青洲灶記咖啡 (已結業)

今日呢到氹仔官也街，呢度係遊客必到之地！一場嚟到梗係要去尋找回憶 食澳門名物-豬扒包啦! 大利豬扒包嘅舊址，現已經被另一間本土老字號 灶記取代。 灶記 老店起源澳門一個叫青洲地方，歷史悠久嘅地道小店。多年前食過，記得最出名係豬扒麵。同大利唔同，佢嘅豬扒係起咗骨嘅，啖啖肉可以大快朵頤! 唔係猛龍唔過江 定係氹仔浸蛟龍，今次就試一試佢!豬扒包豬扒起骨 多肉小肥，肉質嫩滑多汁，感覺 似豬柳部位 ！腍身鬆軟入味，可見其打鬆豬扒和調味醃製嘅炮製功夫十分到家! 正宗澳門豬扒包係配硬豬仔包，外脆內軟，名不虛傳！豬扒炒麵豬扒煎香 設調碎上 切條狀碎上 加添一份焦香！炒麵 彈牙煙韌，炒得乾身唔油膩有鑊氣！牛尾通粉牛尾 炆得腍身入味，有根有肉有骨髓，牛味濃鬱。靈魂係個牛尾湯，溶化牛嘅精華，通粉索滿其湯汁，令人垂涎欲滴!厚切西多士厚切西多 份量十足。其麵包軟滑程度，有如棉花糖和蛋糕，柔軟絲滑鬆化，意外驚喜！…查看更多

今次全家到澳門二天遊，在氹仔的酒店登記入住後，下一站是官也街。現在有了龍環葡韻增設的行人電梯，方便遊客由氹仔金沙城步行至官也街。雖說方便又快又省時，但路程也不短，加上黃昏時分，開始肚餓了！要計劃下今晚食咩好。 晚市黃金時段，很多餐廳都需要等位。全家走著走著，就來到從前豬扒包的舊址，現在變了茶餐廳/咖啡廳。門口貼了餐牌，價格合理，而且可馬上入座，於是在此晚餐吧！　原來今天餐廳在七時關門，難怪了！　就因為即刻有位，加上客人不多，尚算寧靜，環境比高分。枱面有茶，供客人飲用，即係自己搞掂。細看餐廳介紹，原來是老店。　點了二款主菜及豬扒包。　　　火腿蛋炒通粉　　看到餐牌，真係不知炒通粉是什麼樣，好奇之下點了這款。　原來就是以乾炒牛河的做法，來炒通心粉。老抽生抽上色，配豆芽，很有炒牛河的風味。而碟子底部没有太多的油份，與香港一般茶餐廳的炒牛河比較，這碟炒通粉看來用油較少。由於太肚餓了，大家很快消滅這個澱粉質了。　　　西洋焗豬扒飯　　又係澱粉質。這個焗飯是金鑲銀炒底。所用的米粒較尖長，外形跟台山黃鱔飯所用的米很相似，兩者都是乾身有口感。再細聽職員的口音，可能是台山人。　　　豬扒包　在大Ｘ豬扒包舊址食豬扒包！　熱奶茶　茶味淡，不夠香，不夠醇。餐廳在七時關門，快打烊了，所以心照。　　這個晚餐，一家三口大約花費百五元，價格合理。　至少，餐廳願意在店門張貼餐牌。…查看更多