公雞葡國餐廳

營業中

休息中

近日有觀看，發現咗一所名為公雞葡國餐廳。上網得知自1987年開業至今。決定去新馬路東方斜巷10號間店食返個正宗葡國餐。間餐廳係大馬路噴山池對面斜路上一分鐘路程。一入到去，成間餐廳好重葡式建築風味。奬牌放滿酒吧區。據職員講，公雞係葡國吉祥物。所以成間餐廳有好多公雞擺設。我個人點咗份$125紅豆豬手配白飯。再加多支$25菠蘿味葡國汽水。總價$165。菠蘿味葡國汽水好特別，香港飲唔到咁重菠蘿味。份豬手熌到好軟熟。混入白飯滋味無窮。豬肉加入大量紅豆味，質感好似紅豆沙配豬腩肉。

澳門3日2夜。午餐在公雞，環境尚好，今次的燒乳豬超正。多年疫情前，經網上推介，地點亦方便。地點方便，順便到附近買有名杏仁餅，所以帶親友到來，再吃過4次。但今次暑假吃的午餐，餐前包點超迷你，仲要每人半個，令人不能滿足，特飲飲品是冰多過料。忘記了多年前是否迷你餐前包，希望店主改善。這店位置於市中心，理應吸引到客，有職員在街口吸引客人。

在澳門第二天，食過早餐後，就到澳門半島四處遊玩，又到大三巴映相、買手信，好開心！晚上到議事亭對面斜路一間葡國餐廳食飯，裡面好葡式設計，座位舒適！✨鹹豬手沙律✨每份切片豬手上面，鋪滿新鮮沙律菜、洋葱粒、雞蛋和香菜粒，捲起一齊食，好滋味開胃！✨馬介休球✨外皮少少脆，裡面有魚肉碎和其他配料，食落有鹹香味，口感好好！✨燒沙甸魚配薯仔✨好少食新鮮沙甸魚，燒到好香口，灑上少許鹽，味道甘香，魚肉香滑！✨葡式燒乳豬✨係葡國餐廳出名的其中一道菜，乳豬外皮香脆，肉質醃料好味，啖啖肉！

今日和老婆澳門慶祝聖誕節,晚上買完手信便往公雞葡國餐廳食晚餐,我們點了葡式乳朱,牛尾意粉,香腸炒什菜和凍卡布奇諾,入座職員奉上餐包,餐包熱辣辣,口感鬆花,葡式乳朱食落香脆,啖啖肉,有油花,薯條炸得金黃香脆,整份葡式乳朱食落口感滿足,牛尾意粉大大碟,牛尾大大件,肉質香濃,意粉爽口,紅羅白和薯仔食落爽口,口感豐富,香腸炒什菜香腸是葡式香腸,食落惹味,什菜新鮮爽口,口感一流,最後凍卡布奇諾飲落味道香濃,甜度適中,餐廳座位闊落舒適,有很多公雞擺設,食物美味大大份, 適合三五知己聚會好地方,我和老婆十分滿意今晚晚餐,食了一餐高質葡國晚餐

3號風球下既澳門的最後晚餐，就選擇左公雞葡國餐廳，食落係唔錯既葡國餐廳，但真係偏貴啦。首先，我地叫左個馬介休炒飯，呢個炒飯味道都好濃呀，入面既魚肉份量都唔少，因為佢味道都濃，所以食耐左就真係有D咸呀。之後叫左個餸就係葡式羊煲，呢個葡式羊煲，上面會有幾個包俾你點汁食，但正正因為D包索哂D汁，所以真係好咸，但係如果食入面D羊或者入面D汁，又唔會太咸喎。最後甜品就係梳乎喱，呢個就有驚喜了，因為一來味道唔錯，二來佢有專人果來幫你分個梳乎喱，服務又幾貼心。但係，呢度大部份每個餸都要$100 / $150 UP，真係少貴。

