4
3
1
食評 (9)
等級4 2024-05-14
67 瀏覽
星期日過澳門居然唔多人,過關排隊前面得兩個人,金巴直上唔需要排隊,真係唔多人過澳門??後來食完餐飯之後我就明白⋯⋯為咗貪方便,近近地就係老佛爺百貨上面食,因為選擇不多,最後揀咗「太二酸菜魚」,叫咗二人份量酸菜魚加粉絲和紅薯粉、口水雞、白飯一碗、兩杯飲品(一杯脆馬蹄椰椰椰清補涼、另外一杯唔記得叫乜😅大約係牛奶紅豆冰之類嘅名😂)最後埋單$480,貴過係深圳食超過一倍,唔怪之得啲人北上,對於香港人嚟講,去深圳同去澳門路程基本上差唔多,但係洗費就分別比較大。深圳雖然平香港,因為太多人去,無論過關、買飲品、食飯都好多人,排隊排到痴晒線,頂唔順😓。澳門仲貴過香港,咁不如留港消費仲好👍🏻。 繼續閱讀
(以上食評乃用戶個人意見 , 並不代表OpenRice之觀點。)
等級3 2024-01-10
178 瀏覽
在下榻酒店內覓食,發現了這間在深圳好出名既“太二”,難得無人排隊。大家決定是“她”了,服務員隨即帶我們入店內,環境整齊乾淨,坐下來即掃QR Code下單,好快有得食等待食物期間,可以根據自己個人口味或店家推介既比例(3:2),泡製一杯熱既“陳皮+洛神花”茶,好好飲,無諗過這配搭咁。脆椒小皮蛋~用鵪鶉蛋製既皮蛋,少少辣主角:老壇子酸菜魚~魚好滑沒有腥味,酸菜好味道蝦仁水餃~味道okay好番味鱸魚麵~好味及麵底幾好點了中和辣味既灼菜😁最後點了兩款解辣甜品:冰粉~有點似愛玉,與西瓜、涼粉等食材好夾😋😋 繼續閱讀
(以上食評乃用戶個人意見 , 並不代表OpenRice之觀點。)
等級3 2023-09-20
606 瀏覽
睇完演唱會,近近地係倫敦人酒店樓下食酸菜魚😋太二係香港暫時未有分店,黎到澳門就一定要試吓啦。招牌酸菜魚太二既酸菜魚係唔可以加辣或者減辣。 目的係要保持佢既味道👅見到碟邊寫住「酸菜比魚好吃」 就即刻試左個酸菜先😎 酸菜入口爽脆,酸味唔會太搶,味道岩岩好。 無骨魚片方便客人食,唔驚啃骨。唔係太食得辣嘅就會覺得湯頭過辣😅😅但辣得好過癮。可能係係酒店既關係,價錢比係大陸食貴。如果想試可以返大陸先試😆😆 繼續閱讀
(以上食評乃用戶個人意見 , 並不代表OpenRice之觀點。)
等級4 2023-06-23
633 瀏覽
幾年前食過一次一直心心念念無奈可能每間餐廳嘅特色唔一樣 喺香港始終食唔翻佢嘅味道🥲呢日去澳門遊見到即刻同朋友衝咗入去xd🐟老壇子酸菜魚有分二人份同埋3-4人嘅土豪份 同朋友兩個人就嗌咗前者嚟到第一件事飲咗啖湯底 一向覺得太二嘅特色就係會比較重花椒麻香味相對辣味同酸味都會比較輕 所以好易入口新鮮鱸魚片大大片白雪雪口感超級滑嫩 Q彈有嚼勁而且怕魚腥味或者魚骨嘅都唔使驚 因為兩樣都無 食得好放心配料有大量芽菜少可惜係嗌嗰時以為會有少量薯粉所以無追加 食到底先知原來無。 餐廳周圍同埋碗盤都會見到「酸菜比魚好吃」嘅slogan同朋友都覺得魚好食啲🤣 但係兩樣都好好味啦只係酸菜令魚更好味!🍬喜翻翻砂紅糖冰粉冰粉超級厚一層 大大啖食都唔怕好快食哂口感同愛玉好似 外表透明冰冰凉凉 口感爽彈好QQ配料超級豐富 有紅豆 涼粉 花生碎 小丸子口感有爽脆有軟稔有煙韌 淋咗適量紅糖水 食得出係香甜滋潤唔係死甜食完絕對透心涼 超消暑💭題外話餐廳嘅自助水吧會有洛神花乾同陳皮俾你自由配搭沖泡試咗用洛神花沖水酸酸甜甜都幾開胃 繼續閱讀
(以上食評乃用戶個人意見 , 並不代表OpenRice之觀點。)
等級3 2023-06-17
388 瀏覽
酸菜魚就人人都讚好但今次想推推紅糖糍巴 :紅糖好香甜濃稠度適中好容易就可以令啲糍巴點到啲糖另外仲有啲黃豆粉係上面~呢樣唔係間間都有比到黃豆粉可以令到香氣增加!糍巴外皮焦脆入面軟糯適中唔會有油膩感食完全部嘢再食都唔會覺得好漏! 繼續閱讀
(以上食評乃用戶個人意見 , 並不代表OpenRice之觀點。)