安德魯花園咖啡 (已搬遷) 新店位置

食完陸舟餐廳行下海灘，之後行番上長長既山路﹗出番去搭巴士又到下一站，路環﹗友人話來過咁多次澳門都未食過安德魯，終於有機會品嚐了﹗小店全爆，想找個位坐都無，於是一人買了個葡撻在海邊食﹗雖然見到佢地0的外賣撻放哂出來，不過摸上手依然是熱呼呼的，外層酥皮香脆有層次，牛油味超濃，中間蛋心有焦糖香，蛋心軟滑細膩，濃烈好吃，如不是五分鐘之後就食晚餐，一定買多個來食﹗不少人都將呢間安德魯同埋大馬路的那一間瑪嘉烈相提並論，兩間我也吃過，覺得都是在伯仲之間，好吃與否真的取決於其新鮮出爐程度，與其大家作比較邊間好吃，不如兩間都吃多個更為合適。至於酥皮與曲奇皮邊種好食，我就覺得各有各特別之處，何必深究，咁多人爭住食自有其原因，呢一刻我只知我手中的蛋撻美味非常，那就是最值得開心的事了﹗

有機會再去澳門都一定要去食多次~ 無論環境 + 品質 + 氣氛都好好~~門面都已經好有feel, 入到去已經一間好香的葡tak 味啦~~ 好正呀~~~因為我地一班9 人太多人的關係, so 要分開枱坐..... 而且等位的時候都等左一段時間~~ 所以大定有令心理準備要等位的~!! 等左5 mins 左右終於有位坐了~ but 好可惜係後花園, but 唔知點解, 佢的後花園係無風到呀, 有少少焗呀~! so 如果大家唔係冬天的話都唔係好suggest 大家坐後花園~!過左10-15mins 左右indoor 就已經有位了, 叫左4個牛肉千層面 + 4 件tak + 焗薯 + lattle + 莫卡 + cappuccino + banana 奶色~! 食物的質質係非常gd gd gd的~! but 可惜人手方面就麻麻了~~ 因為可以客多人手少的關係... so 大定都要要叫左幾次先會有人黎take order 的~~ 總結依間shop 係唔錯的, 大家如果去玩卡車or 去開氹仔的話, 的確可以去下try 下~~而且間shop 好近bus stop 的, 行幾步就到了~~!!

25-10-2009時間較緊迫, 離開澳門前決定喺路環食埋先走, 嚟到餅店後面的呢間 cafe 搞掂.先嚟 latte 咖啡... 層次認真分明, 賣相有點似「已落嘢」的 latte macchiato, 面頭奶泡就如洗潔精 飲落咖啡味較薄, 味道單調, 諗起銅鑼灣嗰間 Delta 的 latte macchiato (http://www.openrice.com/restaurant/commentdetail.htm?commentid=2037525)... 難道葡式咖啡就是如此?怕是日的 ham & cheese omelette 會好膩, 要求了就咁 ham omelette, 結果真的做到了, 不過唔代表好食 -- 份量超巨, 蛋炒得一般滑溜, 雖然都有少量蛋汁流出; ham 就異常嚡口又無喱味道, 幾難吃, 唯有淨係食晒 d 蛋. 無食 on the side 的兩片蕃茄; 麵包就較乾, 可幸幾軟熟, 不過奉上我唔喜歡的 jam, 又無牛油供應, 唔食太多了.試了一啖朋友的 iced chocolate, menu 上特別寫明用奶沖的, 飲落又真係好奶, 但 d

澳門美食自由行第一擊，第一站去路環。未吃正餐前，先到安德魯來番個馳名葡撻加杯自製檸檬水開開胃先。（因為無食早餐，正餐的葡國餐廳又未夠到營業時間）呢度環境優美，氣氛悠閒，店員的服務也殷勤有禮，令人感覺良好。雖然今次因為天氣炎熱，戶外露天茶座部份沒有開放，不過從餐廳外望，也可看見外面的環境甚為宜人呢！說回這裡的食品，葡撻不愧為招牌出品，整體的水準甚佳，烘得恰到好處，味道適中。不過杯檸檬水d檸檬可能不夠靚，所以飲落帶有點苦澀味，是稍為美中不足的地方。不過瑕不掩瑜，雖然杯檸檬水差了點，這裡尚算是一個值得一去的地方。

