4
4
0
開飯介紹
澳門首間年輪蛋糕專門店,造型看起來有點像葡撻,是以年輪蛋糕代替蛋撻的酥皮層。 繼續閱讀
營業時間
星期一至日
12:00 - 20:00
付款方式
現金
以上資料只供參考, 請與餐廳確認詳情
食評 (11)
等級1 2018-06-23
1197 瀏覽
位置較偏僻,有啲難搵,由於係想買呢款撻當手信,所以門市有嘅味道就每樣都買左1個,翻焗過就分唔出軟式同硬式有咩分別,但如果計葡式個款,中間嘅餡係冇網上講嘅咁甜,其實係食唔出係咩味,嚴格黎講芝士撻仲好食啲,唔可以同普通葡撻比較。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-03-25
1062 瀏覽
澳門嘅食物真係多不勝數,而且經常都有新血。今次呢間不是葡撻都係第一次試,舗頭喺大馬路附近嘅清平街,好易揾。舖頭門面同內部都好細,係外賣手信及小食店嘅經營模式。我哋試咗硬皮芝士撻同軟皮年輪葡撻。店員細心地提醒我哋食硬皮芝士撻時要托住個底,因為好易甩出嚟。芝士撻食落去基本上就同流心芝士撻一樣味。一樣係有芝士流出,一樣係曲奇皮,唯一唔同嘅係個曲奇皮硬少少,硬嘅外皮加上軟心芝士,兩重口感對比強烈。另外一隻係軟皮年輪葡撻,外皮係年輪蛋糕,入面係葡撻蛋漿。淡淡嘅葡撻味,甜甜地,但就將酥皮換成年輪蛋糕。個人覺得始終係葡撻蛋味濃d,而且一般葡撻上嘅焦糖味提升咗整體嘅香氣同味道。下次再有機會,會試下硬皮葡撻。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-24
965 瀏覽
上次朋友特登推介我黎呢度試吓另一款嘅葡撻!每日新鮮製造仲有分左好多口味㗎!我就試咗比較傳統嘅兩款曲奇葡撻-內裏嘅蛋醬同普通嘅葡撻差唔多,都係好香滑同小小甜味,特別在出邊似係曲奇,咬口好香脆,係另外一種食法招牌年輪葡撻-呢一款葡撻外邊就比較鬆軟,有蛋糕嘅口感!都係一種比較特別既葡撻款!總括嚟講,推介比經常黎澳門遊玩嘅人,食開平時既葡撻可能食到厭,可以黎試一試呢款啊 繼續閱讀
(以上食評乃用戶個人意見 , 並不代表OpenRice之觀點。)
等級2 2017-11-14
803 瀏覽
其實好耐之前朋友介紹過尼間係澳門既“不是葡撻”,佢地既出品其實係年輪蛋糕代替酥皮再係上面加入葡撻既蛋漿一齊焗,今次過到黎澳門就去食下。分返開年輪蛋糕同葡撻兩樣我都好鐘意食,好期待兩個加埋會刷出咩火花。佢地分左4款撻,分別係年輪葡撻軟/硬同芝士年輪葡撻軟/硬,先買一個年輪葡撻硬試下先,外貌其實好吸引,但當店員一拿比我既時候發現個撻原來係凍既,問店員佢話正常尼款捧係常溫食,個一刻其實有d失望,因為佢都係葡撻類既食品,所以一定係熱食最好食,既然都買左都要試下,一食之下發現其實好普通,焗硬左既年輪蛋糕其實同曲奇皮既蛋撻無咩分別,仲要係凍既,蛋味一般般啦,所以食完第一個之後都無再買第二個試,食一次就夠。不是葡撻真係同佢個名一樣根本不是葡撻,如果係以食葡撻既心去食,一定會失望。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-02
791 瀏覽
之前女排大獎賽,我們一行8人由香港到澳門覓食。網上看到不是葡撻的報導,難得係澳門一定要試吃一下,朋友都係外賣到手的,所以我只看到包裝精美的撻、撻、撻和撻🤣🤣我朋友話分左三個口味並有軟硬之分,口味有分別既,但軟硬就真係要比啲心機去感受一下。我個人認為硬係帶小小脆口的,層次感會多啲,因為本身中間既蛋已經係軟軟的,所以比較好味👍🏼而蛋同年輪既焙焗時間掌握得好,唔會太乾身。不過如果蛋味再重一點就好了😋 繼續閱讀
(以上食評乃用戶個人意見 , 並不代表OpenRice之觀點。)