呢間位於澳門新馬路嘅公雞葡國餐廳係一間幾正宗嘅葡國餐廳，係議事亭前地對面既橫街轉入去上斜路，附近比較靜，無大馬路嗰邊d餐廳咁多人。餐廳入面裝修新淨，環境闊落，坐得幾舒服。我哋去嘅時候唔算太肚餓，所以無嗌主食，淨係嗌咗吞拿魚芝士多士配薯條同埋葡式煎馬介休餅。吞拿魚芝士多士有4塊，焗熔咗嘅芝士連埋吞拿魚一齊食好夾，多士焗得好脆口，呢兩個配撘真係食落啖啖都好滿足。葡式煎馬介休餅亦都煎到好脆身，食落唔太油，馬介休味都好濃，當小食嚟講都幾飽肚。不過可能因為兩樣都要煎同焗，所以上菜嘅時間都比較耐，落咗單都要大概半個鐘左右。📍新馬路東方斜巷百寶大廈地下A號舖位置就腳：🍊🍊🍊🍊餐廳環境：🍊🍊🍊食物味道：🍊🍊🍊整體CP值：🍊🍊🍊

下午在水坑尾附近一帶，本身想試下船屋餐廳，但原來休息唔開，再諗住試下連發哥都去嘅人氣海灣餐廳，但要搭多一程車，最後都係揾下附近有冇其他葡國餐廳，見OpenRice公雞的價錢都正常，就去試下。一路行過去，都幾偏僻，但用Google map 好易去到，6點半入到去，當時係第三枱，時間尚早，到處都有公雞裝飾，坐得好舒適。二人叫左四碟菜，一份葡國硯肉蝦燴飯（$155），需時30分鐘，一碟葡腸炒雜菌（$55），一碟炒辣薯仔（$55）及椒鹽八爪魚（$90），味道都好好，感覺唔使一定去kol推介的人氣餐廳，好多都係湯遊客，地道的餐廳性價比高又好食d。

跳上的士講去「公雞」應該冇乜當地司機唔識不過原來係有兩間朋友去錯了另外一間係始祖老店但係本人就覺得就呢間裝修新淨 靚啲Staff 好幾個都係講英文最好亦係打咗電話嚟預約先～晚飯用餐時間至10:30pm無論比港幣定人民幣都唔會補水的即係 $1000港紙會有 $1030葡幣所以找錢嘅時候全部一律都係當一樣找錢所以買得多手信 食得多貴嘢嘅朋友，最好就係用港紙對定啲葡幣先有着數 唱 $3000都多 $90洗 呢個位置係喺條馬路嘅一條斜路交通應該唔太方便 的來的去～目測有外籍人士都識嚟1）燒乳豬好味 好似有六七件左右 $210 又係同朋友share食就啱晒有薯條和少量蔬菜伴碟2 葡式炒蜆 $145呢個又係好美味一路食下邊一路有個火 keep住熱令到個湯一路熱住咁飲 啲湯一定會飲到冇晒為止好鮮味 而且啲蜆仔幾大隻3）半隻燒雞 $148 都係皮脆雞滑有薯條和少量蔬菜蕃茄伴碟4）肉醬意粉 頗為大碟 $95 牛肉要加$5，豬肉就唔使 叫咗牛肉但正正常常冇乜特別 5）焗八爪魚 $170 用個好熱嘅煲出嚟的朋友話好食因為膽固醇嘅關係 我只係食咗一條感覺 OK啦～仲有好多薯仔同埋黑橄欖喺入邊6）見有澳門啤

自從通關後 常常發掘澳門探店發覺澳門很多老字號 多年屹立不倒 品質依然很有水準當然 去澳門怎麼不能試一下葡國菜呢！因為我們剛好下午3點才到達 所以很多葡國菜已休息【落場】無意間我們找到議事亭前地附近的－公雞葡國餐廳 太幸運了 他們沒有落場 緣份下驅使我們就去試一下吧！強烈推薦 必點 蒜蓉包🥖！！一籃子通通吃光光😋鐵板黑椒牛柳配薯條 嫩口的牛柳配黑椒醬汁是真的香 和薯條的搭配很完美【尤其薯條的粗幼度是我最愛的！】葡國雞 雞肉肉質鮮嫩多汁 甜味和咸味完美地混合在一起 口感非常棒！最後 試了葡式海鮮湯飯 這道湯十分濃郁 有蝦、蜆肉和青口等多種海鮮🦐米飯煮在湯汁中 吸收了全部的精華 好滿足！公雞葡國餐廳📍新馬路東方斜巷百寶大廈地下A號舖🕰️12:00 - 22:30🏷️人均 HKD200#澳門美食 #議事亭前地美食 #葡國菜 #公雞葡國餐廳

