新鴻發咖啡美食

營業中

休息中

澳門美食真在太多，豬扒包是必食之選，試了網上大推的「新鴻發美食」，它作為澳門的快餐名店，食物有著澳門特色的飲食文化！豬扒包$23.5豬扒包的麵包外皮烤得恰到好處，呈現出金黃色的光澤，但偏向結實！而豬扒則打成大薄片，豬扒帶有輕微的香料的調味！牛腩米粉$27牛腩米粉的湯色清澈但有牛肉熬煮後的香氣，牛腩經過燉煮，肉質依然煙韌有咬口，米粉長時間保持的彈性，吃上去滑順不糊口。牛腩塊和米粉在湯中交織，上面撒上蔥花，增加了色彩和香氣。

老馮澳門之旅之一日九餐第一站：新鴻發咖啡美食整體分數：7/10第一站緣故特別肚餓，但好彩夠早去一入去就有位！都好多本地人幫襯食早餐，三個人點咗三樣嘢，本身我最期待食乾炒牛通同埋菠蘿豬扒包，原本冇諗過要厚西多士，但出乎意料好食，推薦食乾炒牛肉炒通粉同厚西多士，乾炒牛河而家睇返相都見到好油（食得唔理咁多）但炒通粉嘅配搭喺香港少見，幾有鑊氣好食！菠蘿包煎蛋芝士豬扒包最失望，麵包唔夠新鮮好食，豬扒太薄🥹有少少覺得浪費咗個肚

-見到好多人都介紹這間澳門茶餐廳，今次去其中一間分店👅-牛肉炒通粉🐮($40)牛肉和通粉份量都足夠，炒到好有鑊氣🤤通粉都幾有咬口，不會煮到好淋身🤩而牛肉嫩滑好惹味😎-法蘭西多士 ($28.5)見到巨型西多士真係「嘩」出聲，真係好大件西多士🤡未食睇見都覺得好飽肚😅西多士上面有溶化中的牛油🧈西多士炸到好金黃色，食果陣加左好多好多糖漿咬一啖好酥脆，食落不會好油膩，而且好鬆軟😘不錯👍幾有gimmick要搵多啲朋友一齊分享邪惡😆-Name🏠：新鴻發咖啡美食Location📌:澳門賈伯樂提督街55號富明樓A號價錢💰:法蘭西多士 ($28.5) ，牛肉炒通粉($40)

成日見朋友嚟澳門食炒牛肉通，今次嚟澳門就試吓😋🔸法蘭西多士🟧西多士一上枱😧 個size真係巨大到有啲嚇親🤣 淨係厚度同size已經贏咗😜 原來西多士都係呢度嘅名物。表面炸到好似金磚咁，多士面塊牛油好邪惡🤤 拮幾下等佢溶落去，一切落去多士超鬆軟！落埋糖漿確真係一流🤤 食咗一半已經好飽🤭🔸 牛肉炒通粉🐮原來牛肉唔一定配炒河，炒通粉都可以好夾🤭 通粉炒得唔會過淋能夠保持彈性，仲幾入味。牛肉亦炒得啱啱好唔會過老，但我更喜歡裡面嘅配角炒洋蔥🧅 炒得好香又惹味🤭 不過可能太有鑊氣，會食到有少少鑊燶味🫢環境係舊式茶記，如果二人去嘅話好大機會要搭枱。

呢間澳門嘅茶餐廳一向係香港都好出名，尤其係個牛肉炒通粉🥩！今次嚟澳門最終可以試一試佢😍🥩牛肉炒通粉（$40）牛肉份量唔算太多，但味道好好，亦都好淋，唔會有好大陣嘅生粉味👍而通心粉就整得好煙韌同陣牙，亦好入味😍而佢仲附上啲炒得好淋嘅洋蔥，夠晒香口☺️🍞豬扒芝士菠蘿包（$32）菠蘿包個皮食落好脆！而佢嘅豬扒咬落亦都唔會好難咬，食落同芝士同滑蛋好夾☺️📍 新鴻發咖啡美食 (高士德)高士德賈伯樂提督街55A號地舖評分：⭐️⭐️⭐️⭐️/5人均消費💰：~$35

