咖啡天地

營業中

休息中

發現新濠天地的“超厚三文治”買左雞蛋三文治同吞拿魚三文治~~28MOP一個~~雞蛋味濃~~有D鹹味~估系加左cheese~愛蛋治的人可以一試~~食半個已經好飽，因為雞蛋太厚了~~吞拿魚三文治，亦系超厚~~比料好足~目前見過最厚既吞拿魚三文治~咬落好有滿足感~~~吞拿魚有D沙律味~~魚味較重~~~亦值得一試~~

看完免費的龍騰，但又未夠鐘欣賞水舞間，懶得行，就在此食件吞拿魚咖喱酥及Marble Butter Cake。叮番熱的咖喱酥，吞拿魚餡不算多，不過不失。牛油蛋糕則嫌冷凍太久，有點硬。不過價錢不算很貴，而且旨在休息，又任得你坐，是抖一抖的不錯選擇。

澳門遊第二站, 是威尼斯人對面的新濠天地。論目不暇給, 跟前者是差得遠了, 好在還有個龍騰激光騷。本人自問沒有賭運, 陪友人們玩了一陣老虎機, 輸了 $20 之後就沒興趣再玩下去; 友人們繼續往賭枱作戰, 而我, 就寧願把錢餵自己都不要用來餵老虎。在等入 Bubble 看激光騷之前, 在旁邊的這家咖啡店坐下。地方其實幾有型格的, 色彩繽紛, 牆上掛滿了澳門風物照片。要了一杯 Americano (MOP 22), 加一隻葡撻 (好像是 MOP 8)。堂食有加一, 但收銀姐姐是木口木面的, 這是哪來的服務呀。煙灰缸用上咖啡渣, 夠環保。咖啡杯子的設計很有超現實畫風, 但咖啡本身其實一般。葡撻嘛, 不知是店家自製的還是來貨了, 怎麼說都當是應應景, 來澳門不吃葡撻又好像說不過去嘛。這個葡撻撻面焗得不大夠燶, 甜度算 OK, 不過酥皮幾鬆化就真的。這裡我會用抵坐多過抵食來形容, 係幾好 hea 的等人地方。

如果唔係因為要等去The Bubble睇show, 我地都唔會入黎呢間cafe, 真係不知所謂。我只係叫左一個薯仔雞咖喱角同埋Mochaccino, 其實好普通唧。首先落order, 佢竟然唔知咩係Mochaccino, 咁我就話mocha, 佢先知道我講咩。好啦, 以為好快架唧, 因為佢只係響個櫃度拎舊野出黎, 再放入去叮一叮, 點知, 個mocha都整好喇, 佢都未比咖喱角我, 咁我同果個外藉人士既整coffee既staff講啦, 點知後尾先知佢原來又再整多一杯mocha出黎, 真係搞笑~ 再問多次, 先知原來佢跟本冇落order, 佢地做野好混亂, 冇單架, 個cashier嗌左咩order就算架喇, 佢又唔會跟進有冇人漏野...好差!咁好啦, 食啦, 咖喱角冇味, 唔脆就當然啦, 因為凍左好耐再叮番熱; 個coffee, 冇coffee味, 有朱古力味囉! d冰多到呀....唉~不過要糾正一下, 唔使$101-$150既, 因為只係食下麵包西餅, 飲下咖啡唧~我就食左$42囉~

在新葡京比新哥劏到一頸血之後, 轉戰氹仔的皇冠再搏殺, 但因周車勞頓闔係, 決定入新開的新濠天地抖一抖入到咖啡天地, 環境係一流的, 梳化大大張, 坐得十分舒適, 也令我突如其來的心情歎番杯espresso 跟一件芒果熱情果蛋糕廿蚊一件蛋糕, 廿蚊一杯espresso, 酒店式的coffee shop 在香港當然唔算貴, 不過澳門現在的生活指數都好高, 搭的士都要六十幾一轉 (由葡京搭嚟, 懷疑被兜路了)espresso 係有意外的驚喜, 咖啡味好香濃, 入喉的感覺順滑, 就如法拉利的油門用輕力一踏, 精神都為之一振! 芒果熱情果蛋糕都好食, 不過多了個不速之客---椰絲, 令到原本滑嘟嘟的蛋糕變得鞋口, 不過都算好食义足電之後, 入crown大搏殺, 咖啡因起了作用, 搶回一半輸掉的賭本了