影片
評分😋😋😋😋😋😋😋😋8.5 / 10.餐點雲吞墨魚丸撈麵(加咖喱)，水餃墨魚丸撈麵(加咖喱)，凍奶茶(走冰)，價錢約MOP124 (唔記得轉撈麵加幾錢).簡評😋幾滿意！所點的每樣都係佳作，個人認為最出色的係墨魚丸。只係以麵檔黎講價錢屬於少貴，或者係因為佢的雙餸唔會好似其他店咁將每份餸的份量縮水。.墨魚丸口感唔係墨魚餅戈種彈牙感，而係屬於比較膠的質感，墨魚味足，入面亦有墨魚肉粒添加口感。.水餃皮薄餡靚，餡料係用木耳同豬肉打成，味道適中，木耳有咬口。食的時候仲見到啲餡真係親自手打，木耳同豬肉分佈均勻。.雲吞同樣都係皮薄餡靚，屬於一口可以完成的尺寸。餡料有豬肉同幾隻細蝦，蝦有咬口，味道亦適中。但相較之下水餃會比較出色，可能因為市面上亦不乏比佢出色的雲吞，但已經做得好好。.奶茶茶同奶的味道都充足，茶味略略比奶味突出，口感亦算香滑
繼續閱讀
今天路經見到呢間澳門人傳說中三日打魚兩日曬網嘅兄弟行有開門，忍唔住入去一試佢嘅虛實。我叫咗一個牛肚牛肉麵外賣，返到公司即刻急不及待試食。😜甘香嘅牛肚牛肉軟硬適中，配上爽口彈牙嘅麵，好有即刻encore嘅衝動！😍😋😋唔怪之得即使唔成日開檔，但仍蓄住一班捧場客贏得咁多口碑啦⋯👍🏻
繼續閱讀
美味手打肉丸環境一段, 位唔多. 一段都喺本地人食比較多墨魚丸 / 雲吞 / 水餃 / 鯪魚球 超好食. 佢有粉麵食.不過我哋因為仲要其他澳門美食, 所以只喺叫咗淨丸.佢仲有奶茶, 咖啡等飲品食過之後, 您會覺得香港嘅唔好食.下次去澳門, 一定會再去.不過香港人一般要搵, 都唔喺咁容易, 因為佢唔喺大馬路.佢喺澳門水上街市 或 十六浦酒店 附近. 食完仲可以用15-20 分鐘行去最香餅家買炭燒杏仁餅, 盲公餅, 蛋卷,利伸 : 我個人覺得好食過 鉅X 好多, 大家不妨買嚟吓, 比較下啦.
繼續閱讀