1
0
0
電話號碼
+853 62822685
營業時間
今日營業
12:00 - 02:00
星期一至日
12:00 - 02:00
以上資料只供參考, 請與餐廳確認詳情
話說尋日生日，又返去我嘅second home-澳門，check in 完肚仔餓餓地於是去搵嘢食先，諗到一間之前嚟到點知果日晏晝冇開嘅居酒屋，一入門口已經好似去咗日本咁充滿和風嘅裝修，好，入坐準備嗌嘢食啦！我同夫人嗌咗北海道茶漬飯、豚軟骨烏冬、和風照燒雞肉丸子、 昭和焦糖雞蛋布甸。首先嚟咗北海道茶漬飯，個飯有蟹鉗、帆立貝、同好多三文魚子，茶漬湯好香，每啖入口都有好多三文魚子，鮮甜清香，唯一係個蟹鉗解凍時間唔夠，雪味重。和風照燒雞肉丸，好香，跟一隻溫泉蛋攞嚟點雞肉丸食，首先試燒大蔥點蛋漿，已經好食到痴線，到將條雞肉丸點落蛋漿，嘩！照燒汁同蛋漿混合簡直絕配，免治雞肉入面有雞軟骨混合，好有口感，有驚喜。豚軟骨烏冬，湯底香濃，味噌味好出，豬軟骨好淋，不過下次會揀蕎麥麵，會更加好食。雞蛋布甸又係極品，佢嘅味道好似東京好出名果間老伯布甸店咁，焦糖唔係好甜而且係水質唔結，淡甜而香滑，冇得頂！絕對係下次返澳門要再食嘅餐廳。
繼續閱讀
這間日本食店，食物非常細緻，味道恍如置身在日本食，我哋本來食葡國菜，但係葡國餐廳排隊的人非常多，突然見到這間三層的古建築日本食店，就去試吓，想不到味道非常好，有如置身於日本，可以食到日本人做的細心菜式，壽司雖然要等一啲時間，但係每樣菜式都精緻，味道非常好，我哋之後去咗三次，拉麵烏冬，壽喜燒，三文魚壽司，各樣美食都非常好食，值得推介！👍👍👍😃
繼續閱讀
您可能會有興趣的...