公鷄葡國餐廳🐔落單後等足半小時，懷疑漏單，同職員查詢後仲要受到冇禮貌對待🥹 只係環境攞分，食物同服務質素都唔理想🐤 焗葡國雞完全冇味，雞還雞、汁還汁😂 仲要份量唔多架，Pizza hut完勝佢🫣🐤 薯絲炒馬介休原本係想叫個炒麵，但職員落錯單，不過都錯有錯著，呢個係最有味架😂 個比較鹹，要飲一淡要飲兩淡水，btw佢俾嘅係熱滾水🥹好鹹嘅時候仲要吹凍啲水🤣🐤 葡式煎馬介休餅五個字: 家鄉煎薄餅，完！🐤炸于抓骨似係氣炸鍋整嘅，好乾好乾，同樣係冇味，不必試

專程過澳門睇一年一度的澳門格蘭披治大賽車🚗， 然後到大三巴行街， 晚上到公雞葡國餐吃晚飯。 店內裝修很有葡國風格， 首先點了一杯Sangria Red🍷 $50， 然後再點餐牌上推介的焗葡國雞$158， 還有咖哩牛尾$140，馬介休球$36和白飯$15， 甜品有木糠布甸$35。🔸Sangria Red～ 有白酒和紅酒兩款選擇， 我選擇了紅酒， 甜度適中， 酒味不算太濃。🔸焗葡國雞～ 味道偏淡， 葡國雞嫩滑。🔸咖哩牛尾～ 咖哩味濃帶有微辣， 牛尾份量好多， 口感好腍。🔸馬介休球～ 馬介休球是我最喜歡吃的葡國菜之一， 炸起脆卜卜， 裏面有馬介休口感軟淋，帶有點鹹香味。🔸木糠布甸～ 木糠布甸非常好味， 口感軟熟， 不算太甜。每次到澳門都好喜歡吃葡國餐， 今次試公雞葡國餐味道都唔錯， 下次有機會再嚟食過！😋

來到澳門一定會去大三巴走一轉，行返落嚟議事亭前地已經差不多黃昏時間，早早地搵地方食嘢唔使同人逼，過咗馬路喺對面斜路行上一分鐘便會找到公雞這間葡國菜餐廳。到了晚上7時許，餐廳差不多坐滿了。店內裝修好有特色，很別緻，周圍放滿各種公雞擺設，牆上可以看到許多葡式磁磚。有些角落嘅枱都很適合暢飲談天。點了兩個湯，香濃蝦湯及甜甜南瓜湯，跟暖暖的軟軟豬仔包上。馬介休球，馬介休唔會好鹹，配薯蓉炸戍馬介休球，十分香口。葡國菜一定唔少得葡國雞，汁好香，雞件好大塊，入味唔嚡口，好啱小朋友食。葡式焗乳豬，呢個推介一定要試，例牌都有六至七件，熱辣辣，皮脆肉香，完全同一般廣東燒乳豬唔一樣，皮是薄一點，脆口一點。葡腸炒雜菌，熱騰騰上枱，炒得好香口。腸仔蝦仁辣意粉，這個食落比較辣，蝦仁爽口彈牙。點咗兩杯飲品，蘋果汁及柑桔檸檬，賣相都好吸引。一家三口食到飽飽，大家都好滿意這餐葡國菜，質素算上品。

議事亭前地對面，從Bossini旁的橫街入，於分叉路向左邊上斜，餐廳靠左邊。地點較為幽靜。補充：Bossini的街角，有人肉指示牌。星期五晚上，餐廳水靜河飛。這兒環境佳，價格也不太昂貴。兩個女士，點了兩款食物，送咸餐飽。餐飽熱騰騰的，外皮脆，很滋美。吉列豬扒意粉，雖然豬扒較薄，但脆漿不厚，乾身，不太鞋口，切件上亦吃得方便。茄汁意粉有蕃茄碎。份量不多，男士可能嫌少的。但加上肉，個人覺得份量恰當。炸馬介休球，薯蓉加咸魚亦不太咸，不油，好味！

住在新馬路附近，酒店的宣傳書有介紹位於新馬路的公雞葡國餐廳，原來是由氹仔官也街搬過去的，所以便直接打去預約晚飯，去到環境有驚喜，好特別，6個人點了七、八道菜，其中葡式燒鱔、乳豬真係好好味，芝士多士無得頂, 下次會再光臨！