36
3
4
電話號碼
8886 6228
開飯介紹
餐廳分為6個不同專區:海鮮區、澳葡及意大利美食區、京川粵菜區、日韓美食區、甜品雪糕區以及果汁區,並採半自助形式。食客下單後,廚師團隊便會在開放式廚房內準備食物,烹調過程一覽無遺。 繼續閱讀
營業時間
今日營業
07:00-10:30
12:00-14:30
18:00-22:30
星期一至日
07:00-10:30
12:00-14:30
18:00-22:30
付款方式
Visa Master AE 現金 銀聯 JCB
其他資料
Wi-Fi
泊車
電話訂座
加一服務費
食評 (53)
極速回本自助餐 焦點食評
等級4 2017-11-07
3646 瀏覽
難得星期六放假,決定同朋友過澳門食下自助餐!餐廳分左兩個時段6-8pm及8-10pm,由於諗住即日來回,所以就揀左6-8呢個時段,諗住食飽可以行多陣。餐廳好大好闊落,坐得舒服外,走廊都好闊,唔驚拎野食時撞到人。先去拎蔬菜沙律先,不同的新鮮沙律菜整齊地放係自取櫃,仲有唔同的醬汁比大家配搭。餐廳有多款新鮮的刺身可供選擇!當中有三文魚、呑拿魚、魷魚、八爪魚及超大隻又肥美的甜蝦。冷盤除左有貝殻類海鮮外,更有蝦同超甜美長腳蟹!咁當然仲有生蠔啦!來的法國的生蠔唔算好巨型,又唔算好肥美,不過味道都幾鮮,但唔會太鹹。冷盤其實仲有會比人秒殺的半邊龍蝦!見到嗎?係有膏架!!另外我好鍾意餐廳會提供樽裝果汁,當中有西柚汁、蘋果汁、檸檬汁。不得不提的係,餐廳會有職員為大家即沖檸茶、咖啡、甚至港式奶茶!甜品款式唔算太多,不過都幾夠食!當中我最鍾意的係薑汁燉蛋及芒果糯米飯。芒果糯米飯係酒店自助餐比較少有的食物,由於飯、芒果、椰汁都係自己落,所以甜度係可以自己控制。總括而言,呢個自助餐都幾抵食,因為好多回本位,當中生蠔、凍龍蝦、刺身食多幾次就咩都抵返晒啦!但唯一可以挑剔的係2個鐘真係唔多夠,無得食完一Round休息下先再食,所以呢2個鐘要不停地倒落肚。 繼續閱讀
(以上食評乃用戶個人意見 , 並不代表OpenRice之觀點。)
等級6 2017-07-27
18095 瀏覽
名廚都匯屬澳門 JW 萬豪酒店的西餐廳,主要供應自助餐美食。作為酒店餐廳,用餐環境整潔舒適,裝潢時尚。因名廚都匯的自助餐頗受歡迎,建議要提早預訂。晚市自助餐成人 $498/位,小童半價。Marriott Rewards 會員另有八折優惠。 一如其他澳門賭場酒店的自助餐,菜式選擇繁多,不同國家及特色的菜餚分配在五六個區域上。 生蠔是來自法國的 Fine de Claire,體型細小窄長,雖然口感稍稍不夠豐厚,但無礙其鮮甜口味的發揮,餘韻持久。 海鮮冷盤包括有龍蝦、麵包蟹、海蝦、青口等等。推介肉彈帶羔的龍蝦及飽滿味甜的青口。 各式沙律凍肉冷盤:- 移師到和食區,刺身賣相未算特別吸引,選材有三文魚、吞拿魚、甜蝦、北寄貝等常見款式,建議留意甜蝦的完整性與鮮度。壽司方面,選擇比刺身更少,質素上亦未見驚喜,可考慮追加款式。 燒牛肉是一向是熱食大盤的重點之一。肉眼扒產自美國,切面色澤粉紅,肉汁豐富,肉味濃香。輕輕以岩鹽及黑椒引味已很好吃。 另一風味美食是北京烤鴨,少少肥的烤鴨連皮吃份外搶香,加上略帶脆口的京蔥與甜鴨醬,出品令人滿意。 