0
0
0
電話號碼
+853 65330311
營業時間
今日營業
11:30 - 22:00
星期一至日
11:30 - 22:00
*最後落單時間: 21:30
以上資料只供參考, 請與餐廳確認詳情
今日介紹呢間「掂檔」特色小店，位於雅廉訪海濤商場新開的一個美食廣場內，由門口行到最入，見到圖中車胎芝士就知無去錯地方架啦。店家主打做車胎芝士🧀撈意粉和白咖喱，當然要一嘗兩款招牌菜，現時單點野食加多$15會有多個沙律和飲品。.是日餐點：招牌白咖喱秘製豬扒跟薄餅 ($42+3轉薄餅）洋蔥吞拿魚芝士撈扁意粉 ($42)跟餐 (田園沙律 + 飲品) (+$15)凍柚子蜂蜜熱蜂蜜綠茶.是日跟餐的沙律係羽衣甘藍，飲品方面超級推薦蜂蜜綠茶，甜甜地暖暖地，味道清新🥰。.先分享首圖白咖喱秘製豬扒🍛，正常一般係配飯，強烈建議加$3轉薄餅，薄餅脆卜卜又香口，配白咖喱真係幾夾，而且幾特別，平時比較少機會試到白咖喱，另外老闆娘推薦呢道秘製豬扒，係佢地自家用香茅醃製。.圖二的洋蔥吞拿魚芝士撈扁意粉，做法將煮熟意粉放入車胎芝士中撈，睇見慢慢溶化夠晒邪惡🤤，而且佢地用特級巴馬臣芝士，酒店入面見得多咁撈，美食廣場都係第一次😆。意粉即叫即撈，建議趁熱盡快享用！作為芝士愛好者🥰十分滿意，每條意粉掛汁，味道濃郁，有埋洋蔥吞拿魚配料，食落完全唔膩。.買完同層有堂食位置，又或者可以上樓上有更多座位，每一面牆身都有靚靚本土創作打卡位，實行影得又食得😋！記得最後要將餐盤放番去指定位置啊😉！
繼續閱讀
您可能會有興趣的...