叮噹堡 (已結業)

一向去澳門都幫趁中旅社，每次都會有一個免費叮噹堡豬扒包送，而每次我地都會特登去換包。免費固然吸引，但豬扒包好味更吸引！包係即焗夠脆，豬扒似普遍快餐果d，但夠入味又夠稔，無咩骨，同個包十分夾。成個包俾我既感覺就係實而不華。見佢都係做街坊生意多，遊客通都係換免費包多，所以次次我都會俾錢再買多個，或者幫襯佢地其他食物當支持下。有時豬扒包要好食唔需要咁複雜又話炭燒又呢樣果樣，事實上某老店整出黎既一d都唔好食，搞太多野，令個包又硬又韌，仲要又出名又開到成行成市，遊客力量真係強！

這是一篇pending了很久的食評，主要原因是貴網未加record。而這個是我們澳門之旅的第二餐，吃完午飯不久，為了exercise手上中旅社給我們的免費換物劵，首先我們去換杏仁餅、之後我就來這一間從來未聽過的小食店，換豬扒包食。雖是旅遊贈劵，沒有錢銀交易，店方一樣的熱情招待。豬扒包，即落單，即焗包，即煎扒。任何東西，新鮮、即叫即製，永遠是冇得彈的。套票仲送一杯清涼飲品，而是日的贈飲飲品，是一杯青蘋果飲料。為何我只說是青蘋果飲料呢，因為我總覺得此物是用粉開出來的，完全不癿鮮榨或是盒裝飲品，雖然甜度適中但始終覺得我係度飲緊一杯化學品，若是有得揀，我寧願要一杯汽水。 主角，是豬扒包，即叫即製，包仔是十分的脆。豬扒，不帶骨，味道就是一般的豉油醃豬扒既味道。不韌的豬扒，一咬即開，沒有骨，不用就位；沒有其他料，純正的豬扒加脆皮包。手法同味道，實際上來說，係拍得住老店的。不是大三巴街一眾騙遊客的豬扒包店咁求其的一家非老子號小店.... 味道算好的包，在大三巴同BB拍完照，在巷仔開心地買完手信，回酒店休息一會後...過氹仔。