粥麵檔:- 各式熱食大盤:- 湯品:- 甜品往往是自助餐的另一亮點,但名廚都匯在這方面卻有點遜色,款式不夠多,賣相亦不算精巧細緻。薑汁撞奶及萄撻是相對富地道特色的甜點,應該試試! 雖然甜品桌未能給予驚喜,飲品桌卻掙回部份分數。全場果汁任飲,特別推介檸檸汁,清新醒胃。港式奶茶味道帶點「茶走」影子,都算好味道。喜歡品酒的朋友,可考慮加 $138/位 free-flow 任飲指定紅白餐酒。 整體而言,名廚都匯食品種類繁多,質素普遍理想,計及 Marriott Rewards 會員八折優惠,晚市人均消費只需四百餘元都算合理。 [24/7/2017; Mon] 繼續閱讀
(以上食評乃用戶個人意見 , 並不代表OpenRice之觀點。)
等級1 2017-11-25
4078 瀏覽
經由Hong Kong Tatler評選為2017澳門最佳食府,以及openrice的好評餐廳第三名,到底實際情形是如何?今天要來試的是MOP248+的午餐~壹. 環境餐廳總共有兩個入口,一個是從商場進入另一個則是從酒店大堂,兩個入口都有用冰箱巧妙區隔,大堂方面是冷盤冰箱.商場方面則是水果的冰箱以及飲料吧整體裝潢採用大量木質裝飾呈獻暖色的氛圍照明則是重點式不算明亮但有低調奢華的感覺貳. 食物取餐區是直線搭配方行動線綿延的餐檯擺放各式料理十分多元冷盤海鮮區位在餐廳的中心位置海鮮檔推出的是海老螺貝等二軍應戰一旁則是日式刺生檔有少見的握壽司以及花壽司稻禾各一款現切的生魚片有四種都十分新鮮轉個彎來到沙拉凍肉區特別推薦的是伊比利火腿搭配蜜瓜還有位在冰箱的鴨胸和燻鮭再往前走馬上蒞臨熱食區映入眼簾的是印度料理區以及燒味檔最特別的是有主廚即製片皮鴨一口分量恰到好處鴨肉則是非常肥美油脂豐厚垂涎欲滴接著是中餐檔少見的大鍋油煎餃子以及蒸籠點心和麵食區非常心機的蒸了個糯米雞是務必要小心服用中華料理的盤子十分美麗水煮魚蛋大概5辛辣海鮮最大咖龍蝦螯是誠意十足最後是西餐區以麵包作為分界現切肉檯有慢烤牛排及豬排這裡的牛排是自助餐中少見突出的好吃粉紅的顏色切下去完全沒有血水而且入口軟嫩表皮鹹香☑馬上+30分👍旁邊的萬豪特製意粉也是十分濃郁可口最後來到接近商場入口的甜品區甜品以法式為主其中塔類非常突出檸檬塔和芒果塔都是上盛之作水果櫃和前陣子很夯的冰淇淋機飲料吧擺有四種果汁兼具美觀及質感其餘茶及咖啡都是現點現做招牌的港式奶茶以煉乳調製濃香滑順 繼續閱讀
(以上食評乃用戶個人意見 , 並不代表OpenRice之觀點。)
等級3 2017-11-16
3294 瀏覽
今次遊澳最期待是呢餐自助餐之前見食評普遍唔錯一早book定位時間由6:00食到10:30旅程第一晚7:00到達在酒店大堂上一層就係啦整體上整個自助餐食物質素,環境,服務都係水準之上食物質素味道基本上每一味放入口都有一定水準款式熱薰冷盤選擇唔少, 反而甜品數量較其他酒店的自助餐略少餐廳環境唔錯, 服務員都招呼週到的宜家重點簡評一下當晚品嚐過的食物** 讚 **燒汁燒羊架 - 味道頂頂級, 羊肉燒得剛剛好, 雖然偏厚身但夠晒淋易入口, 絕無騷味, 有頂級西餐廳水準, 推介飲品 - 鮮榨果汁任飲, 擺放冰粒上面好吸引, 有西柚/檸檬/蘋果/橙汁揀, 當晚飲左四杯西柚汁+一杯蘋果汁, 味道新鮮港式奶茶咖啡都係任飲, 唔似其他自助餐只得一杯, 咖啡係有拉花的Cappuccino, 