葡撻第一次order左兩個, 但都係微暖, 但都食到好香既蛋味, 覺得如果熱食真係正, 忍唔住俾多次機會佢, 博多次encore多個, 今次熱辣辣, 酥皮香脆, 蛋漿又香又滑, 可惜面頭焦糖唔夠焦但都值得為個新鮮出爐葡撻搭半個鐘車入路環試!!自製凍檸水即係自已將檸檬濃縮液開水沖, 再加多片檸檬, 無咩特別, 但見其他人都係叫凍Latte, 下次一定叫一杯試下牛肉漢堡配酸菜沙律漢堡包鋪滿芝麻, 但我同好朋友都唔太好...牛肉漢堡很厚, 但金玉其外, 敗絮其中。牛肉漢堡太乾身兼無肉味, 仲乾過老麥足三兩, 似食緊超市十元八塊既沙爹牛肉乾反而配角既酸菜沙律很對胃口, 醒神開胃呢度既環境好舒服, 只係我地黎果陣人太多, 幾乎每一檯都有人等位而且唔少人外賣一打葡撻, 證明有幾好味

來到路環, 任務就係吃葡撻. 一落巴士就見到這家咖啡店, 店子小小, 但冷氣開放, 就忘記了總店, 馬上來這家比較舒服的店. 在這天氣下涼冷氣, 吃件葡撻, 是幾寫意的.葡撻: 8分, 這店跟別店的恩怨不講了, 但這裡的葡撻的確是有水準. 酥皮鬆脆, 套用文迪的一句: 是比人家脹卜卜的. 蛋的表層小小焦, 加上香濃蛋漿, 滿意的. 如果吃到新鮮出爐的, 分數一定更高. 現在吃到的只係微熱, 但也有種莫名的吸引力.藍莓芝士餅: 8分, 也要了個藍莓芝士餅, 雪得實實, 藍莓料足, 也真的大大粒藍莓係面. 芝士不會太濃, 是相當實正的一客甜品, 天氣熱, 慢慢吃, 都幾滋味.店子實在偏遠, 但如果有時間的話, 搭巴士來這裡見識一下甚麼係安德魯葡撻, 也是個好節目.葡撻 $7 + 藍莓芝士餅 $18 + 汽水 $10 + 凍奶茶 $12 = $47

一年前到訪過安德魯，深被其優雅的環境、及馳名的葡撻所吸引今次令我留下深刻印象的，反而是其「清新之選」叫了一客牛肉千層闊麵、一客焗薯本身牛肉千層闊麵、焗薯的水準已算不俗千層闊麵份量夠厚而不油膩，焗薯內夾著磨姑、煙肉，味道唔錯再加上配搭的沙律幾新鮮，兩份餐給予我的感覺是幾清新可口嘆了兩份清新可口的午餐，卻可以在這優閒舒適的咖啡店內，悠閒地談談天、看看報紙而這間安德魯咖啡店身在市郊的路環，感覺就格外的寧靜在這優閒舒適、悠閒寧靜的環境下，吃這份清新可口的午餐，感覺真似身在田園般的清新自然確是名副其實的「清新之選」吧？相當同意樓下板友的評價，無論食物質素、店內環境、職員服務，真是給予食客一種舒適的感覺！

各人之意見不同，而我就是喜歡那熱騰騰的味道、舒服的服務、悠然的環境…1. 服務態度好 – 女待應殷勤的介紹食物，會分享什麼好吃、什麼不特別2. 味道不錯 – 不是嘩一聲的好吃，而是你不會忘記的味道及他們對食物的尊重3. 環境舒適 – 可能是星期一沒有人山人海，而是寧靜與空間下一次，我會回來的~

好耐之前聽聞呢間既葡撻好出名, 所以由市中心特地坐車去, 估唔到一落車對面就係, 第一次去安德魯, 一心食佢地出名既葡撻, 入到去冇晒位, 個侍應講英文問我地坐唔坐出面, 我地就"SAY NO" 啦, 怕熱, 諗住出去感受下有幾熱先, 點知又好似唔太熱bor, 好啦, 最後唔想等位, 就坐左出面, 個環境都ok, 算吧!睇下menu , 早上飲左杯coffee, 所以唔想再飲coffee , 我同顧生一人叫左一杯lemon tea, , 又係果個侍應埋黎寫單, 點解突然講返中文?? 哈哈.. 陸陸續續有人入黎~d 野食到齊, 開始飲杯lemon tea, 淡到好似d 茶沖左好多次咁, 算! 再試個葡撻, 只係暖, 好似用微波爐叮出黎咁, 無瑪嘉烈噤好味, 總括係麻麻地, 應該冇下次了