本身就想試附近嗰間阿華田西多點知休息哈哈天意咁啱都唔使排隊就入去試吓食緊嘅時候出邊已經排緊10幾個人😉超巨大西多士$28.5咁大嚿但係炸到啱啱好好均勻你睇都係唔會有好多油吸到入塊包道炸得係好靚，麵包係好鬆軟嘅但係冇乜雞蛋香味，而且花生醬太薄啦都食唔出不過呢個樣打卡就一流啦！炒牛肉意粉今次冇揀通心粉，因為意粉更加難炒個樣好靚仔牛肉非常多，好重鑊氣好香口味道啱啱好唔會太鹹熱奶茶非常極度有驚喜冇諗過會有好香濃嘅茶味同好滑好厚一啲澀味都冇唔落糖都好好飲飲到真正嘅茶香奶滑極度高分呀！現階段可以飲到嘅奶茶入邊嚟講佢係最好飲本身都冇抱好大嘅期望去呢間舖頭雖然上菜慢啲嘅而且成日上錯枱好搞笑😆但係咁旺人氣嘅打卡店食物質素可以保持得咁好，真係值得一讚其實食物類型嚟講就唔係特別，但係而家食到一間有質素嘅真係好難🫶🏻食物質素高，價錢非常平，一定會再嚟😊

上個禮拜忙完一輪,就同班frd快閃澳門🇲🇴暫時嗰兩日要忘記減肥 食返兩日先😝上網見個個foodie都有食呢間,炒牛通同西多仲好出名咁 一於試試佢🤫佢嘅裝修係傳統舊冰室嘅裝修, 門口亦都有麵包櫃賣好多舊式麵包, 整體氛圍不錯🥩牛肉炒通粉 $40見到枱枱基本上都有呢一個炒通粉～牛肉味道正常 份量幾多～佢哋最值得一讚嘅就係通粉炒得好彈牙煙韌🤤乾身唔油膩, 同幾個朋友一人幾啖, 好快就清晒, 果然係其中一個澳門名物‼️味道: 8.9/10CP值: 8.7/10🥩法蘭西多士 $28.5呢個西多士真係超厚😱係平時嘅2倍以上～超震撼 鬆軟嘅厚多士入面一樣夾住花生醬🥜配住半溶嘅牛油🧈同糖漿 真係好滿足好邪惡🫣減肥中嘅我都唔理啦!!! 食咗兩舊～真係好正味道: 8.4/10CP值: 9.0/10🥩豬扒芝士菠蘿包 $32.5呢個豬扒包係我今次嚟到澳門食嘅第一個豬扒包🤩～佢特別在於combine左豬扒包和菠蘿包兩大元素一齊 入邊仲夾咗芝士🧀同煎蛋 🍳估唔到成個組合又唔錯～鹹甜鹹甜 豬扒都有肉汁不過略嫌比較薄 一場嚟到可以一試味道: 8.0/10CP值: 8.5/10🥩懷舊忌廉筒 $8呢樣食物係我從來未試過嘅～

澳門🇲🇴必食推介‼️一落船係急到要搭的士黎食同司機講去新鴻發佢話咪又係茶餐廳來來去去都係果啲我心諗：你日日有得食點同？我地每次黎得一兩日有啲野食想encore有啲野想食又太飽真係好難分配quota呢到既焗豬扒飯最想仔細講解下食後感⭐️⭐️⭐️⭐️⭐️新鮮嘅蕃茄好足料幾乎算用左原個🍅豬扒係絕對保持澳門水準先炸後焗 外脆內滑而且又細心幫你碎上蛋炒飯粒粒分明配埋蕃茄就好似食緊蕃茄炒蛋撈飯🍚有焗豬feel又有食小菜feel每次都食到好特別的薑味好令人上癮配可樂餐只係五十六元！另外再點左馳名澳門的咖喱麵澳門的麵食唔會係公仔麵而係雲吞麵果種麵條雞翼燘到超級淋又入味咖喱湯底濃厚麵底完全索晒汁💦都係賣廿九蚊！其實好想試下其他但真係放棄唔到碟焗豬呀🥹媽媽👩🏻

