小熊貓

營業中

休息中

來到澳門之後有點餓了 去了這家食個麵吧~人流不算多有位置就快快入去坐及點餐才行環境一般 不算涼快坐位有大約20個提供出餐算是快的 不用5分鐘就上齊所以東西了·豬扒雞扒麵 HKD$42·什錦麵 HKD$25·咖哩牛腩麵 HKD$25食物素質只是一般而已 味道比較淡份量不太多上菜時味道是挻香的 但食起上來沒有太多味道麵底是油麵 但被煮到有點腍😭 硬一點會好些🤔價錢算是便宜的 但食物真的一般吧 不要期望太高快快食飽便走了 此終地方有限空間感少

位於大三巴附近澳門特式辣沙專程來朝聖要咗牛肋骨薯仔米🐴🥔🍲唔可以話係正宗喇沙只係椰汁味比較重帶點辣味的湯底但值得一讚的是牛肋骨很入味一點也不韌😋👍本身諗住雙拼牛肋骨加豬扒個姐姐就話冇得要薯仔麵🙄跟住好啦淨係要牛肋骨啦原來個薯仔麵唔係講緊個面係碗麵入面有三嚿薯仔😅係我最唔鐘意食嘅薯仔

同老公去左澳門玩，每次去澳門必定會回到大堂街嘅小熊貓一流美食並且超抵價錢！喺澳門呢個旅遊城市黎講十分難得！大型酒店嘅food court一個散餐價錢動輒就接近百元，離地價錢而且味道普通。但發現小熊貓後每次黎澳門一定必食！小熊貓的外表普通，但好像掛上新的招牌，在普通的門面內裝超班美食！我今次點了牛肋骨豬扒麵，湯底是濃濃的叻沙味，辣味適中！牛肋骨和豬扒也是先腌過再煎，十分入味。牛肋骨有點”un”和難咬是的，但豬扒不會太乾，當打個和老公就點了辣魚豬扒薯仔麵。看似平凡，老公話俾啖辣魚我試平時唔鐘意食魚緊係no左先但老公話試下先喇一試！超有驚喜！呢條辣魚口感似吉野家鯖魚，不會腥之餘充滿鮮味和辣味一流！一吃就知是細心之作。另外也不要少看薯仔，薯仔似薯角，也是細心之作！下次到澳門可以一試呢間小熊貓！埋單兩個人也不用一百元，而且四十多元一個餐仲包紙包飲品！十分抵食！

今日經過小熊貓，突然好掛住佢地啲喇沙湯麵，所以就算要排隊，都要食。今次點了最喜愛的豬扒牛肋骨喇沙湯麵，特別喜歡他們的豬扒、肥美鬆軟；而牛肋骨又夠腍、湯底夠辣又滋味。不過油麵既質地就麻麻地，無以前咁好，好似煮得耐左既粗麵條似的，不似是油麵。不過總括而言還是很滿意，美味且份量十足。

響噴水池果頭晃盪, 原來諗住掃街填飽肚子, 點知澳門就係咁悶, 全部都係碌碌! 串埋晒一齊等烚...突然眼見有間小熊貓, 拱北地下商場都有間喎! 睇下門面, 竟然有肋骨湯米喎!!! 仲要搭豬扒, 衝入去試啦!D菜色搭粉麵又真幾新奇, 鮮蝦同牛肋骨都有... 其實成間舖頭都無標榜做喇沙的! 只係落單時問你要唔要辣... 牛肋骨豬扒米粉, $36連凍菊蜜, 抵啦!一上到檯先知原來係喇沙, 我先醒起響拱北分店食過麻麻, 不過佢成間舖都搵唔到喇沙呢兩隻字, 咁就唔可以用喇沙做指標黎衡量呢個湯底, 要食喇沙真係要去星月居貞記, 但要形容的話, 飲落係淡味既喇沙, 椰汁味重, 辣辣地, 沒有喇沙的鮮味.... 牛肋骨出乎意料的好, 望上去都覺表面香脆, 咬落估唔到咁林, 肉汁也爆出來, 浸湯後還有明顯既黑椒味, 配搭得天衣無縫, 驚喜之作.... 至於豬扒就不過不失, 都林, 味道沒有驚喜...

