16
2
1
坐1/10/26號巴士到司打口或由新新酒店步行5分鐘前往 繼續閱讀
電話號碼
+853 82917639
+853 28939393
開飯介紹
主要供應傳統的葡國美食,名字取自門前司打口廣場廣場二字。餐廳將葡式餐飲文化與其特色菜餚完美融合,用心保留當年的那一份葡國味道。 繼續閱讀
營業時間
今日營業
11:00 - 14:30
18:00 - 23:00
星期一
全日休息
星期二至日
11:00 - 14:30
18:00 - 23:00
付款方式
Visa Master 現金 AE 銀聯 JCB
座位數目
84
其他資料
Wi-Fi
酒精飲品
自帶酒水 詳細介紹
電話訂座
加一服務費
招牌菜
牛尾湯 白酒炒蜆 炭燒墨魚 葡式焗鴨飯 葡式薯蓉青菜湯 燒牛肋骨
食評 (19)
等級4 2019-09-18
460 瀏覽
要講澳門的葡國餐廳,我諗你應該睇都睇到厭,就算自問唔係乜嘢澳門達人,可能你都會有三四間如數家珍係個袋裡面,好似澳門的士佬一樣。我自己最愛其實都好膚淺,媽閣三寶係我必然的一個選擇,可能細細個第一次喺澳門食嘅餐廳就係船屋,有種情意結,氹仔就更加係葡國菜的集中地,睇KC介紹應該都夠你去十次食都唔重覆。相反,有間冷門一點嘅選擇,冇乜香港blogger講過,但我去過兩次,覺得水準非常不錯,也比我剛提過好的葡國餐廳平一大截,而且仲要係酒店裡面,呢間係廣場葡國餐廳。湯類選擇很多,你想叫湯,侍應第一個反應就係話:我哋呢度個湯好大碗,你可以share來飲,的確令我覺得好驚喜,好難相信呢度係一間酒店嘅餐廳。葡式薯蓉青菜湯和葡式香濃牛尾湯和朋友share來飲,薯蓉青菜啖啖足料,香濃牛尾濃到可以用來送飯,仲有件件牛尾增興。友人吃素,忌廉野菌湯和西蘭花湯都被她大讚特讚,可惜因為太多菜式關係在後面的關係不能吃到其味道。凱薩沙律絕對係大件夾抵食,樣樣都大份過人,愛沙律的朋友,必定喜歡。炸馬介休球係澳門嘅名物,呢度最好係做得不會太過油和熱氣,馬介休鹹香一流,可以用來送飯。主菜才是驚喜處處,上次吃過的葡式白酒炒蜆,隻隻鮮甜肥美,而且充滿酒香。葡式牛肋條係上次食過最深刻的一味菜式,今次還是沒有失望,燒得勁靚的牛肋條,有炭香有肉香有嚼勁,每個位置都有其美味位,完全不能抗拒的作品,當香港食一條咁嘅牛肋條起碼收你$400嘅時候,你就明呢度有幾正。欖油焗烤馬介休魚更加嘗到馬介休的鮮香,欖油的配合令其昇華到另一個層次。惹味伙頭豬扒入口個種柔軟,你完全感受到肉香,而且冇用鬆肉粉,惹味個名改得好好,如果剛才的葡式牛肋條有十分,這個實在過之而無不及,力度同樣強勁。葡國雞無得輸,滑滑雞件加上其他配菜,你就知道係飯盜,你煩惱嘅係唔知吃雞好定係配菜好。葡式咖喱牛腩,可㨂不同辣度,小辣中辣大辣任你選,選了小辣,牛腩有點大件,相對較其他失色,始終香港做咖喱牛腩出色的地方實在太多。要吃點蔬菜,蒜蓉炒西蘭花,不油不膩清新不二之選。素食的朋友也有推薦,時興新豬肉,同樣係自家製的漢堡肉,磨菇紅菜頭醬漢堡,紅菜頭醬sharp得來好有個性,舊肉又做得好,好奇嘅我試咗兩啖,絕對和街外嘅漢堡可以睇齊。甜品選擇又係又平又靚,上次已經試過,今次當然又係要掃餐牌,經典澳門甜品如木糠布甸,焦糖雞蛋布甸不在話,最搶鏡是手工牛油果雪糕和愛馥卡朵奶凍。最後,我沒有飲咖啡,反而來一杯Sangria,無辦法,來親澳門都會食食食,飲杯再為下一餐暖位,都很合理吧。可能呢個推薦同你看過之前嘅澳門葡國餐廳推介來得冷門一點,但以價錢和性價比來看,是不錯的選擇。有時,冷門都可以很精彩的。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-08
