2
2
0
電話號碼
2875 0688
營業時間
今日營業
10:00 - 22:00
星期一至日
10:00 - 22:00
付款方式
現金
其他資料
加一服務費
食評 (4)
等級7 2019-03-23
48 瀏覽
在上年10月中,重陽節前夕及重陽節假期那天,我跟男朋友一起到澳門兩天遊! 我們住在澳門美高梅酒店,貪其在市區交通方便!在重陽節前夕黃昏,我們在澳門宋玉生廣場(皇朝) 那邊兜個圈,看看有什麼店子及餐廳!當時,最吸引我視線的是 <上行咖啡>!(當時我還用相機影低門面) 之所以想在重陽節假期那天幫襯,怎料早上尚未營業,便幫襯了 <海王冰室> 食早餐!餐廳佔地兩層,我們在舒適優雅的環境下享用美食,的確是賞心樂事!認得我們的老闆熱情好客,原來他看得出我們是香港人,他恐怕我們尚未食早餐,因此豬手都整大份啲,令我們也食得高興!精選雙人套餐好抵食又不用傷腦筋! (設加一服務費)精選雙人套餐 $238包括:蒜蓉焗青口、百里香焗龍脷柳、蜜汁燒豬手及甜品木槺蛋糕;套餐跟餐湯、甜品及咖啡/ 茶!餐湯:忌廉湯 加入肉粒,令整體口味及口感不會太單調!蒜蓉焗青口青口與薯蓉混合焗成,金黃色的表面,香酥美味!蒜蓉把青口本身的鮮味逼出來!百里香焗龍脷柳以錫紙包裹焗製,打開隨即散發惹人垂涎的香氣,白汁濃而不膩,我們汁都撈埋,可配白飯及欖油意粉,意粉軟硬適中又夠香口!跟白汁幾夾!一濃一淡恰到好處!蜜汁燒豬手豬手比預期大份啊!肉質不死實,而且既入味又惹味!我們食得津津有味!甜品:木槺蛋糕 由於加入不少軟滑忌廉的關係,食起來有點溜!甜度是剛好的!在這裡,舒適優雅的環境、熱情好客的老闆,加上抵食夾大件的美食!下次去開澳門,也要找這間餐廳幫襯先得嘞! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-20
898 瀏覽
同人溝通最好就唔好甘死板坐喺辦公室,飲杯茶食件餅感覺都會好好多。食完晏飽飽,但都仲有另一個胃,甜品胃。講到澳門最出名嘅甜品就係木糠布甸,木糠布甸其實個製法都幾容易,就係要忌廉跟住仲加啲雲呢拿,煉奶,甚至一啲餅碎就已經可以做到,一般家庭可以做到嘅簡易甜品。但係出自唔同人嘅手有唔同嘅味道,風格。呢一間嘅木糠布甸就唔係用一杯杯型式,係比較硬身嘅類型,質感有啲似雪芭,可以原件出嚟。但係我就覺得呢度嘅味道唔夠之前食嘅好,可能佢加咗啲玉桂粉,個玉桂粉味,完全蓋過晒佢嘅忌廉香。另外仲飲咗兩杯咖啡,兩杯咖啡就有返咁上下質素。好似摩卡咁樣除咗香之外,下邊就真係會有啲朱古力漿,俾你攪勻,真材實料。見到隔離有人叫午餐,個焗豬扒飯嗰塊豬扒好厚又好大,而且啲汁料個色都好鮮,好靚仔,應該唔錯。仲要重點係呢一度嘅服務態度真係好好,個個笑面迎人。同埋我嗰陣時係食緊午飯,但仲笑住甘服務我地,感覺好舒服。 繼續閱讀
(以上食評乃用戶個人意見 , 並不代表OpenRice之觀點。)
等級3 2013-08-06
1039 瀏覽
前幾日同左一班同事去左公司附近食LUNCH, 由於放飯時間, 好多間食店都無晒店。咁啱上行咖啡有位,未試過就入左去,試下食個中午飯,食完之後,確實有少少驚喜。講番位置先,上行咖啡位於皇朝倫敦街環宇豪庭地下(即是聖約瑟大學果條街,味皇正對面)推開門入去其實就己經感受到很強烈既葡式咖啡店味道,但可惜樓下無空位,我們就上了二樓用餐,二樓的怖置顯然跟一樓的格局有很大出入,無裝修似的....強烈建議大家在樓下用餐,二樓比較悶熱。講番上行咖啡的Set Lunch,她的set Lunch是每天轉變的,我概括為3類,MOP50, MOP55 和 MOP60。套餐都跟一個餐包, 一杯飲品 以及 一個主食。我點左個菠菜大蝦意粉,飲品方面選熱奶茶 (注意: 凍飲要另外加3蚊)坐左一陣, 服務員就拿了一小籃餐給我們,餐包係甜既,而且脆卜卜,喜歡食咸餐包既朋友仔可能會有D失望,其實我都係鐘意牛油配咸餐包。Anyway, 主菜來了, 意粉可圈可點,意粉汁味道偏濃, 汁很重cream 味,蝦係幾爽口但可惜冇咩蝦味(應該用鹼水腌左幾耐。)我同事就分別點左:由於我冇食過,只能靠大家無限的想像力,但同事都認為味道是不錯的。冇獨有偶,今日我們再一次到上行咖啡午餐   好!! 今次就試下星期二的匈牙利牛配飯我認為今次的匈牙利配飯的汁做得不錯,其實係有D似食緊牛腩飯,牛腩鬆化易嚼不黏牙如果食午飯,我認為上行咖啡都算是一個不錯的選擇,  服務幾好, 食完飯會主動俾一杯水你,食完又會馬上幫你收拾桌面,  而且又冇咩蚊滋,總體黎講,幾好。 繼續閱讀
(以上食評乃用戶個人意見 , 並不代表OpenRice之觀點。)
等級3 2008-08-18
556 瀏覽
一個非常閒暇的下午,加上炎夏的熱力納悶得有點不耐煩,所以便找間帶點情調的咖啡館.剛好在下午茶套餐時段,五十餘元;兩杯飲品 + 三文治,雖然套餐的咖啡一般普通,但沒有常有的苦澀味;三文治是簡單的蔬菜 ham&cheese,伴著咖啡,音樂....空調,剛才的納悶煩燥稍稍靜下來,變得消閒..順帶提示,它們的晚餐水平是不錯的,尤其羊鞍扒,海鮮天使麵較出眾. 繼續閱讀
(以上食評乃用戶個人意見 , 並不代表OpenRice之觀點。)