同男友系澳門掃街嘅時候，男友話未吃過，咁我米帶佢試下咯點咗鮮蝦薯仔米綫同豬扒薯仔米綫！湯；就一向都系咁白咁好飲，只傻豬仲飲晒添！豬扒真系整得好好吃！絕對唔坑爹，味道啱啱好！男友大讚！蝦都好新鮮，爽口！薯仔又夠淋！總之男友就好滿意啦！我就每次去澳門都必吃嘅！

是日下午事段, 提早食晚. 他, 經常經常食氹仔嘅小熊貓; 而我次次都係食新馬路呢間. 由于時間關係, 呢個5pm嘅鍾數, 他唯有跟我過嚟食呢間 咁次點咗: 鷄扒薯仔麵 ( 加辣) + 菊蜜呵呵...汤底, 我嘅~ 转攞嗰碗仔度, 当然仲有麵本身嘅配菜.. 跟住, 一大chu麵 空降 我食, 我食!!湯: 唔使講啦, 幾時都係 一個個 " Good "配菜: 都係一樣, 咁好食.鷄扒: 睇起身好似唔錯, 有黑椒嘅感覺.麵: 呵呵, 咁次第一次食, 之前都係俾哂人哋, 因為我係負責飲湯嗰個. OK啊, 小小冧. 但身邊 的他說: "唔夠 氹仔嘅好食, 人哋嗰啲彈牙啲." 喔喔, 有差別喔!菊蜜: 轉咗嘅, 唔係之前嗰個樣. 連甜魔族人我, 覺得係甜咗啲. 不過食完辣嘢再飲, 咁辣嘅感覺 就唔會keep咁耐.好中意小熊貓嘅湯 @B@

小熊貓係MACAU 好多地方都有 今次食GA個間唔係新馬路 係黑沙環分店早餐近近地食小熊貓啦 11:XXa.m 去到無咩人叫左個水餃米餐 ($19) 同 豬扒米餐 ($22)先講野飲本身跟coke 佢話無貨比左菊蜜 好甜 >w<水餃米(配辣沙) 無左蔥 芽菜 同 蛋 佢又話無貨 (係辣沙唔係喇沙wor唔知點解)攪錯無又唔出聲我唔叫啦 咩都無都 19蚊算 ~ 水餃好難食雪藏貨好大陣雪味 無食剩食米豬扒米 (配辣沙) 豬扒唔會死錯人的選擇同樣地 無左蔥 芽菜 同 蛋 無貨 食食下 @@ e ~ 咩泥嫁 有2條鋼線咁ga野囉 係豬扒到-0-無言 ... ...搵鋼線洗豬扒?食完即走 下次都唔知食唔食好 無貨又唔出聲

在旅游网睇到网友推介 小熊猫 的辣沙汤面,于是就来试下罗.间店好细,差D就过左都吾知.入到去就叫左个招牌辣沙汤面. 一吃,嗯真的好特别啊,辣辣地但又好香椰奶味,D料都好足啊.有火腿,鱼板,虾仁,尤鱼(好爽口),鸡丝(好滑)等,20元左右的价钱,真是平靓正.

行完大三巴, 聽講話噴水池附近的小熊貓有啲好好食的喇沙湯粉, 於是就同朋友一齊試吓, 佢的招牌米好正呀! $23一碗, 喇沙湯底, 但唔會好辣, 味道一流, 材料有魚片, 尤魚, 牙菜, 紅腸,蝦,鷄絲, 而且每款材料都有五件呀, 超抵食! 另外, 我哋仲叫咗喇沙豬扒薯仔米粉, 嘩嗰塊豬扒都好大塊吓架, 而且啲薯仔炸過, 好好味, 仲有嘢飲送, 都係$27咋!!!

首先我地去0左威尼斯人參觀下, 祖安就順便去睇蝴蝶袋, 之後我地去0左0個度<M記>食0左個$45 0既至尊漢堡餐, Crazy!!! 然後我地就去每次必到的<瑪嘉烈蛋撻店>食返個葡撻, 不過真係今非昔比, 價錢要$7一個, 而且仲細個0左, 加上冇乜特別, 下次可以唔洗再去lu. 去到議事亭前地附近, 就試下飲食雜誌介紹的<小熊貓>!!! 1. 招牌薯仔麵餐配辣沙湯底 ($28) ~ 舖面就普通裝修, 裡面大約坐二十人左右, 我地去到0既時候都有位坐. 我0個個招牌薯仔麵, 好多餸0架, 當然有薯仔啦, 仲有紅腸, 魚片, 魷魚及蝦, 而且個量都好多0架, 比較突出就係d 魷魚啦, 夠爽. d 蝦都幾鮮甜. 麵底就似拉麵底. 配上辣沙湯底, 都唔錯的!!! 辣沙係唔係同喇沙一樣0架??? 不過d味都好似喎!!! 2. 豬扒薯仔麵餐配清湯底 ($22) ~ 祖安喉嚨唔舒服, 所以要清湯底!!! 薯仔就普通啦, 豬扒就略厭韌0左d, 不過味道都ok 的!!!整體評價：值得一試!!!