1228 瀏覽
兩天一夜的喪食澳門之旅,就由酒店的「廣場葡國餐廳」開始。有別於一般的餐廳, 除了傳統長枱之外,更有矮椅及茶几,方便客人看看書,嘆下茶,享受下午時光。餐廳一角放有足球機供客人隨便玩樂。炸馬介休球(6粒 / MOP68) 食葡國菜又點可以無馬介休呢?即叫即炸熱辣辣,外層酥脆,好味。凱撒沙律(MOP48) 用料清新爽脆,灑上芝士令味道更香,不錯的前菜。忌廉野菌湯(MOP58) 野菌味好香夠滑,喝起來有細微的野菌粒,但略嫌質感有點單薄。葡式薯蓉青菜湯(MOP48) 質感濃稠而且同樣滑溜,薯味突出,太1太黎3而幾喜歡。牛尾湯(MOP48) 畢竟自己是牛魔王,牛尾湯真材實料,原塊牛尾煮至骨肉分離毫不費力,正。橄欖油焗烤馬介休魚(MOP168) 魚肉軟熟可口,絕無過火情況,而墊底的洋蔥煮至軟稔入味,但油份似乎太多了。葡式白酒炒蜆(MOP108) 自小已喜歡蜆芥類食物,曾經試過一口氣喪食白酒煮藍貝,尤其是用麵包蘸點sauce,更是美味,今次改海蜆,肉質同樣嫩滑,但體形不及藍貝,食既時候幾花時間。波爾圖鐵鍋焗鴨飯(MOP148) 全部人都大讚,原鍋烤焗,份量好多,鴨肉及葡式肉腸好香,味道都滲入飯粒之中,而且不覺油膩,口感豐腴,真心推薦。葡式焗乳豬(例牌) 有別於廣東式的芝麻皮, 葡式乳豬皮時間稍耐便會變得較韌,所以要快食, 乳豬皮下脂肪烤得入口即化,入口充滿了油香,又真係幾好味。葡式咖哩牛腩(MOP128) 本身可以選擇辣度,從小辣到大辣中挑選了bb辣,牛腩本身瞓得好稔,咖哩汁裡有不少肉碎,所以好惹味,最啱加碗白飯一齊食。惹味斧頭豬扒(MOP238) 可說是最有驚喜的一道菜式,聽餐廳經理所說 全澳門就只有這裡有供應。斧頭豬扒份量十足,肉質鬆軟而富肉味,切起來毫不費力,但其實幾辣下,食嘅時候要小心一點, 加杯啤酒一邊食一邊飲,人間美味。Spaghetti Aglio Olio(MOP78) 個人最喜歡的一種意大利粉煮法, 簡單的用辣蒜油炒起, 若然能夠做到外層有些少 crispy,而中間有嚼口,就更加完美了。大廚基本上做到要求,若然外層能再脆口一點更好。甜品 都說過這間餐廳的性價比夠高,就連甜品都只不過由MOP23元起跳,最貴的都不到MOP40。愛馥卡朵奶凍(MOP38) 店方甜品名物,底部的奶凍,一如預期的幼滑,澆上咖啡瀰漫了芳香,置面的朱古力雪糕甘甜可口,只賣不到40蚊,也未免太划算了吧?手工牛油果雪糕(MOP38) 香甜軟滑, 雪糕面灑上些小熱情果碎,令口感更佳。焦糖雞蛋布甸(MOP23) 中規中矩,面層能夠再脆一點更好,但作價太親民,又難以挑剔。其實餐廳的午市套餐都非常抵食, 都只不過由MOP78起跳到MOP118,已經包括例湯及飲品或甜品,難怪吸引了不少街坊客。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-11
1887 瀏覽
高質素葡國餐廳哈哈 係咪以為我去左art gallery呢😎其實係澳門一間葡國餐廳菜式地道得黎, 亦不失創意, 而且每個月也有特別主題!! 感覺是有heart為客人帶來美食及新鮮感, 侍應們都好nice, 抵讚!! 場內嘅畫作都為餐廳加咗好多分😊😊當然, 食物質素仍然係最重要嘅! 炸馬介休球, 好重薯仔味, 仲炸到好香口! 茄汁香辣炒蜆, 蜆比較少用茄汁煮, 佢仲加入陣陣香辣口感, 食到唔停口!! 斧頭豬扒勁好味, 煮得剛剛好, 肉質鮮嫩多汁, 推介! 另外, 呢度嘅甜品都好正🤤🤤🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-15
