影片
我地係澳門科學館開心玩樂之後，我地就去匯合小小豬舅父仔去食晚餐。舅父仔帶左我地去打邊爐呀，嚟澳門都係第一次打邊爐，感覺又好似有啲唔同啲哦~ 哈哈哈...都幾多嘢食，選擇恐懼症又即刻發作啦~ 最後舅父仔就幫我地揀左雞煲翅湯底套餐，食物新鮮唔在講，仲真係有大大條翅，真係感覺好豪呀~ 雞肉丸入面係有啲雞軟骨，食落好有咬口呀~蔬菜盆，雖然份量就好少左啲啲，不過都好新鮮呀~黑豚肉片，超級推介，好有豬肉味之餘仲滑嘟嘟，真係好回味呀~第一次用鮮准山打邊爐，估唔到係咁好食，下次係屋企打邊爐都可以買噂啲嚟試呀~小小豬至愛烏冬，好彈牙呀~YEAH....開餐啦....今餐真係勁豐富，好滿足呀~估唔到嚟澳門打邊爐真係有啲唔同，好有風味呀！其實澳門都有啲小店係好有特式同，所以真係唔洗次次都去旅客區同人迫住食，依啲小店都好值得推介呀！
繼續閱讀
難得趁住中秋節去海邊睇煙花前，所以我地一家人黎左依間中式美食 - 中廚 食D野落下肚。中廚係至尊花城附近 (騎師旁邊, 其實係同一間 ) ，一D都唔難搵，難搵既係車位，轉左3~4個圈，最後泊左去停車場 入正題，中廚座位偏小，要黎食記得預約，因為我地預約左都要等5至10分鐘。中廚主打精緻菜式，而且有火鍋。鐘意食中菜既應該會鐘意。今次點菜方面都係侍應推薦的，例如醉雞，蛋白炒蟹肉之類，先講紅棗醉雞，真係好食，依隻醉雞係冷盤，雞肉細嫩爽滑，賣相一流。正!!然後係蛋白炒蟹肉。上既時候會有個生蛋黃係上面，食既時候自己攪暈，用料方面幾豐富，有帶子、蟹肉，蛋白做得好好，好滑。另外，自己係到等既時候，都見到唔少人點刺身 有人會奇怪問，中菜有刺身食? 冇錯，因為隔黎騎師係日本菜，廚房係通的，你鐘意可以點壽司黎食。 所以，最後自己都有叫個三文魚刺身試下。總體黎講，中廚定價方面略為偏高，但絕對值依個價錢，無論食物味道、賣相，環境，服務態度都十分好，值得一試。
繼續閱讀