甜兼足料，馬蹄粒粒夠多，加上香港冇得食，真係值得一試，馬蹄沙配搭其他（芒果，蛋白，etc )都好味，不過要有心裡準備要排長龍（起碼半小時以上，我哋晚飯後去）但係舖頭門口嘅一條長龍，一行人決定嗌外賣，等到門口嗰條長路都請晒，我哋都未等到外賣⋯⋯經歷三催四請之後，外賣終於喺等左一個鐘之後出現，最激氣呀喺門口條龍都已經清晒我哋個糖水都未出現⋯⋯伙計解釋係因為熱嘅係要特登整熱，所以叫熱嘅朋友要有心理準備要會耐啲時間⋯⋯

每次去澳門，必會精選甜品店試試，今次試試杏香園。杏香園位於遊客區清平直街附近，很容易找到。坐下來後，我們望着餐牌，發現原來有很多選擇，有杏仁系列、合桃系列、馬蹄沙系列和鮮椰汁系列，花多眼亂，每樣都很吸引，每樣都很想試，選擇困難症又發作了！最後，我點了著名的蛋白杏仁茶，杏仁味果然非常突出，杏仁茶清香幼滑，帶少少杏仁微粒，加上蛋白，吃起來有咬口。友人點了椰汁西米龍眼雪糕，果然真材實料，椰汁味香濃，龍眼肉不只數粒，配以清香的雲呢拿雪糕，清甜而不膩。下次再來試試其他甜品。

之前每次來澳門都是一日來，來去怱怱，今次終於可以有時間再次品嚐杏香園糖水，飯後慢步來到熟悉的街道，好彩時間尚早，一到店舖便有位不用多等。 雖然甜品糖水價錢略為貴點點，但是馬蹄沙永遠無得輸必食之選，每次食都是回味無窮，味道沒有變，今次在澳門住上一晚，跟老公二人堂食後還外賣回酒店品嚐，真的超正

一行三人食飽飯想食甜野朋友就提議試下杏香園平日十點去到 舖內有三四枱人姐姐們好快就問我地食咩餐牌全部都係字 無圖片真係好傳統既感覺有小小似九龍城某出名x成糖水店咁連價錢都差唔多我揀左白果合桃糊合桃糊好滑 重合桃味白果食落有小小"gip"口老公揀左雪耳湯丸(湯丸只有白芝蔴)老公話偏甜 我食左粒湯丸 都幾香芝蔴味友人揀左雪糕椰‘汁涼粉中式糖水店揀西式糖水唔難食已經偷笑～～一試無妨 再試就免了

杏香園於澳門頗有名氣，是一家逾半世紀歷史的老字號，以傳統廣東養生糖水聞名，一直備受好評，所以特地帶外國回來的朋友品嚐一下。除供應傳統糖水，還有不少創新食品，逾六十款各式各樣的甜品，令人目不暇給，不知道該從如何下手。椰汁合桃糊 ($36)合桃糊屬熱門招牌甜品之一，濃稠適中，入口非常幼滑，充滿濃郁合桃香氣。嚐起來香滑細緻，綿蜜順口，口感使人回味無窮。蓮子杏仁茶 ($36)杏仁茶亦是招牌糖水之一，杏仁茶錦滑濃郁，香甜不膩；蓮子已去蓮芯，煮得鬆棉軟腍入口即化，醇厚美味。

完美嘅一日點會少得糖水。今次嚟到澳門食埋糖水先走！一睇到個餐廳格局就知道係老字號。friend話合挑可以補腦。今日用得太多腦筋，就食椰汁杏仁合桃糊補一補！賣相都預咗係一般食落去好香甜，椰汁味適中唔覆蓋咗其他味道。之前食啲杏仁糊有啲粉味，但係呢個食落去好清甜。食落去仲食到啲果仁渣，真係真材實料。overall 推价必吃！location 方便，附近有多手信買，食完買手信，再去唔知點解香港人去澳門點都會去嘅大三巴，跟主返香港一流！

這家澳門老字號的甜品店：杏香園，是長輩推薦我來光顧的，主打一系列的中式傳統甜點。店舖2點半開始營業，我們這時間來到竟然都接近滿座！不只是遊客，亦有不少本地人呢。來先看看餐牌吃什麼我選了營養的合桃糊湯丸。一向都喜歡合桃糊，在中醫角度，合桃味甘、性溫，有補腎、潤腸等功效哦。這家的合桃糊相當不錯，口感順滑不膩，甜度適中，而花生餡湯圓就比較厚皮了一點。另外，點了蓮子杏仁茶，是女士滋潤養顏的佳品。有時候很怕味道太假的杏仁茶，但這裡的完全沒有，很易入口！蓮子亦好好吃！價錢可能稍高，但感覺真材實料，我們很滿意呢

杏仁茶好味！里面的莲子炖的苏，杏仁甜甜糯糯的很好吃有机会下次都要再来喝一次！50年老店来的，值得试下的店铺！清平戏院边转身就是，还没影相片就已经吃光光了。好想喝第二碗