見好似都出名咁就黎試下3點幾去到 店入面唔多人 唔洗等位叫左炒牛通$40、炒雞扒麵$40、法蘭西西多$28.5、凍啡$15、凍鴦$15野飲到 飲落好苦 未飲過咁苦既炒通好快就到食落係香港茶記既炒牛河味但味道對比起上黎淡左D同冇咩鑊氣但個牛係算好食既至少唔會un同太淋其後炒麵同西多到原來係豉油炒麵 都係味唔濃 但雞扒好食既想要甜醬 點知佢地冇 可能佢地唔會落甜醬食炒麵淨叫銀芽炒麵$36雞扒多$4西多除左厚之外冇咩特別個人認為入面可以搽多D花生醬就好啦應該都叫抵食🤨

趁過去澳門睇演唱會，去左ig人氣好勁既新鴻發醫肚。係大三巴出發要行10分鐘左右，下午茶時間都唔需要排好耐法蘭西多士唯一一個覺得係好食既就係西多士😅比起出面既西多士，佢係超巨形。中間夾左花生醬，唔會太寡。可惜佢只有糖漿揀，如果可以揀煉奶就最好喇。豬扒芝士菠蘿包一上枱有d失望，因為望落去就知菠蘿皮淋哂唔脆。豬排係薄身，唔會太難咬。加左＄5要芝士，但係豬排同菠蘿包既夾擊下冇咩存在感😮‍💨沙丹豬排炒通粉如果叫左豬排菠蘿包就最好叫牛肉，因為豬排既味道係一樣。通炒食落好有大家所講既鑊氣，但個人覺得係燶味同太油。🤫🤫朋友都一致認為燴意粉比炒通粉好食。整體黎講，味道係普通荼餐廳。朝聖既時侯唔會抱太高期望😅😅

去到馬交搵馬交文，個個都鍾意排新鴻發，唔通我又鍾意排咩？我去開嗰間係寶翠分店（船澳街寶翠花園利明閣），第一：相對冇咁淪陷、擠提感覺相對較少、第二：地方大啲舒服啲、第三：食物質素一樣早餐時間陀地居多，來一個乾炒雞扒通熱身一下、冇錯、唔需要等到11點後供應、早餐都有、鑊氣依舊十足、濃濃豉油味瀰漫着茅台的醬香（你當我是浮誇吧、笑）、用上脹卜卜有坑紋的通心粉，充滿誠意，意猶未盡再來一個豬扒炒蛋加芝士菠蘿包、鹹甜互相衝擊，加上溶化了的卡夫芝士、比起一星期最少五日食蛋白、番茄、希臘乳酪，我今次真係身體健康、下一站鏡湖醫院唔該（笑）

上網見太多人介紹呢間餐廳遊澳專登過嚟試有幾猛😆星期六11點到表示唔需要排隊但所謂嘅唔使排隊係我地入完去就滿座餐廳內都比較逼迫 多數要同人搭枱點餐後5分鐘左右就有食物開始到.干免治牛肉炒通粉+蛋 ($45+$3)第一次見炒通粉 似干炒牛河 好有鑊氣！通粉色水唔差 每一粒都好彈牙唔會淋牛肉爽口且數量多 加埋蛋一齊食更昇華🤤唔怪之得網上熱烈推薦 記得一定要加蛋‼️.豬扒芝士菠蘿包 ($32.5)賣相唔算吸引 食落好夾有驚喜 Share食啱啱好豬扒係薄切 咬落唔會韌 菠蘿包唔係新鮮出爐食落菠蘿皮都仲脆卜卜 但包就唔算鬆軟連埋豬扒 | 炒蛋 | 芝士一齊食口感豐富好滿足.法蘭西多士 ($28.5)一上枱有嚇親 真係好厚好巨大😳新鮮出爐好香 外脆內軟 內裡薄薄一層花生醬加上楓糖漿 好滋味 對比其他兩款就比較普通.凍鴛鴦 ($15)味道拍得住舊式嘅港式茶餐廳飲到咖啡同茶底嘅味道 又唔會太甜.凍奶茶 ($15)茶味濃 唔係重奶 鐘意奶味重嘅我就麻麻地