味道唔錯壽司 - 共有6款選擇, 三文魚, 腐皮, 小蟹柳卷, 炸蝦卷, 熟蝦 同炙燒三文魚, 只試了炙燒三文魚, 即燒即放出來, 肥美而新鮮, 最重點是壽司飯一D都唔hea, 一般自助餐的壽司飯都好求其, 但呢間唔會, 握得夠實淨而黏度醋酸度適中, 呢D細節位都做得夠細緻豬耳沙律 - 豬耳本身微咸, 唔會得個咸字較易入口, 亦唔會韌蕃茄沙律 - 簡單如蕃茄沙律都整得好食, 紫洋蔥+香葉+醋, 酸度合適夠開胃, 蕃茄涼身而新觧南瓜湯 - 南瓜夠濃, 唔會鞋身粗糙, 但因為較飽肚, 所以只淺嘗了小半碗片皮鴨 - 留意片出來的鴨片師傅會包好比客人取(只有燒鴨醬), 如要加京蔥要另外同師傅講, 鴨肉夠嫰不油膩咖哩 - 有3款(羊肉, 薯仔咖哩, 印度扁豆), 做到正宗咖哩味道, 特別係扁豆蓉未必其他地方咁易食到, 入口質感豐富而同咖哩配襯, 咖哩夠香料味, 辛味後勁凌厲** 有改善空間 **生蠔 - 選用Fine de Claire法國生蠔, 大路選擇, 味道夠爽, 蠔身本身唔算大隻, 都食左有一打半, 夠晒回本, 但略嫌只有一款生蠔無其他選擇會單調左啲, 如果至少有兩款會好一點鹽燒三文魚 - 其實味道唔錯, 咸度OK; 見佢應該整好左兩條for整晚兩輪(另一條係原條被鹽封著備好), 但條魚其實開始無耐已經被客人拆到散晒, 而部分散了的魚肉, 當然大家都唔想揀, 變成呢條開封左的魚, 由自助餐開始15分鐘打後已經變成一條散魚, 變成舊魚人人唔想食(有點浪費), 新一條魚又因為舊魚未食晒而未開出嚟...確實要諗諗點樣可以做到美觀之餘, 而方便到食客的享用方法總括而言, 在澳門食自助餐有酒店/賭場為吸引人流之原因價錢始終抵過係香港食多多聲而呢間雖然在澳門算係偏貴但仍然歸納為物有所值值得豪一豪佢! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-31
3760 瀏覽
每次去澳門,必定會去 JW 既 Urban Kitchen 食佢既 lunch buffet!呢次經旅遊網訂酒店同船飛時,意外地發現佢有一項額外訂購服務可供選擇...就係酒店自助餐!經佢哋訂 JW lunch buffet 每位只需港幣$205(無需加一)。比起 walk-in 正價 (星期一至五: MOP248)、(星期六同日: MOP348)...再加10%服務費真係平好多!Buffet 例排有中、西湯...沙律、魚生、壽司、同多種鮮果汁(個人特別鍾意西柚汁)選擇.....海鮮方面有大煆、蟹、青口、花甲、長腳蟹等。中式點點心有餃子、义燒包、奶皇包、牛肉、燒味同小龍包。不過最特別既係...呢到 lunch buffet 都食到即燒即做既片皮鴨😋其他菜式有烤羊腿、炒蜆、牛扒、篜魚、黑椒牛柳、檸檬鴨、燴牛膝、火腿津白、意粉、中式粉麵等!甜品方面...種類非常之多!有 tiramisu、葡撻、糯米糍、桂花糕、燉奶、芝士蛋糕、藍䔦批、chocolate brownie、特濃朱古力蛋糕、芒果蛋糕、奶凍同朱古力 moose 等等!仲有...港式茶咖啡!只係$205就食到平時 dinner buffet 先可以食到既嘢! 仲吾係抵到爛👍👍👍 繼續閱讀
(以上食評乃用戶個人意見 , 並不代表OpenRice之觀點。)