三月初一‧有雨 當還有兩小時才吃晚飯，大家也暫時散隊，自由活動。朋友就要去威尼斯人，就帶了去一趟，臨門發現連城門出面也沒有水，那怎是威尼斯？沒趣之極。人已在氹仔，不如去喝杯咖啡如何？就坐巴士來了路環的安德魯。 同是賣葡撻起家，這裡跟新馬路的瑪嘉烈有強烈的對比：那邊位子也開在路邊，人來人往；這邊是園林美景，人都唔多個；那邊拿拿林比錢，仲要醒目的去排arm隊拿食物，再快快手食；這邊一切也慢慢的，坐了好一會，店員也懶得來煩你，連餐牌也未見踪影，總之就係~~hea！ 要了鮮奶咖啡，冷熱各一，另外當然還有葡撻。咖啡很香濃，凍的尤其是賣相好，喝起來也不錯。葡撻是再焗熱的，比瑪嘉烈那邊的超高流量，長期熱辣辣的有點分別。不過仍然是香甜脆口，同樣好吃。 最重要的是，拿了咖啡坐在出面的庭園內，有一句沒一句的談，任由時間流走，也不用趕，這才是真真正正的「嘆‧咖‧啡」。 其實這裡還有不少的其他食物，如自家製的乳酪，及其他甜品等，很多都值得一試的。 悠閒的結了賬，埋單51蚊。走出店外，伸伸懶腰，咦？車站去了那裡？

mar 01, 09, 買完佢嘅餅店,就去佢呢間有得坐嘅咖啡店.........不過要等佢好1陣 1) double expresso 2) machiato 3) 葡撻 x 5-呢個仍舊出色-還是暖熱,其實等緊枱時,已見佢推咗幾盤葡撻落下面餅店應付需求,所以唔會有凍咗嘅貨-皮喺鬆脆,但如果層次度可以明顯d,就真喺會無懈可擊-蛋就香甜,當然比港式蛋撻甜啦............-我欣賞之餘,友人亦滿意 4) 熱latte x 2-友人話麻麻 5) 泰式冬陰功湯-試咗1小口-唔會好辣,但都有泰式風情6) 農村家鄉餡餅-都頗大件-個皮都幾厚身,裡面有白汁煮成嘅肉同蔬菜等-黑胡椒味頗重-真喺幾膩吓 7) fish pie-大家都無試過pie會唔喺用麵粉包住-個面喺厚厚嘅薯蓉嚟拎去焗-裡下喺白汁紅蘿蔔粒同魚肉粒-雖然無咩突出,但大家都傾向鍾意呢個多過個餡餅

之前，不知道「安德魯花園咖啡」與「安德魯餅店」是分開兩間舖的，遠就而來，純粹想一嘗其馳名的葡撻無論傳統的葡撻，還是朱古力葡撻，均甚有水準再加上一杯凍奶茶，以及cafe的優雅舒適環境，賓在是一套上等的下午茶！吃完後，不禁到旁邊的「安德魯餅店」，買返幾盒餅回港慢慢品嚐

鋪位非常當眼, 甫一到路環下車就看到, 到達時6點多, 看到它關7點, 即使要晚點到黑沙海灘, 也要和女朋友先試一下~想晚點往黑沙海灘試一下費X度, 所以在這裡先來個afternoon tea, 兩人點了2個葡撻、1個朱古力、1個Latte.Latte 是我的一個意外驚喜, 牛奶和咖啡的比例很好, 口感很幼滑, 兩者感覺很平衡~葡撻很鬆脆, 蛋味足又不會太甜~GOOD!而女朋友對她的朱古力亦很滿意~不枉我們遲了到黑沙海灘哩~~

第一次食安德魯葡 tart 係舊店，買左要拎走食～～雖則好味，但環境配合唔到總有少少不足～今次刨好旅遊書先黎，知道佢開左間 cafe 店，初時都怕揾唔到原來係舊店轉角位佈置好靚，好悠閒呢～～葡 tart 當然係必食 (我地竟然可以係 lunch 後再毎人食兩件～完全忍唔到口 !!)仲 order 左杯 mocha, blueberry cheesecake and orange juice葡 tart 同香港的完全無得比，個皮又脆又鬆～～蛋汁好滑，又不會過甜熱辣辣放入口真係幸褔無比 orange juice 係鮮搾，好多果肉，好味mocha 都好飲，唯一唔好的係．．．．．個 blueberry cheese cake 好難食 !!個面係一層黑加倫子味的 jelly ........ cheese 味近乎冇．．．．連個餅底都少少濕．．．．不過，黎呢度係食葡 tart 的，所以計分唔計件 cheese cake la ~~

weekend 到澳門, 第一餐就去食安得魯的葡tart. 一到門口, 望入去的感覺已經能增加食慾, 因為店內的擺設挺好的. 等了一會後終於有位. 一入先叫了半打葡tart, 再睇menu, 發覺好多好吸引的美食, 再叫了一個芝士煙肉蘑菇焗薯, 魚批, 紅莓乳酪, 涷朱古力奶. 每樣食物都有薯仔... 不過好好食, 魚批其實係忌廉薯茸, 魚肉攪在其中.澳門的奶又係好好飲既. 凍朱是由鮮奶沖的, 真係好滑, 好香.