法蘭西多士 $28.5黎到個視覺效果好震撼🤣西多士差唔多成杯奶茶咁高👀西多士係鬆軟嘅，加埋半溶嘅牛油同糖漿，夾埋花生醬，真係邪惡感滿滿！不過食落同普通西多士分別不大，未必會回頭。-牛肉 干炒通粉 $40⭐️呢個好好食，好食到停唔到口🤣通粉炒得唔太乾身，每一粒通粉都好完整彈牙，表面仲掛滿左醬汁。個調味做得非常好，雖然有少少濃味🤤牛肉都唔鞋，同俾得唔算少！-凍奶茶 $15⭐️嗌左凍奶茶少甜，奶味好濃，口感好順滑。呢杯有驚喜！-凍檸茶 $15嗌左凍檸茶少甜，呢杯平平無奇，唔係特別出色。-值得一提嘅係，真係好多人等位。基本上一食完店員就會即刻收碟🤣如果想坐耐D，休息下就唔推薦呢間。-⭐️為推介項目

#乜乜飲食日記 🔺適合1-4人 🔺要排隊 🔺茶餐廳速食速走格局———————————————「西多麵包厚都Keep到脆同挺，仲有兩層花生醬，西多控表示100分！！」 ———————————————🍊法蘭西多士 $28.5》蛋香、挺身四正係西多的最難做的地方，都一一恰到好處，仲要兩層都可以鬆脆，真係老茶記先做到～🍊乾炒牛通 $39大熱必食～乾炒牛通真係好少見，牛肉就炒通粉入哂味，通粉好爽身，好味！🍊豬扒芝士菠蘿包 $32.5》依個反而有少少失望，菠蘿包唔熱，芝士都唔溶，豬扒好夠味，但整體就唔算特別，寧願食多件超厚西多士。。🍊熱奶茶 $12.5》濃滑的茶記奶茶，12個半真係好抵飲！…………………………………………新鴻發美食 - 🍊賈伯樂店：高士德賈伯樂提督街55A號地舖…………………………………………#乜乜澳門 #mug4fun #乜乜吉吉 #抵食 #foodie #澳門美食 #西多士 #豬扒包 #通粉

新鴻發美食 Xin Hong Fa📍 澳門筷子基南街寶翠花園利耀閣地下439號同朋友喺澳門食嘅第一餐就係人氣高企嘅茶記新鴻發，我細細個就有食，不過一直都係去高士德嗰間，今次搭車沿路見到筷子基有分店，比較就腳，所以就同朋友入去叫咗啲嘢嚟食。 💰$28.5法蘭西多士 🍞雖然食過好多次新鴻發，但印象中好似無食過佢嘅名物法蘭西多士，帶住個遊客，當然要試一試啲熱推食物啦！個人認為呢個法蘭西多士咁受歡迎主要係有三個原因，分別係價錢平、份量大同適合打卡。先講價錢，一份咁大份嘅西多士，整叫即整，上枱時牛油仲係半溶，都只係$30有找，真係抵到爛！其次係份量，我屋企人知我哋食咗呢個西多士，笑我哋食咗成半磅麵包落肚，最得人驚嘅係佢唔係空氣麵包，麵包足料厚實，中間夾住嘅花生醬比較之下，睇落好似好薄咁，其實都唔惹小，好飽肚，食咗真係食唔落飯。最後就係佢嘅size真係非常驚人，無論就咁影定切開嚟影都夠晒吸睛！講咗咁耐，我同朋友食完覺得點呢？我哋大家都覺得如果有至少三、四個人一齊食飯，叫一個嚟share係推薦嘅。但如果好似我哋咁得兩個人食，就會食得比較吃力，去到後半部份直頭係要猜枚決定邊個食，所以唔太建議兩個人又叫