20
3
1
所有分店 (2)
電話號碼
28576382
付款方式
Visa Master 現金 八達通 銀聯 微信支付
食評 (28)
等級4 2019-06-01
1339 瀏覽
港珠澳大橋開通咗一段日子,係時候走一轉了解一下情況,今日比較得閒,決定走一趟。嘩!真係好方便,由香港口岸坐上金巴到達澳門口岸下車🚌,只是三十五分鐘,快👍🏻,車費亦只是$65,平👏🏻沒有特別計劃,只想行下食下嘢,再坐車返香港。晚飯时候,人在氹仔官也街,就地揾餐廳食飯。附近一帶有好多馳名嘅萄國餐廳🏚已試過,今次搵到一間叫波爾圖的葡國餐廳。餐廳有兩層,佈置都是葡國色彩✨✨燈光較暗。🔸麵包焗葡國雞MOP$83麵包焗得好香,脆卜卜,侍應幫忙用較剪先把麵包剪開,雞肉軟淋不嚡,麵包吸收咗d葡汁特別好食,仲有薯仔做配菜,扺食👍🏻🔸葡式燒銀雪魚MOP$138銀雪魚超肥美勁厚肉✨,大大塊,魚的表面有點焦香、肉質嫩滑,保留到魚嘅原汁原味,配菜用上蕃茄、洋蔥墊底、薯仔等,吸收晒魚嘅精華、正👍🏻,但可能是葡式菜餚,偏咸。🔸葡國薯茸青菜湯🥣MOP$30青菜配上薯蓉,湯嘅濃稠度適中,配餐包😋🔸葡國菠蘿汽水🥤MOP$22食葡餐除咗飲酒,葡國汽水絶不能少🤫平時喜歡飲熱情果,今次改飲菠蘿🍍埋單剛好MOP$300,食物質素加上侍應的禮貌服務,會下次再來👏🏻👏🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-30
1214 瀏覽
因為此次為氹仔行, 3日以嚟都留喺氹仔無去過澳門, 所以食飯及出行地點全都喺氹仔! 官也街附近好幾間葡國餐廳我都試過! 老實講, 勁貴之餘又唔特別好食! 最後喺Openrice 睇到呢間食評唔錯一於試試! 去到餐廳要等位, 外藉職員好有禮貌咁叫我哋9pm 返嚟, 我哋喺門口睇定餐牌, 發覺價錢真係幾平, 選擇亦多!見食評推介 “馬介休芝士薯蓉撻” 為免太飽, 我哋2個女仔要迷你版, 男同事要個大既! 超…超…超…好食! 撻皮好鬆脆, 餡料豐富, 勁多馬介休, 好好味啊! 葡式豬耳仔沙律 $55 ~ 推! 豬耳爽脆, 成件事好清新解膩! 特別一提係呢個基本上應該係豬耳洋蔥沙律, 勁多爽甜洋蔥, 唔似醃過但係又完全唔辣, 仲好香甜, 我哋食到一條都無剩! 波爾圖炒蜆 $108 ~ 份量頗多, 醬汁濃厚幼滑, 蜆鮮甜, 不過我覺得蜆熟左少少, 友人就話剛剛好, 大家要求不同吧!薯茸青菜湯 $30 ~ 唔係我杯 “湯”! 係好飲既, 好足料, 飲到好多薯味, 不過我唔 like! 鹽燒沙甸魚 $48 ~ 呢個價錢有2大條, 勁肥美超厚肉又唔腥, 仲有 d 炸蒜粒, 超級香! 我本身唔喜愛食沙甸魚都食左半條! 唔知係咪澳門習性呢, 條魚唔劏既??? 燒牛肋骨 $98 ~ 竟然有2大條, 有陣陣炭香味, 肉質嫩滑肉汁豐富, 火喉控制得剛剛好, 食到唔停口! 連伴碟既薯角都炸得好好, 脆口唔會太爛! (之前去過一間, 價錢比呢間貴, 仲要得一條)!特色焗鴨飯 $70 ~ 飯好乾身, 好多鴨肉絲, 超香口! 面層芝士焗到好香脆 (唔係拉絲嗰種, 所以無咁油膩)! 註: 性價比超高!  繼續閱讀
(以上食評乃用戶個人意見 , 並不代表OpenRice之觀點。)
等級2 2019-07-13
99 瀏覽
尼澳門梗係要食葡國菜尼間餐廳應該都頗受好評如果唔係都唔會同一area隔幾百米就有分店野食價錢係官也街尼講算好平需知道當尼度作為遊客區食個豬扒包都要HKD 50既時候我地2個人 人均150蚊 總共嗌左4個dishes真係算相當抵食我地嗌左 馬介休球 原條葡式龍脷柳葡式鴨肉焗飯 同葡式豬頸肉其中豬頸肉超大一碟 都只係HKD 58味道亦相當唔錯抵佢咁多人幫襯 繼續閱讀
(以上食評乃用戶個人意見 , 並不代表OpenRice之觀點。)
等級2 2019-07-11
75 瀏覽
波爾圖食過無數次,亦都帶過好多朋友黎食,因為佢係我食過嘅葡菜餐廳之中,CP值最高嘅一間,佢未必係最好食,但我覺得佢最抵食!🤗今次黎到本店無晒位要等,所以去左新店食。平時我地多數會叫白酒煮蜆呀麵包雞呀葡色乳豬飯呀咁....不過今日我地轉一轉,試下佢啲扒餐,我地叫左一個西冷牛扒套餐,肉眼扒套餐,黑毛豬扒同白酒煮蜆。😋西冷牛扒餐($98)我地叫左5成熟,個西冷好有肉味好林好容易切,絕對係塊牛扒質素同廚師技巧嘅結合得黎,而吾係'拿'到佢林晒,仲要side吾細架,有埋湯飲品甜品,真心抵食!😍肉眼扒餐($138)亦係叫左5成熟,塊扒都林但薄左啲,質素無西冷咁高,食落有啲似自己屋企煎果種咁,價錢仲要貴啲,絕對係西冷扒贏佢兩條街。黑毛豬扒($138),單點並非套餐。黑毛豬叫左8成熟,塊扒好厚實,肉質好嫩好juicy,剪得剛剛好👍再加左個白酒煮蜆,個汁好有酒味好香,我地飲晒啲汁,蜆嘅份量亦吾少,隻隻都算肥美又無沙,好好食! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-06-30
161 瀏覽
開通左港珠澳大橋之後去澳門真係方便左好多,亦都便宜過搭船一大截!之前同朋友去,晚餐發現左呢間葡國菜又抵又好食!今次再帶呀媽嚟試下,不過今次我地嚟到時間係下午茶,咦!又有驚喜喎!喺出面睇睇餐牌已經見到勁抵食,呀媽都話OK就入去啦!有少少奇怪下午茶無乜人食,有少少淆底😂不過入左去 照試下啦,叫左個下午茶餐嘅黑椒牛柳絲炒意粉,味道剛剛好😳 超香濃黑椒味之餘,又唔會太辣!估唔到下午茶$45有大大碟!我地仲叫左迷你豬扒包,都係下午茶餐,$28一份兩個,所有餐都配熱飲,凍飲+$3。我另外再叫左兩個迷你馬介休薯蓉撻,呢個真係必食!!仲有好多芝士喺面,超好吃😭 繼續閱讀
(以上食評乃用戶個人意見 , 並不代表OpenRice之觀點。)