影片
以上資料只供參考, 請與餐廳確認詳情
之前同另一半到澳門路氹城觀光，都預咗喺威尼斯人入面食嘢會比較貴，奈何嗰個肚唔爭氣，最後都係選擇咗呢間帝王點心。門面氣派就一流，服務亦都幾好，入面位置非常寬敞，坐得好舒服。我同另一半就犯咗眼闊肚窄嘅錯誤，我哋兩個人叫咗非常多的食物，包括澳門特產豬扒包、蝦餃、蝦腸、燒肉、香辣牛展、椒鹽土魷以及鳳爪。我本人就冇食到個豬扒包，但係我另一半就讚賞個豬扒包味道唔錯。個人覺得大部份嘅點心味道同水準同香港接近，符合預期，但係奈何個燒肉真係太肥，基本上食唔入口。點心賣相可以參考我附上的相片。埋單超過$600 ，算係有少少貴。
繼續閱讀
有日經過威尼斯人，想搵個地方飲下菜食個包，就見到呢間，就試試佢啦。環境非常舒服，清幽。本身諗住係酒店食，應該味道一般，點知有驚喜。乾炒牛河有鑊氣，唔乾好味道。叫左幾樣野食都有水準，好味道，好有平時係傳統酒樓的風味同味道
繼續閱讀
上星期五晚又同老媽子過大海🤑 今次住威尼斯酒店，佢見到間房咁大咁靚好興奮！ 除左酒店房靚，賭場夠大，酒店內好多餐廳都有水準。 今次同媽隨心黎左依間中菜。我地點左三款美食，有雲吞麵、蝦腸粉及星州炒米！ 雲吞麵麵條幾爽身，唔會偏淋；湯底都幾清甜。 雲吞細細粒但又幾彈牙。蝦腸粉又值得一讚架！ 腸粉真係好白滑！ 鮮蝦🦐大大粒！阿媽就好欣賞個星州炒米。鑊氣夠，炒得香，又夠爽身不油！價錢唔算貴，而且金沙會卡仲有折扣呢食飽飽，差好電，就當然去賭場啦🤑
繼續閱讀
到达时不足8pm，餐厅里只有2-3台顾客，非常空。点了帝王鲜虾餃，蟹籽蒸烧卖，瑶柱野米糯米鸡，皮蛋瘦肉粥，澳门猪扒饭，一壶普洱。除了瑶柱野米糯米鸡比较特别，其它都不堪，尤其是帝王鲜虾餃和蟹籽蒸烧卖，虾的颜色竟然是白色的而没虾味。。。餃皮厚而黏，用筷子夹起，整片皮甚至可以粘在筷子上，嚼劲堪比吃麻糬。
繼續閱讀
只沒有其他選擇之下，友人才選擇吃點心填肚。因為得3個人，所以要等一陣至有位，但等位其間，因本人個袋好重，所以就放一放落地下，跟住就有個男店員即刻衝埋嚟問我地幾多位同埋做咩事？我地答咗佢3位，但仲未答佢後面嘅問題，佢就已經叫我地入去。我地行咗幾步之後，有另外一位女店員同果位男店員講，未有檯住，叫我地等多陣。個人覺得此店又唔係好大，點解連咁少事都可以出錯？最主要係果位男店員，未了解清楚就衝埋嚟好似想鬧我地咁呀？簡直就不知所謂。 白灼油菜︰真係好油，果然名乎其實。羅漢齋腸粉︰一啲都唔好食，入面啲齋真係一啲味道都冇。蝦餃︰好普通。香港大把酒樓都做到同樣水準。鮮竹卷︰都幾油，而且啲餡料都唔係好特別。燒賣︰一樣係好普通。未見有任何特出之處。總括嚟講，差不多大部分點心都係由$28起，如此價錢，響香港都可以食到比此店更好嘅水準。
繼續閱讀