2869 瀏覽
港澳米芝蓮2018發佈會於2017-11-30在澳門舉行,懶惰的我早一天已到澳門遊玩一下,去嚐嚐一些未吃過的餐廳。朋友幫我訂了司打口的新新酒店,原來呢間酒店最近翻新了,酒店外圍牆身更有一些澳門本地塗鴉藝術家畫出/弄出不同作品,非常值得欣賞的,而晚上我與朋友到此酒店一樓的廣場葡國餐廳用膳。點了前菜炸馬介休球($68)、忌廉野菌湯($58)、主菜葡式白酒炒蜆($108)、葡式燒3A牛肋骨條($318)及葡式焗乳豬(例牌$218),甜品木糠布甸($18)、焦糖雞蛋布甸($18)、香滑奶酪($18)、雪糕($38)及愛馥卡朵奶凍(Affrogato con Panna, $38)。炸馬介休球,鹹香脆口,送酒一流;忌廉野菌湯,野菌味濃,入口滑溜。主菜葡式白酒炒蜆,蜆夠鮮味,主打是汁,配上各種香料、白酒後鮮甜無比,點麵包及撈飯一絕。葡式燒3A牛肋骨條,牛肋骨外面焦香,內裏牛肋肉嫩滑,跟了一籃薯條,熱辣辣夠香脆,好快就全碟消滅了;葡式焗乳豬,好彩點了例牌,因為之前用汁食了熱辣辣的麵包同撈白飯,所以已經好飽,一人一件乳豬,皮脆肉嫩。到了女士喜歡的甜品環節,基本上五款點品全點,因為實在太抵食,五款只需$130葡幣,如果入住新新酒店,可以85折在餐廳用膳,所以真係好抵;木糠布甸夠滑又不會過甜,比起其他有名的更好食、焦糖雞蛋布甸及香滑奶酪一樣夠滑溜、而雪糕及愛馥卡朵奶凍也不過不失。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-12
1840 瀏覽
We dined at THE SQUARE PORTUGUESE RESTAURANT located in the hotel offering delicious Portuguese fare with American decor.I love Bacalhau, a must order in Macau.They were small delicious bites of mashed fish and potato in a crisp croquette that were not too salty.Next was the Kale and potato soup which was loaded with kale and the soup had a smooth consistency.The Chicken curry with spices imported from India was quite spicy.The mouth watering African chicken was also spicy but I liked the fiery chili and peanut sauce drenched on top.For desserts we shared four different ones so we could try them all.My favourite was the Serradura pudding because I love whipped cream! 繼續閱讀
(以上食評乃用戶個人意見 , 並不代表OpenRice之觀點。)