過大海，吃貨怎能不把握黃金機會，食番夠本呢？窮遊價密食掃街，1日吃足10間。全部人均消費$100有找，包括米芝蓮、人氣店！想起都爽歪歪，尤其是，人見人愛的甜品～3. 滋補特種糖水（推介度：4/5）傳統中式糖水店，有過百款配搭，小心選擇困難症發作。除了大路乜乜糊，還找到了意想不到的罕見款式呢～杏仁茶雪耳 (MOP$37)杏仁茶夠香滑，加上軟腍的「窮人燕窩」雪耳，健康又滋補美顏。竹笙龍眼鮮椰汁馬蹄沙 (MOP$52)大湯碗勁量裝，相信一人獨食夠當正餐。配料多多，真材實料。組合少見，不止滿滿的馬蹄顆粒，連竹笙都有呢～味道清甜，好特別！坐著茶餐廳式卡位吃，懷舊風味十足。

我倆收到一隻巨型裹蒸糭作中秋賀禮，細問下原來是澳門老字號甜品杏香園出品。滾水烚半個鐘，切開後發現足料異常，最少雙蛋黃，再加三四粒巨瑤柱，金華火腿，肥瘦豬肉，栗子，不在話下。細嚐下糯米綠豆不鬆散且軟糯，蛋黃鹹香油多，夾上肥豬肉再搭上糯米入口那邪惡油香既實在又滿足，糭子極巨夠兩個人吃，飽哂。上網一看發現原來杏香園裹蒸糭極出名，而且出名貴，一分錢一分貨怪不得了！很美味，但更重要是有人願意澳門買舊大石頭回來給你，那份心 意才更重更美！

早前男朋友去這附近買零食給我，留意到這家舊舊Feel的老店就說要帶我來試試，好吧～ 反正也要到這邊買伴手禮回去！！光看門口會覺得它的甜點都是以養顏 健康為主～說實話，新馬路這的旅客區我真的很怕，不是怕人潮啦 而是 它們的價格你看...這普通的甜點也可以賣到MOP 3-5X多的看完價格，是有點嚇倒啦！？不過也選了款來嚐嚐，平日的下午人客不多大多都是旅客，當中也有些在地人裝潢仿佛停留在90年代最近也發現到澳門還有許多這樣的地方，或是一些舊建築幸好有保留下來讓我也能看到雪糕 椰汁 西米 紅豆 涼粉粒 MOP50哇哈哈，這樣的名字！！都已經知道待會會吃到些什麼啦一大盤的甜點，賣相雖然普普但在澳門買雪糕真的很貴，說特價也不算便宜所以它有一大球也算這樣啦軟腍中還帶韌性的西米，香濃的椰汁涼粉粒粒爽滑有彈性 帶著淡淡甘香微苦當中的紅豆也做得不錯，飽滿而甜美份量也不少，2個人分享來得剛剛好呢另外有竹笙做的中式甜品，不知味道會是如何但以此價格，再訪的機會不高杏香園新馬路清平街13號 

每次去澳門必食，但可能係最後一次.........因為實在太貴，一加就加九蚊，三＋幾個巴仙.........紅豆依舊大粒，椰子雪糕無以前咁香濃，失望..........佢個椰子雪糕 (加一球) 仲貴過HD.....無特別，都係嗰句: 椰子雪糕無以前咁香濃，失望..........友人嘅.................題外話: 裹蒸粽由四瑤柱變三瑤柱，三黄變兩黄，價錢不減反加..........

吃畢碗仔翅，另一宵夜就是到杏香園吃糖水~我選了蓮子白果合桃糊($3x)，內裡有好多好大粒的白果，不過合桃糊唔係好糊咋喎，雖然唔係好甜，但亦無乜合桃味，要收成三十多元一碗，真係超貴lor，澳門近年既物價增加好多，我還是多多留港消費好了家人選的蓮子白果杏仁茶，都話收成三十幾元，真係貴，老闆就發達啦

剛食完三元的金銀丸粥，就過來食甜品，記憶中是十年前食過一次，當時的留下的印象是貴得來好好食!!今次再臨，給我的印象也是一樣，干甜品平均要$30以上，之前食碗粥都只不過是MOP$24，但貴得來是抵得的，用料靚，味道出眾，難怪多年來賣得貴仍然有很多人去食。當然我地點了2個糖水白果蓮子杏仁糊 MOP$36白果同蓮子都勁多，而且大大粒、食落又沒有白果的苦澀味，蓮子也是十分出色，相反杏仁糊的味道就給配角搶過了，是食得出杏仁味但不是很濃的那種。龍眼馬蹄沙 MOP$35龍眼大粒又好食，反而馬蹄沙感覺上比起十年前失色了，是因為馬蹄唔夠多嗎?本能上覺得馬蹄的量應該會再多D的，因為此品稱為馬蹄沙，不是應該馬蹄多得像沙一樣嗎?此品現在只能稱為馬蹄露，是加入了馬蹄粉開出來的感覺，不過整體上是OK的。雖然埋單MOP$81，但都覺得會再來食，因為真係好食，下次會試下紅豆沙，同埋我地食熱的糖水，佢地會把糖水加入配料再煲熱才奉客，我覺得這樣做十分好，我可以食到熱熱的糖水，而非一早煲好「慶」住的糖水!!

媽子預印左阿穌介紹的餐廳LIST過澳門，一早預左搵呢間糠水店試下～一睇餐牌，每一樣糖水都要＄３０幾以上。心諗：好貴喎～不過，去旅行呢Ｄ位都一定會試架啦～我叫左［蛋白杏仁茶］：好清新，唔會好假既杏仁油味，蛋白仲好多添～媽子叫左［蓮子合桃糊］：好香，唔係死甜。妹子叫左［付足白果糖水］：成個碗底都係白果。好足料！老公叫左［雪糕涼粉］：ＯＫ啦～（老公話）