2
0
0
電話號碼
+853 28922607
營業時間
今日營業
11:00 - 18:00
星期一至日
11:00 - 18:00
付款方式
現金
招牌菜
炭燒杏仁餅
食評 (3)
等級1 2019-10-09
33 瀏覽
每次去澳門,都會專程去品芳一轉,可惜一直未踫巧遇上品芳賣月餅的日子。今年終於比我遇上,終於可以為媽媽尋回年輕時的味道。品芳餅家的餅食是無庸置疑了!識食一定去品芳,無需華麗包裝,品質才是食客的需要。食了那麼多次他們的餅食,月餅是我最想一試的,因為月餅的餡料全部自家炒製,更供應供應各大洒家㗎!月餅款式非常多,蓮蓉、豆蓉、紅豆、陳皮紅豆、椰蓉、麻蓉、五仁果子(素月)、五仁火腿,希望我冇數漏😅!我差不多每款都試下,味道係甘香甜美,並唔太甜,亦唔油膩,如果係冇蛋黃的款式,月餅就會加入少許果子如松子、合桃和瓜子之類,令到月餅減少甜膩感,係傳統月餅的做法。我試過幾款味道,認為最好味係陳皮紅豆,陳皮味道突出,但又沒有蓋過紅豆味,非常合拍的味道。另外,豆蓉款式在香港已經難以尋回,結結實實的綠豆蓉夾入了瓜子,以為是甜的,但又帶有絲絲咸香,很有趣!味道似曾相識,好像遺忘了很久的味道!這次為媽媽帶回來的手信,她十分開心,並且珍而重之小口小口地吃,她說「很好味,可惜我已老掉了牙!咀嚼不到餡料內的果子,我後生很喜歡吃!」P.S. 離開品芳前,我在他們的門口發現有兩款玻璃瓶裝著的涼果,是話梅和甘草檸檬,買了一點,估不到話梅一點也不過咸過酸,非常適中,是驚喜! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-14
834 瀏覽
舊同事買來嘅澳門手信有提子餅,芝麻餅,果仁餅芝麻餅拎上手好易爛,証明係好脆,亦有啲薄,不過芝麻本身係好香,所以呢塊餅,真係好好味,食完仲想食果仁餅都好香口,又同芝麻餅唔同提子餅呢,就好特別,本身一望唔起眼,因買相普普通通,但食落口,提子乾感覺又唔會話太乾身,食落去同個餅又好夾3款都好好味,下次去澳門都要買來做手信先得 繼續閱讀
(以上食評乃用戶個人意見 , 並不代表OpenRice之觀點。)
等級4 2015-01-04
1443 瀏覽
食完下午茶出來, 見到餐廳對面有間餅店, 裝修好懷舊但乾淨(可以做拍電影場景)出於好奇心入去逛下, 店員好有心機講解自家出品有幾好, 當然係有讚無彈, 欣賞係佢強調用靚油做餅, 唔使擔心地溝油, 佢推介齌雞粒, 我再買多包老婆餅比肥髀, 老婆餅當晚食, 冬瓜蓉甜, 外面酥皮香, 有啲餅店嘅餅放得耐會有油溢味, 呢度無!另一款齌雞粒我帶返香港做手信, 食落比較硬(可能放了一個星期先開)南乳味道幾香, 幾特別! 繼續閱讀
(以上食評乃用戶個人意見 , 並不代表OpenRice之觀點。)